ጳውሎስ፣ ክርስቲያኖች ስለ ትንሣኤ ያላቸው እምነት በውሸት ላይ የተመሠረተ ነው የሚል አመለካከት አልነበረውም። ኢየሱስ ከሞት እንደተነሣ ያውቅ ስለነበረ ለቆሮንቶስ ክርስቲያኖች ማስረጃዎቹን ጠቅለል አድርጎ ሲያስቀምጥላቸው እንዲህ አላቸው፦ “ቅዱሳን መጻሕፍት እንደሚሉት ክርስቶስ ስለ ኃጢአታችን ሞተ፤ ተቀበረም፤ ደግሞም ቅዱሳን መጻሕፍት እንደሚሉት በሦስተኛው ቀን ተነሳ፤ ለኬፋም ታየ፤ ከዚያም ለአሥራ ሁለቱ ታየ።”b አክሎም እንዲህ አለ፦ “በኋላ ደግሞ በአንድ ጊዜ ከአምስት መቶ ለሚበልጡ ወንድሞች የታየ ሲሆን አብዛኞቹ እስካሁን በሕይወት አሉ፤ አንዳንዶቹ ግን በሞት አንቀላፍተዋል። ከዚያም ለያዕቆብ ታየ፤ ቀጥሎም ለሐዋርያቱ በሙሉ ታየ፤ በመጨረሻ ደግሞ . . . ለእኔ ተገለጠልኝ።”—1 ቆሮንቶስ 15:3-8