INU NKWEEN̄ 49
Ike Owa Ke Ototun̄ Ukan̄ Kwun̄ Obosa Ikaan̄ Ubelejit?—Okpọkọ 1
Ebi ibabat ayaya ekikaan̄ ikpọchieen̄ ibe ke ubelejit ema ekaan̄be me usen ema ebatbe mobia ire mgbọ geelek. Mokọt ikup ikeya si. Ebi eyi Karais ibabat me owuwa acha mè itap efuuk onyenye isasa nteme onan̄a me emen Baibul irọ mkpọ miriọọn̄ ibe ke eyi ifet.
1. Kpasi nteme ke Baibul onyi ebi irere olom?
Jioba igobo olom kubọk ogwu ibot ototun̄ ukan̄. (Fuk Ebi Efesọs 5:23.) Jioba iweek ibe ọmọ ikirọ ntumu-mfieek echi obosa oruru ijet ebi ototun̄ ukan̄ kan̄. Baibul itumu inyi ebi irere olom ibe: “Ìmun̄ ebi nwa kinyi me chieen̄.” (Ebi Efesọs 5:25) Keke ke eyi osibi? Olom ogwu omama ogwu nwa ibokiluluk ugwem ijaan̄ melek ogwu nwa, me mgbọ ema gaalek ekupbe, mè me isi ebi ene. Mokibem ogwu nwa inan̄a me lek mkpọ unan mè ikitap efuuk isasa ikikpọ chieen̄ me lek ufiak ogwu nwa. (Timọti Eyi Adasi 5:8) Eyi okukup ufiak ichit, olom mokije me isi ikekikpọ chieen̄ me lek ufiak emen ekwukwu ogwu nwa. (Matiyu 4:4) Kubọk inu njeen̄, mokigọọk ogwu nwa ikibeek uriaak mè ikifuk Baibul. Olom isikisa me ima ikpọ chieen̄ ijaan̄ me lek nwa kan̄, mokirọ ibe mgbaan̄je kan̄ melek Jioba inye.—Fuk Pita Eyi Adasi 3:7.
2. Kpasi nteme ke Baibul onyi ebi irere nwa?
Usem Awaji itumu inyi ebi irere nwa ibe: “Ikalọlọ inyinyi ebi nlom kinyi ulibi.” (Ebi Efesọs 5:33) Ike owa ke nwa obosa ikirọ eyi? Mokikeek ata eru echi ogwu olom okaan̄be mè efuuk ikebitap isasa ikikpọ chieen̄ me lek kan̄ mè nsabọn kiban̄. Mokọt ikijeen̄ si ulibi sa me ikekibieen̄ ntumu-mfieek ogwu olom inye, mè ikitumu usem onwọnwọn inyi ọmọ mè ikitumu ata mkpọ ofolek kan̄ inyi ebi ene, ikerere ibe ke ogwu olom ikare ogwu ntitiin̄.
3. Ike owa ke olom mè nwa ebesa irọ inyi mbat-olom kiban̄ inye?
Ofolek olom mè nwa Baibul ibe: “Ema ene iba mênenikana ire akpalek ge.” (Matiyu 19:5) Eyi isibi ibe ke ema metap efuuk mè ijit inu geelek oborọ ibe ema ekeda lek ebọkọ me lek ge ge. Ema ebekirọ eyi sa me ikekigbaan̄ mkpọ irọ mgbọ geelek mè ikekisa me ima ikichili ejit ikpa nkeek kiban̄ inyi ge ge. Ema kpebechieek ibe inu geege mè iyaka ire ene geege—ilọ me lek Jioba—ikup ufiak igak nlom mè iyaka ire nwa kiban̄. Ema si megbala chieen̄ imun̄ ibe ke ema kpetaba lek iriaak me lek ofifi ene geege me ubọk ikagbege.
KWEEN̄ GBAALEK
Kpọ onineen̄ Baibul obotap ubọk irọ inyi mbat-olom kwun̄ inye.
4. Olom—ma mè kpọ chieen̄ jaan̄ me lek nwa kwun̄
Baibul ibe ke “îgbe ibe ebi olom ekemun̄ ebi nwa kiban̄ me chieen̄ kubọk ema emun̄be akpalek kiban̄ me chieen̄.” (Ebi Efesọs 5:28, 29) Keke ke eyi osibi? Fit FIDIO yi, mè igbaan̄ ikpa idodo yi ogọgọọk.
Oniin̄ echi owa ke olom obosa ikijeen̄ ibe ke ima mè ikikpọ chieen̄ ijaan̄ me lek nwa kan̄?
Fuk Ebi Kọlọsi 3:12, mè igbaan̄ ikpa idodo yi:
Ike owa ke olom obosa ijeen̄ eru chi me emen mbat-olom kan̄?
