Maharatengayho Iso Han?

Misongilaˈay kiso a miˈosi to lalakaw no aniniay miheca a Mikecolay han? Wa ngaˈay kiso pacaˈof to ilaenoay a salicay hokira:

Hano makalim kita panokayen ko ˈdil ci Yihofaan hani?

Makalimay kita sapihaenaw to demak, samanen tangongolay ko pikangodo ato kaolah ita ci Yihofaan, makalimay mafanaˈ ko tao Cingranan.—w25.01, saka 3 fiedac.

Ano iraay ko pakararaway kitanan a tamdaw, sasamaan ko pidemak ita ngaˈ makahi a misodod cingranan?

Mikiharay kita to kadokaˈ no falocoˈ. Kawra wa mipiliˈ kita eca ka ngolaw ato ˈinteh, ano mihaen i, ecato padadotoc ira ko tatiihay a harateng, midokaˈ to niyah.—w25.02, saka 15-16 fiedac.

O ngaˈayay taˈarawan no kapah a salikaka ci Marko, hano haenen ko sowal hani?

Makahiay ci Marko matayal saki tao. Soˈlin matoleden anca pasangaren ko pakayraan, kamayanho cingra mihaen to demak. Misarocoday cingra midama ci Pawloan, macacawmaˈ to matenesay a Krisciyang, palahad to tangongolay a kalawidang cangranan.—w25.04, saka 27 fiedac.

Mitolonay ci Yis to i kakarayan a Wama: ‘Maherekayto kako pakafanaˈ cangranan to ngangan Iso.’ O manan ko tatodong no sowal ni Yis? (Yohani 17:26)

Mafanaˈayto ko nisawawaan to ngangan no Kawas o ci Yihofa. Mansa, pasifanaˈay ci Yis to nisawawaan a cipinang, o mitaypiyawan nonini a ngangan i, o masamaanay a Kawas. Padamaanto ni Yis ko nisawawaan, matongal ko kacipinang to capeling ato araaw ni Yihofa, ato na midemakay Cingra to manan, noikor mamidemak to manan.—w25.05, saka 20-21 fiedac.

Ano misapoener ko falocoˈ ita, wa mihayi to manan?

Wa mihayi kita iraay ko kafokilan no niyan a demak. Tinakoen, cowa ka fanaˈ kita hacowa ira ko salikoray a romiˈad, ato sasamaan ko pidemak ni Yihofa. Cowa ka fanaˈ kita mamifekad ko manan nocila, anca hakowaay ko noka cipinang ni Yihofa kitanan.—w25.06, saka 15-18 fiedac.

Sasamaan mikitini i pakapapotalay a kimad, anca sakiˈalomanay a casi milifok to epoc?

Licayen ko niyah: Iraay ko manan a pakayraan wa ngaˈay sakadademaken ako? Iraay ko manan a sapatinako ngaˈayay sakadademaken ako pasifanaˈ to tao? O cima ko mamaolah tonini a lalangian?—w25.07, saka 19 fiedac.

Pakayni i misododay, mikitini i picada no Kawas ci Tafitian a pakayraan, mananamay ita ko manan?

Ci Tafiti na pakidemay ko raraw. Kawra ikor mikifalocoˈay a pasasiyor, misododanto ni Yihofa cingra. (1 Hongti 9:4, 5) Ano sododen ni Yihofa ko cecay tamdaw, cowato ko mamiliyaw Cingra somowal to raraw ningra.—w25.08, saka 17 fiedac.

O pakingkiwan ano pasangaray micada to cecay pinengneng no Fangcalay Cudad, sasamaan ko pidemak iso?

Ano misalalangiayto kiso to Fangcalay Cudad mitadtad to pakingkiwan, kawra kamayan caka kahi a micada cingra, ngaˈay milengo to roma lalakaw, ikor liyawen haca milengo koniya salicay.—w25.09, saka 24 fiedac.

Sowal no Fangcalay Cudad, o raraw iraay ko ˈicel ‘misakaniw’ to tamdaw, o manan ko tatodong hani? (Hipray 3:13)

Pakayni pifiyor no raraw, madoloay kita a mararaw. Alatek masakaniway no raraw kita, telocto iraayto ko sasa no harateng, cisasa soˈlinay ci Yihofa maolah kitanan hokira.—w25.10, saka 16 fiedac.

Sasamaan kita patongal to epoc no satolon no niyah?

(1) Misimsim to makapahay capeling ni Yihofa. (2) ˈAyaw no mitolon, haratengen o manan ko misiˈayawan no niyah a pasangar. Tinakoen, pasangaray misodod kako to cimaanan. Ikor, mitolon ci Yihofaan. (3) Adihayay ko mapalakay a toki a mitolon, naˈonen a pasowal. Mihaen, madoloayto pasowal to nafalocoˈan a harateng.—w25.10, saka 19-20 fiedac.

Sasamaan kita padama to matoˈasay a salikaka hani?

Ngaˈayay macerid kita marinnak ato milisoˈ cangranan, pacafay cangranan a mipaising, ngaˈayayho kalacafay cangranan mirienang to masakenakenaay a mitosilay tayal.—w25.11, saka 6-7 fiedac.

Sasamaan ko demak no pakaetimay ngaˈ paˈdil to Kawas?

Midofdof to sarikec. Ho ngaˈay ko pakaetimay ato tahka no pakaetimay paihkal to minaroˈan no fangcalay saocor. O caciraramod a tamdaw sanengsengen ko caˈedong. Aka pidemak to misafelitay to safalod no Fangcalay Cudad a pinangan. Milimasmas to pakaetimay i, pairaen ko ngaˈayay a kasasowal.—w25.12, saka 21-24 fiedac.