Ike Owa Ke Ototun̄ Ukan̄ Kwun̄ Obosa Ikaan̄ Ubelejit?—Okpọkọ 2

Nsabọn ire uche onan̄a me ubọk Jioba. Iweek ibe uga mè ute ekpọ chieen̄ ejaan̄ me lek uche yi. Jioba inyi ata nteme echi obokọt itap ubọk inyi uga mè ute ekọt erọ eyi. Nteme kan̄ si mokọt itap ubọk inyi nsabọn egọọk erọ inyi inu ikije ijaan̄ me ototun̄ ukan̄.

1. Kpasi nteme ke Jioba onyi uga mè ute?

Jioba iweek ibe uga mè ute ema nsabọn kiban̄, mè ekegọọk ema egbaan̄ mkpọ erọ. Iweek si ibe uga mè ute ebem nsabọn kiban̄ enan̄a me lek mkpọ unan mè ekesa onineen̄ Baibul ekpukpo ema. (Urọk 1:8) Itumu inyi ebi ire ute ibe: ‘Ìkijeen̄ [nsabọn kinyi] inu, mè ìkiteme ema nteme eyi Jioba.’ (Fuk Ebi Efesọs 6:4.) Jioba ikibebele ejit ire uga mè ute egọọk ntọ-ubọk kan̄ mgbọ ema ekikpukpo nsabọn kiban̄, ikaweek ibe ema esa ikwaan̄ yi enyi ofifi ene.

2. Kpasi nteme ke Jioba onyi nsabọn?

Jioba itumu inyi nsabọn ibe: “Ìsiki ibot ìnyi nte kinyi mè nga kinyi.” (Fuk Ebi Kọlọsi 3:20.) Nsabọn esikaan̄ ulibi me lek nte kiban̄ mè nga kiban̄ mè isiki ibot inyi ema, ema ekirọ inyi Jioba mè ebi nga kiban̄ mè nte kiban̄ ekebele ejit. (Urọk 23:22-25) Jisọs ijeen̄ ata akpat ukot ofolek eyi me mgbọ irebe nsabọn. Ikerere ibe ke isoso ikup, isiki ibot mè ijeen̄ ulibi inyi nga kan̄ mè nte kan̄.—Luk 2:51, 52.

3. Ike owa ke enyi ebekọt isa itaba lek iriaak me lek Jioba kubọk ototun̄ ukan̄?

Ire okaan̄ nsabọn, atikọ ire ke owu oweek ibe nsabọn kwun̄ ema Jioba ike omabe ọmọ. Ike owa ke obokọt irọ eyi? Sa me irọrọ inu Baibul otumube: “Ìjeen̄ nsabọn kinyi inu chi [usem kè Jioba], mè ìkitumu ikọ ofolek inu chi mgbọ enyi esikibe ikweek irek me uwu, mè mgbọ enyi ekije me ejit oniin̄.” (Ikan Òso Mgbọ Iba 6:7) Eyi isibi ibe ke eji ebekijejeen̄ ema sa me ikekikpọk itumu inu yaage owuwa mgbọ. Ike oriọọn̄be, moweek ibe okotumu inu yaage owuwa mgbọ onyi nsabọn kwun̄ inyi ema ekọt ekekeek. Ere Baibul yi isibi ibe ke obokisasa irek geelek ikitumu mkpọ ofolek Jioba inyi nsabọn kwun̄. Inwọn ibe ebi ototun̄ ukan̄ ekesan̄a mgbọ esibi nde geelek ekesa egbaan̄ etọbọ ebum enyi Jioba. Ire okakaan̄ nsabọn, omokọt ikaan̄ oruru si sa me isasan̄a mgbọ isibi ikikween̄ Usem Awaji nde geelek.

KWEEN̄ GBAALEK

4. Sa me ima kikpukpo nsabọn kwun̄

Ikpukpukpo gwun̄ mokọt iyọt. Ike owa ke Baibul obokọt isa itap ubọk ni? Fuk Jemis 1:19, 20, mè igbaan̄ ikpa idodo chi:

• Ike owa ke uga mè ute ebesa ikijeen̄ ima me mgbọ ema ekigọọk nsabọn kiban̄ ikpa usem?

• Keke orọ ikanwọn ibe uga mè ute ekesa me unaan̄-ejit ekenyi nsabọn kiban̄ osusut?a

5. Bem nsabọn kwun̄

Inyi okọt obem nsabọn kwun̄, ikup ufiak ibe okogọọk ema ge ge okpa mkpọ ofolek ilaak. Eyi mokọt ikup owu me lek nke nke. Fit FIDIO yi, mè igbaan̄ ikpa idodo chi ogọgọọk.

FIDIO: Bem Nsabọn Kwun̄ Me Lek Ijo Inu (2:58)

• Keke orọ ikiyọt me lek usini uga mè ute itutumu inyi nsabọn kiban̄ mkpọ ofolek ilaak?

• Me oniin̄ okukup ke usini uga mè ute esa ikpa inu ofolek ilaak inyi nsabọn kiban̄?

Ike ebenbe me nriran, inyọn̄ Setan ikisasak igbaalek. Fuk Timọti Eyi Òso Iba 3:1, 13, mè igbaan̄ ikpa idodo yi:

• Usini ebi mkpikpak etumube mkpọ ofolek me agba eyi 13 ire ebi ikichaka nsabọn. Eya orọ, keke orọ ikupbe ufiak ibe uga mè ute ejeen̄ nsabọn kiban̄ mkpọ ofolek ilaak mè ubọk ema ebesa ibem lek kiban̄ isan̄a me ubọk ebi ikichaka nsabọn ni?

