INU NKWEEN̄ 56
Kirọ Inyi Ntitiin̄ Ikup Me Obọp Ge
Eji esikup me eden̄ bọn nte kiji, ikikup eji me lek ike ikupbe me lek Ogwu Ubọọn̄ Debit me mgbọ itumube ibe: “Kpọ ubọk îsabe inwọn mè itop ibe bọn ulọk egbaan̄ ebuk eluk me ejit ge!” (Okwa Itọn̄ 133:1) Ire, obọp ge kiji ikakikpọkpọ inu ikeya. Eji ge ge metap efuuk isasa imun̄ ibe ke ibia.
1. Keke orọ ibe ebi eyi Awaji esibi esese?
Ire osi nkween̄mkpọ ntitiin̄ kiji me ofifi ere, usini mgbọ, okpobogobo itet ida usem ekitumu me ere ya, ire, me owuwa oniin̄, omomun̄ ibe ke misa me ima ibọkọ owu itap. Bak lek keke? Mije eji ekisa chieen̄ ikpa yaage ikween̄ Baibul me ere geelek. Eji si mikisa ijejeen̄ ge ge ima. Me ekakpọge chieen̄ me ere eji elukbe, otutuuk kiji ekigwen erieen̄ Jioba, “mè ikigbaan̄ isi ikwaan̄ inyi ọmọ me ejit ge.”—Jefanaya 3:9.
2. Keke ke obokọt irọ inyi obọp ge ikup me ntitiin̄?
“Ikaan̄ si atata imumechieen̄, eyi kpunube wọlọwọlọ me emen, me lek bọn Nte kinyi.” (Pita Eyi Adasi 1:22) Ike owa ke obosa nteme yi irọ inu? Kpan̄asi ikekikpọ nrọ-nlọ ebi ofifi ife, kito chieen̄ me lek ata eru kiban̄. Kpan̄asi ikekigọọk gaalek ebi ikirọ mkpọ eji ekima irọ inu, sa inyi oriọọn̄ bọn ute ibaan̄ mè irieen̄ ebi irek kiban̄ okupbe esese me lek eyi kwun̄. Eji mesa isasan̄a me ejit kiji ichacha ene mije ere ene ya onan̄abe.—Fuk Pita Eyi Adasi 2:17.a
3. Keke ke oborọ osikaan̄ ufialek melek ofifi gwun̄ ute?
Eji ekup me obọp ge, ire, eji kpeso. Usini mgbọ, eji mekọt irọ mkpọ obonaan̄ ebi ofifi ife. Eya orọ Baibul otumube inyi eji ibe: “Ire ebi melek kinyi irọ enyi ijo inu, ìtele inyi ema. Ike Awaji otelebe ijo kinyi inyi enyi, enyi si, ìtele ìnyi ebi geelek ìrọrọ enyi ijo inu.” (Fuk Ebi Kọlọsi 3:13.) Eji mikirọ Jioba ilọ owuwa mgbọ, ire, ikitetele inyi eji. Iweek si ibe eji eketele enyi ebi bọn nte kiji. Ire omun̄ ibe ke orọ inu onanaan̄ ene ejit, sa inyi onen̄e ufialek ya osun̄.—Fuk Matiyu 5:23, 24.b
KWEEN̄ GBAALEK
Week oniin̄ obosa igọọk irọ mè obọp ge mè esuuk ikup me ntitiin̄.
Keke ke oborọ isasa irọ esuuk?
4. Tim gak ichacha ene mije ere ene ya onan̄abe
Eji miweek imama otutuuk ebi bọn nte kiji. Ire, mokọt ikiyọt eji me lek ibọbọkọ ebi inan̄a me ofifi ere itap. Keke obokọt itap ubọk inyi eji ni? Fuk Ikwaan̄ 10:34, 35, mè igbaan̄ ikpa idodo chi:
Jioba ikibọbọkọ ebi inan̄a me esese esese ere itap kubọk ebi Ata-Ikọ kan̄. Ike owa ke irọriọọn̄ eyi obosa ikaan̄ mgbaan̄ me lek ubọk okimun̄ ebi irek kiban̄ okupbe esese me lek eyi kwun̄?
Kpasi ochicha ejit okup me agan̄ olukbe ke oboma ijijit?
Fuk Ebi Kọrint Eyi Òso Iba 6:11-13, mè igbaan̄ ikpa idodo yi:
Ike owa ke okeek ibe ke omokọt itaba lek iriaak me lek bọn ute irieen̄ mè ibaan̄ ebi irek kiban̄ okupbe esese me lek eyi kwun̄ igbaalek?