5. Nwa—ma mè jeen̄ nlom kwun̄ ulibi
Baibul itap efuuk me owot nwa ibe ikijeen̄ ogwu olom ulibi mè ire ikitọbọ ebum inyi Jioba sa ikakitọbọ ebum inyi ọmọ. Fuk Pita Eyi Adasi 3:1, 2, mè igbaan̄ ikpa idodo chi:
Ire okaan̄ olom ogwu ikakitọbọ ebum inyi Jioba, me atikọ oweek ibe initọbọ inyi Jioba. Eyi owa ke okeek ibe ke motet mun̄—ikekilook ata etip inyi ọmọ mgbọ geelek sa ikakaan̄ ata eru mè ikekijeen̄ ọmọ ulibi? Keke orọ ofọọkbe ikeya?
Olom mè nwa mekọt igbaan̄ irọ ata ntumu-mfieek. Ire, usini mgbọ nwa mokọt ikaan̄ ofifi nkeek me lek ntumu-mfieek ogwu olom. Ọmọ mokọt ikpa nkeek kan̄ me oniin̄ okukup dii mè ijeen̄ ulibi, ire, moriọọn̄ ibe ke Jioba inyi ogwu olom akpan ikwaan̄ irọrọ ntumu-mfieek onwọnwọn ichit me ototun̄ ukan̄. Nwa motap efuuk ibieen̄ ntumu-mfieek ogwu olom inye. Sa me irọrọ ikeya, ọmọ motap ubọk irọ me ubelejit ikup me ototun̄ ukan̄. Fuk Pita Eyi Adasi 3:3-5, mè igbaan̄ ikpa idodo yi:
Ike owa ke ikikup me lek Jioba mgbọ geelek nwa isikijeen̄ ogwu olom ulibi?
6. Omokọt itim igak ufialek me mbat-olom kwun̄
Kpunu mbat-olom geege ososo ikup. Eya orọ ikupbe ufiak ibe olom mè nwa egbaan̄ etap efuuk inyi ema etim egak ufialek. Fit FIDIO yi, mè igbaan̄ ikpa idodo chi ogọgọọk.
Me emen fidio ya, mkpọ echi owa okijeen̄ ibe ke olom mè nwa ya mekida lek ibọkọ me lek ge ge?
Keke ke ema erọ isasa irọ ibe mbat-olom kiban̄ inye?
Fuk Ebi Kọrint Eyi Adasi 10:24 mè Ebi Kọlọsi 3:13. Enyi esifuk ere Baibul chi ge ge isan̄a, igbaan̄ ikpa idodo yi:
Ike owa ke isasa nteme yi irọ mkpọ obosa irọ ibe mbat-olom inye?
Baibul ibe me eji ekenyi ge ge umin. Inyinyi ene umin igọbọ ikekijeen̄ ene ata ejit mè ulibi. Fuk Ebi Rom 12:10, mè igbaan̄ ikpa idodo chi ogọgọọk:
Ire olom mè iyaka ire nwa mokup ikpọ ibe ogwu melek kan̄ idasi ijeen̄ ọmọ umin ni? Keke orọ ofọọkbe ikeya?
USINI ENE EKIBE: “Emi melek nlom n̄a mè iyaka ire nwa n̄a kpeyaka ikikup iriaak me lek ge ge ike eji ewuuk lek ikikup.”
Ike owa ke obosa ijeen̄ ibe ke Baibul mokọt itap ubọk inyi ema?
ME MGBIDIM
Olom mè nwa mekọt ikaan̄ ubelejit ire ema ima lek kiban̄, ikaan̄ ulibi me lek kiban̄, mè ikigọọk onineen̄ Baibul.
Idodo
Ike owa ke olom obosa irọ ibe ubelejit ikup me mbat-olom?
Ike owa ke nwa obosa irọ ibe ubelejit ikup me mbat-olom?
Ire okaan̄ olom mè iyaka ire nwa, onineen̄ Baibul echi owa obokọt itap ubọk irọ me mbat-olom kwun̄ inye?
WEEK
Kween̄ usini nteme echi obokọt itap ubọk inyi owu onwọọn̄ ugwem me ototun̄ ukan̄ kwun̄.
Kpọ okwa okijeen̄ fidio eyi okijeen̄ ugbana obokaan̄ inan̄a me lek isasa nteme Awaji irọ mkpọ me mbat-olom kwun̄.
Kween̄ inu isisiki ibot inyi olom osibibe.
“Women, Why Submit to Headship?” (The Watchtower, May 15, 2010)
Kpọ-nu ubọk olom mè nwa ge ebi iyayaak esabe itim igak ufialek me mbat-olom kiban̄?
Eji Minen̄e Mbat-Olom Kiji Isun̄ Sa Me Ntap-Ubok kè Jioba (5:14)