Ikakaan̄ Ntap-Me-Mun̄ Ire Inu Ogbegbe Ibe Oto Me Isi!

Jisọs ijeen̄ ibe ke ikakaan̄ ntap-me-mun̄ ire inu eweekbe me ubọk ebi eyi Karais. (Fuk Matiyu 28:19, 20) Ire, keke ore ntap-me-mun̄? Keke ke ene oborọ inyi imin isoon̄ ikakaan̄ ntap-me-mun̄?

1. Keke ore ntap-me-mun̄?

Usem Giris egwenbe ntap-me-mun̄ isibi “ijijiin̄ itap” me irak mun̄. Me mgbọ Jisọs okaan̄be ntap-me-mun̄, ejijiin̄ ọmọ itap me emen mun̄ me okwaan̄ Jodan, inanan̄a “me emen mun̄ iwook inene ijọn̄.” (Mak 1:9, 10) Ikeya si, ata ebi eyi Karais ire ebi ekijiin̄ itap me emen mun̄ mgbọ ema ekikaan̄ ntap-me-mun̄.

2. Keke ke ntap-me-mun̄ okijeen̄?

Sa me ikakaan̄ ntap-me-mun̄, ebi ene ekijeen̄ ibe ke ema misa lek kiban̄ inyi Jioba. Ike owa ke ekisa lek inyi Awaji ni? Sabum ene onokaan̄ ntap-me-mun̄, ene ya gaalek motumu inyi Jioba me uriaak ibe ke ọmọ motọbọ ebum inyi Ọmọ ire mgbọ geelek. Eyi isibi ibe ke ọmọ motọbọ ebum inyi Jioba gaalek, mè imọnọ irọrọ nkeek Awaji kubọk adasi inu me ugwem kan̄. Ene ya motumu ifieek ‘ijijit lek kan̄ mè ikukup inye ikigọọk’ ijejeen̄ mè akpat ukot Jisọs. (Matiyu 16:24) Ire ene isa lek kan̄ inyi Jioba mè ikaan̄ ntap-me-mun̄, mofet ibe ikaan̄ ata mgbaan̄je melek Jioba mè ebi melek kan̄ ekitọbọ ebum inyi Ọmọ.

3. Keke ke ene oborọ inyi imin isoon̄ ikakaan̄ ntap-me-mun̄?

Omokọt ibene ikibem lek ikakaan̄ ntap-me-mun̄ sa me ikwekween̄ inu ofolek Jioba mè irọrọ inyi ichechieek okaan̄be me lek kan̄ ikinye. (Fuk Ebi Iburu 11:6) Ike iriọọn̄-inu kwun̄ ofolek Jioba okimin, ikeya si ke ichechieek mè ima okaan̄be me lek Kan̄ obokimin. Eyi morọ ibe okokpa mkpọ ofolek kan̄ mè okoluk ogọọk onineen̄ kan̄. (Timọti Eyi Òso Iba 4:2; Jọn Eyi Adasi 5:3) Ene isibene ‘ikirọ inu òkibele Jioba ejit mgbọ geelek,’ ene ya mokọt itumu ifieek isasa lek inyi Awaji mè ikaan̄ ntap-me-mun̄.—Ebi Kọlọsi 1:9, 10.a

KWEEN̄ GBAALEK

4. Eji mekọt ikween̄ mkpọ inan̄a me lek ntap-me-mun̄ kè Jisọs

Fuk Matiyu 3:13-17 inyi okween̄ mkpọ ofolek ntap-me-mun̄ kè Jisọs ogbaalek. Mè igbaan̄ ikpa idodo chi:

• Ire Jisọs ire sọntiik gwun̄ me mgbọ ikaan̄be ntap-me-mun̄ ni?

• Ike owa ke erọ ntap-me-mun̄ kan̄? Ire egwogwook ọmọ mun̄ me ibot ni?