5. Kitele nyi ene me ikike mè kirọ esuuk
Jioba ikitetele inyi eji me ikike, ikerere ibe ke ikakirọ eji ilọ eyi oboweek ibe eji etele enyi ọmọ. Fuk Okwa Itọn̄ 86:5, mè igbaan̄ ikpa idodo chi:
Ike owa ke ntele-nnyi Jioba osa imin ire?
Keke orọ okibele ejit me lek ubọk Jioba okisa itele inyi ene?
Kpasi irek obokọt irọ ibe iyọt eji ikukup me obọp ge?
Ike owa ke eji ebesa igọọk akpat ukot Jioba mè ikup me obọp ge melek bọn ute irieen̄ mè ibaan̄? Fuk Urọk 19:11, mè igbaan̄ ikpa idodo yi:
Ene isirọ inu onanaan̄ owu, keke ke obokọt irọ isasa inen̄e irek ya isun̄?
Usini mgbọ eji ekekirọ ibe ebi ofifi ife enaan̄ ejit. Keke ke eji eberọ me mbet lek irek okup ikeya? Fit FIDIO yi, mè igbaan̄ ikpa idodo yi ogọgọọk.
Me emen fidio ya, keke ke gwun̄ ute enenwaan̄ ya orọ isasa irọ esuuk?
6. Kito chieen̄ me lek ata eru bọn ute ibaan̄ mè irieen̄
Mgbọ geelek eji esiriọọn̄ bọn ute irieen̄ mè ibaan̄ ijaan̄, eji meriọọn̄ ere ema ekirọ ijaan̄ mè ere ema kpekirọ ijaan̄. Ike owa ke eji ebesa ito chieen̄ me lek agan̄ ema ekirọ ijaan̄ ni? Fit FIDIO yi, mè igbaan̄ ikpa idodo yi ogọgọọk.
Keke obokọt itap ubọk inyi owu okomun̄ ata eru bọn ute ibaan̄ mè irieen̄?
Jioba ikito chieen̄ me lek ata eru kiji. Fuk Mfufuk Eyi Òso Iba 16:9a, mè igbaan̄ ikpa idodo yi:
Ike owa ke irọriọọn̄ ibe ke Jioba ikito chieen̄ me lek ata eru kwun̄ okup owu me lek?
Ikerere mkpọ otu ubọk esabe ewuuk unye otu ewe irọ, ikikaan̄ akpat me lek, ire, ikup me unye otu ewe. Ikeya si ke otutuuk ebi bọn ute ekup unye otu ewe me chieen̄ Jioba ikerere ibe ke ema kpeso
USINI ENE EKIBE: “Ibodadasi iriaak emi sabum ntele nnyi ọmọ.”
Keke orọ igbebe ibe eji ekup me mbem-lek itetele inyi ene?
ME MGBIDIM
Omokọt irọ inyi obọp ge ikup me ntitiin̄ sa me ikekitele inyi ene mè ikekijeen̄ otutuuk bọn ute irieen̄ mè ibaan̄ ima.
Idodo
Ike owa ke obosa itim igak ichacha ene mije ere ene ya onan̄abe?
Keke ke oborọ ire okaan̄ ufialek melek ofifi gwun̄ ute?
Keke orọ oweekbe igọgọọk akpat ukot Jioba mè itetele inyi ebi ofifi ife?
WEEK
Kween̄ ubọk inu ntọt-me-lek Jisọs ge obosa itap ubọk inyi eji ejit ikekisibi ebi ofifi ife oyerebet.
Ire igbe ibe eji eriaak ene me mgbọ eji ekikeek ibe ke eji kperọ inu olọlọ ni?
“Apologizing—A Key to Making Peace” (The Watchtower, November 1, 2002)
Kpọ ubọk usini ene esabe ikween̄ irọrọ mkpọ melek ebi ofifi ife me ekagobobe ene isi.
Kween̄ ubọk obokọt isa inen̄e ufialek okaan̄be melek ene isun̄ sabum ibokana ikpele ufialek me ntitiin̄.
“Settle Differences in a Spirit of Love” (The Watchtower, May 2016)
a Inu egebe me agan̄ ota 6 ikpa ubọk ima obobieen̄ ogwu eyi Karais ibe ijit isasa orukan̄ itobo ebi ofifi ife.
b Inu egebe me agan̄ ota 7 ikpa ubọk ebesa inen̄e ufialek ofolek mbubeek mè ikan isun̄.