OKPỌKỌ 6

Ire Keke Ke Eji Ekween̄ Melek Mun̄-Ile Usen Ke Nuwa?

Awaji ifiat ebi ikpak me inyan̄a Nuwa mè ebi ototun̄ ukan̄ kan̄. Ibebene 7:11, 12, 23

Uji ile ya iwolo, ebi mkpikpak minwọ mun̄ mè ikwaan̄, ebi osat ekpaka otu Awaji minwene inan̄a melek akpalek ebilene

Akọp ikarek ini mè akọp eririeen̄ ini ke ibot orep mè ichit otutuuk inyọn̄ ijọn̄. Otutuuk ebi mkpikpak mikwaan̄.

Ebi osat-ikwaan̄ ebi ikpaka otu Awaji minwene inan̄a melek ebilene me ikana ebi ijo ekwukwu.

Nuwa, ototun̄ ukan̄ kan̄, melek anam cha minan̄a isibi me emen uji ile ya egop ubọọn̄ osisibi me isi inyọn̄

Ebi ikup me emen ikpele uji ya kpekwu. Ubọk geelek ibe ke Nuwa mè ebi ototun̄ ukan̄ kan̄ miyaka ikwu me mgburudun̄, Awaji mosa ema inu me ugwem inyi kè ekpọk eluk ugwem.

Awaji mokpọk ifiat ebi ijo mè inyan̄a ebi ata ife. Matiyu 24:37-39

Setan mè ebi ijo ekwukwu kan̄ ekisa esese esese oniin̄ ifaan̄ ebilene

Setan me ebi ijo ekwukwu ekpọikup inye ikifian̄ ebi ene.

Ibelek usen kè Nuwa, ikeya si me chereyi, ogbogbo ebi ene mijit ntọ-ubọk Jioba onyibe eji inan̄a melek ima. Sọntiik mgbọ, Jioba mofiat otutuuk ebi mkpikpak.—Pita Eyi Òso Iba 2:5, 6.

Ebi Ata-ikọ Jioba esa Baibul ilook ogwu enerieen̄ ge etip; ogwu enerieen̄ ge ifuk Baibul

Ikaan̄ ebi ibelek Nuwa. Ema ekigban̄ utọn̄ melek Awaji me ikirọ inu itumube. Ema ire ebi Ata-Ikọ Jioba.