Jisọs ibene ikwaan̄ Awaji onyibe ọmọ me inyọn̄ ijọn̄ mgbọ ikaan̄be ntap-me-mun̄ isan̄a. Fuk Luk 3:21-23 mè Jọn 6:38, mè igbaan̄ ikpa idodo yi:

• Eyi Jisọs okaan̄be ntap-me-mun̄ isan̄a, kpasi ikwaan̄ ke imọnọ kubọk adasi inu me ugwem kan̄ ni?

5. Ntap-me-mun̄ ire inu obokọt ito me isi

Isasa lek inyi Awaji mè ikakaan̄ ntap-me-mun̄ mokọt itet ene ukpook me adasi mgbọ. Ire, omokọt ikaan̄ nje-nnyi-isi ire lek obokaan̄ unye-ejit mè irọ ntumu-mfieek yi okukup ufiak. Inyi omun̄ usini ebi ikokọt irọ eyi, fit FIDIO yi.

FIDIO: Ikakaan̄ Ata Mgbaan̄je Melek Jioba (1:11)

Fuk Jọn 17:3 mè Jemis 1:5, mè igbaan̄ ikpa idodo yi:

• Keke obokọt itap ubọk inyi ene inyi ineen̄ lek mè ikaan̄ ntap-me-mun̄?

1. Eji ekisa lek inyi Jioba sa me itutumu inyi ọmọ ibe ke eji metọbọ ebum inyi ọmọ ire mgbọ geelek

2. Eji esikaan̄ ntap-me-mun̄, eji ekijeen̄ otutuuk ene ibe ke eji misa lek kiji inyi Awaji

6. Ntap-me-mun̄ ikijeen̄ ibe ke eji mikana ebi ototun̄ ukan̄ Jioba

Eji esikaan̄ ntap-me-mun̄, eji mere ge me lek ebi ototun̄ ukan̄ Awaji ikup me otutuuk linyọn̄ yi. Ubọk geelek ibe ke eji enan̄a me esese esese ere mè ikaan̄ esese esese irek, eji michieek me lek inu yaage mè ikiluk igọọk onineen̄ yaage si. Fuk Okwa Itọn̄ 25:14 mè Pita Eyi Adasi 2:17, mè igbaan̄ ikpa idodo yi:

• Ike owa ke ikakaan̄ ntap-me-mun̄ obosa ikaan̄ mgbaan̄ me lek mgbaan̄je ene okaan̄be melek Jioba mè ofifi ebi ikitọbọ ebum inyi Ọmọ?

ME MGBIDIM

Jisọs ijeen̄ ibe ke ikup ufiak ibe ebi eyi Karais ekaan̄ ntap-me-mun̄. Sabum ene onokaan̄ ntap-me-mun̄, modasi irọ ibe ichechieek kan̄ me lek Jioba inye, iluk igọọk onineen̄ kan̄, mè isa lek kan̄ inyi Awaji.

Idodo

• Keke ore ntap-me-mun̄, keke orọ si ikupbe ufiak?

• Keke ke ntap-me-mun̄ okijeen̄?

• Keke ke ene oborọ inyi ikọt isa lek kan̄ inyi Awaji mè ikaan̄ ntap-me-mun̄

WEEK

Kween̄ inu ntap-me-mun̄ orebe mè inu ikarege.

“What Is Baptism?” (Web article)

Wọlọ kpọ inu ene oborọ inyi ikọt imin isoon̄ ikakaan̄ ntap-me-mun̄.

“Love and Appreciation for Jehovah Lead to Baptism” (The Watchtower, March 2020)

Fuk inu orọrọ ogwu enerieen̄ ge okaan̄be ntap-me-mun̄.

“They Wanted Me to Prove the Truth to Myself” (The Watchtower, February 1, 2013)

Kpọ inu orọrọ ikakaan̄ ntap-me-mun̄ orebe inu ogbegbe ibe oto me isi mè ubọk obosa ineen̄ lek inyi.

“Should I Get Baptized?” (Questions Young People Ask —Answers That Work, Volume 2, chapter 37)