Ubọk Ebekọt Isa Ikpa Nwọọn̄ Ugwem Re Mgbọ Geelek! Ikisun̄ Nkween̄mkpọ Baibul

Sabum nkween̄mkpọ ya

1. 

   1. Riọọn̄ ubọk neen̄ lek. Ike okineen̄ lek, kikeek mkpọ ofolek ufiak, irek mè nchieek ogwu okigọọk ikween̄ mkpọ. Sa inyi oriọọn̄ ibot usem echi ikpobogwat lek igobo itet mè iyaka ire itap me ikwaan̄. Keek ubọk mkpọ okup me agan̄ “Week” obosa itap ubọk inyi ogwu okigọọk ikween̄ mkpọ mè kup me mbem isasa ema irọ mkpọ mgbọ enyi ekikween̄ mkpọ ire ikup ufiak.

Me nkween̄mkpọ ya

1. 2. Bene mè chit nkween̄mkpọ ya me lek uriaak itata mè ogwu okigọọk ikween̄ mkpọ ya ikaweek ikeya.

2. 

   3. Katumu usem iwa. To chieen̄ kwun̄ me lek inu okup me ere enyi ekikween̄, mè tele ibe ogwu okigọọk ikween̄ mkpọ ya ikikpa nkeek kan̄.

3. 4. Osibobene okpọkọ geelek, fuk inu ebekween̄ eyi okpọkọ ya mè tumu mkpọ ofolek usini ibot usem me inu nkween̄ okup me okpọkọ ya.

4. 5. Osikween̄ okpọkọ geelek isan̄a, sa idodo okpọkọ ya sa gọọk ogwu okigọọk ikween̄ mkpọ gwu nkeek kom inyi iyaka ikeek usini atikọ Baibul iwuukbe lek ikween̄.

5. 6. Ike okigọọk ogwu melek kwun̄ ekikween̄ mkpọ ikikween̄ inu nkween̄ ge ge:

   1. Fuk inu egebe cha.

   2. Fuk otutuuk ere Baibul egebe “Fuk.”

   3. Fuk ofifi ere Baibul egebe ire ikup ufiak.

   4. 

      Fit otutuuk fidio egebe “Fit” (ire okaan̄).

   5. Do ogwu okigọọk ikween̄ mkpọ otutuuk idodo.

   6. Be mè ogwu okigọọk ikween̄ mkpọ ikpọ ogugo echi okup me agan̄ “Kween̄ Gbaalek” mè be itumu mkpọ ofolek.

   7. Sa okop “Inu Obokọt Irọ” sa tap ubọk inyi ogwu okigọọk ikween̄ mkpọ ibe ikitaba iman̄ me lek nje-nnyi-isi kan̄. Omokọt itap ọmọ efuuk me owot ibe isa “Inu Obokọt Irọ” eyi egebe me inu nkween̄ ge irọ mkpọ, ige ofifi mè iyaka ire, irọ eyi egebe me inu nkween̄ ya melek eyi igebe.

   8. Do ogwu okigọọk ikween̄ mkpọ ya mè ire inwọọn̄ ge me lek ibot usem mè iyaka ire fidio okup me agan̄ “Week” me mgbọ ikineen̄ lek me lek inu nkween̄ ya.

   9. Sa inyi okween̄ inu nkween̄ ge osan̄a me mgbọ ge.

Nkween̄mkpọ ya isita

1. 

   7. Kweek nye kikeek mkpọ ofolek ogwu okigọọk ikween̄ mkpọ. Beek Jioba ibe igbana nje-nnyi-isi kan̄ mè inyi ọmọ iriọọn̄-inu obotap ubọk inyi ọmọ ibe iniriọọn̄ Jioba.