Ire Kpa Ubọk Ke Obosa Ikaan̄ Ubelejit Me Ototun̄ Ukan̄ Kwun̄?

Inyi ototun̄ ukan̄ ikaan̄ ubelejit, ima ikup ufiak. Ebi Efesọs 5:33

Ndọmọ Awaji ire, ogwu enerieen̄ ikaan̄ nwa ge, ogwu enenwaan̄ si ikaan̄ olom ge.

Olom oma ogwu nwa ikiriọn̄ ufialek ogwu nwa mè ikiluk esuukesuuk melek kan̄.

Nwa mokitap ubọk inyi ogwu olom.

Nsabọn ekesiki ibot enyi uga mè ute.

Ikikaan̄ ata ejit mè ikup melek nwa kinyi miyaka ire nloo kinyi. Ikakikaan̄ ijo ejit me ikakibubat. Ebi Kọlọsi 3:5, 8-10

Baibul ibe, olom îmun̄ ogwu nwa me chieen̄ kubọk akpalek kan̄. Nwa si ikaan̄ ulibi odọdọk melek ogwu olom.

Ikanwọn ibe ebi kpere olom me nwa egbaan̄ elaak. Olom okaan̄ nwa iraka ge ilọ. Nwa okaan̄ olom iraka ge ilọ si.

Usem Jioba ikijeen̄ ototun̄ ukan̄ geelek ubọk ebesa ikaan̄ ubelejit.