መጽሐፍ ቅዱስ ስለ ወረርሽኝ አስቀድሞ ተናግሯል?

መጽሐፍ ቅዱስ እንደ ኮቪድ-19፣ ኤድስ ወይም የኅዳር በሽታ ያሉ ወረርሽኞችን በስም ጠቅሶ ትንቢት አይናገርም። ሆኖም “ቸነፈር” እና “ገዳይ መቅሰፍት” እንደሚከሰት አስቀድሞ ተናግሯል። (ሉቃስ 21:11፤ ራእይ 6:8) እነዚህ ክንውኖች ‘የመጨረሻዎቹ ቀናት’ ወይም “የዚህ ሥርዓት መደምደሚያ ምልክት” ገጽታዎች ናቸው።—2 ጢሞቴዎስ 3:1፤ ማቴዎስ 24:3

ራእይ 6:8፦ “እነሆ ግራጫ ፈረስ ነበር፤ በእሱም ላይ የተቀመጠው ስሙ ሞት ነበር። መቃብርም በቅርብ ይከተለው ነበር። ሞትና መቃብርም . . . በገዳይ መቅሰፍት . . . እንዲገድሉ . . . ሥልጣን ተሰጣቸው።”

የሚያስተላልፈው መልእክት፦ በራእይ መጽሐፍ ላይ የተጠቀሱትን አራት ፈረሰኞች አስመልክቶ የተነገረው ትንቢት ወረርሽኞች እኛ ባለንበት ዘመን እንደሚከሰቱ ይጠቁማል።