Ire oriọọn̄ ni?

Ebi Ata-Ikọ Jioba misan̄a owuwa mkpọ isibi isasa itap ubọk inyi uga mè ute esa ekejeen̄ nsabọn kiban̄ mkpọ ofolek ilaak mè ebem ema esan̄a me ubọk ebi ikichaka nsabọn. Kubọk inu njeen̄, kpọ:

• Bem Nsabọn Kwun̄ (fidio)

• Learn From the Great Teacher, ibot 10 mè 32

• “Teaching Your Child About Sex” (Awake! No. 5 2016)

6. Libi nga kwun̄ mè nte kwun̄

FIDIO: Ike Owa Ke Mbasa Ikitumu Usem Inyi Nga N̄a mè Nte N̄a? (2:19)

• Keke orọ igbebe ibe ogwu ijija ikisa me ulibi ikigọọk nga kan̄ mè nte kan̄ ikpa usem?

• Ike owa ke ogwu ijija obosa ikitumu usem inyi nga kan̄ mè nte kan̄ me oniin̄ okijeen̄ ibe ke ikaan̄ ulibi me lek kiban̄?

Fuk Urọk 1:8, mè igbaan̄ ikpa idodo yi:

• Ike owa ke ogwu ijija oborọ eru me mgbọ nga kan̄ mè nte kan̄ enyibe ọmọ ntọ-ubọk?

7. Igbaan̄ ikitọbọ ebum inyi Jioba kubọk ototun̄ ukan̄

Ototun̄ ukan̄ ebi Ata-Ikọ Jioba ekisasan̄a ọkpọkpọ mgbọ me nde geelek ikisa igbaan̄ ikitọbọ ebum inyi Jioba. Ike owa ke nkween̄mkpọ ototun̄ ukan̄ yi okikup? Fit FIDIO yi, mè igbaan̄ ikpa idodo chi ogọgọọk.

FIDIO: Nkween̄mkpọ Ototun̄ Ukan̄—Rumurumun̄ mè Oruru Ekikaan̄ (8:04)

• Ike owa ke ebi ototun̄ ukan̄ ebekọt ikikaan̄ nkween̄mkpọ ototun̄ ukan̄ nde geelek?

• Keke ke uga mè iyaka ire ute oborọ isasa imun̄ ibe ke nkween̄mkpọ ototun̄ ukan̄ itet mun̄ mè ire mkpọ ebekinwọọn̄?—Kpọ ogugo esabe ibene inu nkween̄ yi.

• Keke oborọ ibe iyọt me lek ototun̄ ukan̄ kwun̄ igbagbaan̄ ikikween̄ mkpọ?

Me Ijeren ukot ikaan̄, Jioba iweek ibe ebi ototun̄ ukan̄ ekegbaan̄ ekpa mkpọ ofolek Ikpa Mbuban mgbọ geelek. Fuk Ikan Òso Mgbọ Iba 6:6, 7, mè igbaan̄ ikpa idodo yi:

• Ike owa ke obokọt isa onineen̄ yi irọ mkpọ?

Inu ebekọt irọ me nkween̄mkpọ ototun̄ ukan̄:

• Neen̄ lek inyi nkween̄mkpọ ntitiin̄.

• Fuk mè igbaan̄ ikpa mfufuk Baibul eyi ebi ototun̄ ukan̄ kwun̄ ebenwọọn̄.

• Ire okaan̄ asasa nsabọn, rọ danlod mè iyaka ire gon sibi activity for children okup me jw.org.

• Ire okaan̄ nsabọn ebi ijija, igbaan̄ ikpa ibot usem okup inyi ebi ijija me jw.org.

• Gọọk nsabọn kwun̄ rom orirom Baibul ge.

• Ikpọ mè igbaan̄ ikpa fidio ge me jw.org.

ME MGBIDIM

Jioba iweek ibe uga mè ute ema, ekpukpo, mè ebem nsabọn kiban̄; iweek ibe nsabọn ekelibi mè ekesiki ibot enyi nga kiban̄ mè nte kiban̄; iweek si ibe ebi ototun̄ ukan̄ ekegbaan̄ etọbọ ebum enyi ọmọ.

Idodo

• Ike owa ke uga mè ute ebesa ikikpukpo mè ikibem nsabọn kiban̄?

• Ike owa ke nsabọn ebesa ikijeen̄ nga kiban̄ mè nte kiban̄ ulibi?

• Ike owa ke ebi ototun̄ ukan̄ ekisa ikaan oruru ire ekisan̄a mgbọ isibi nde geelek ikisa itọbọ ebum inyi Jioba?

WEEK

Eru echi owa obokọt itap ubọk inyi nsabọn kwun̄ ike ema ekimin inin̄ ene ni?

“Six Lessons Children Need to Learn” (Awake! No. 2 2019)

Kween̄ usini nteme echi Baibul onyibe ebi ikikpọ chieen̄ me lek nga kiban̄ mè nte kiban̄ ebi ininin̄ ugane.

“What Does the Bible Say About Caregiving for Elderly Parents?” (Web article)

Kpọ ubọk ogwu enerieen̄ ge ogwu ikariọọn̄ ubọk ekikpọ chieen̄ me lek nsabọn osabe ikana ata ute.

Jioba Ojeen̄ Eji Ubọk Eji Ebesa Ikpukpo Ototun̄ Ukan̄ Kiji (5:58)

Kween̄ ubọk ebi irere ute ebesa irọ me mgbaan̄je kiban̄ melek nsabọn kiban̄ ebirieen̄ inye.

“How Can Fathers Stay Close to Their Sons?” (The Watchtower, November 1, 2011)