Jioba Ima Ebi Itatana

‘Gwọk ubọk kwun̄. Sun̄ uwu kwun̄ me utana. Chan ijọn̄. Fiin̄ okpa.’ Owuwa ute mè uga mikijeen̄ nsabọn kiban̄ ubọk ekiluk me utana. Ire, onineen̄ ogbaan̄ me lek ikukup me utana inan̄a me ubọk Awaji kiji, ogwu okup me mbuban. (Isis 30:18-20; Ikan 23:14; 2 Kọr 7:1) Ire eji ikisun̄ akpalek kiji mè mkpọ eji ekaan̄be me utana, ikisa umin ijet Jioba. (1 Pita 1:14-16) Uwu kiji mè ere eji elukbe ye? Kpan̄asi ebekifiin̄ okpa me oniin̄ mè iya ire ere ikagbege ike ebi ene ekebirọ, ebi eyi Karais ekitap efuuk imumun̄ ibe ke inyọn̄ ijọn̄ yi itana. (Itọn̄ 115:16; Ichi 11:18) Ikerere me sọntitiik mkpọ kubọk, ike eji ekisun̄ ikpa mkpọ eji elakabe, etakabe mè iyaka ire iko miin̄ eji enwọnbe, ikikpọk mbum ubọk eji ekimun̄ eru utana. Me agọọk geelek me ugwem kiji, kè eji ekejeen̄ “ibe ke eji ìre ebi ikwaan̄ Awaji me atikọ.”—2 Kọr 6:3, 4.

FIT FIDIO AWAJI IMA EBI ITATANA, MÈ FOOK IDODO CHI:

• Kpasi mkpọ ke usini ene ekitumu okigban ema isusun̄ mkpọ kiban̄ me utana?

• Kpa ubọk ke Ikan kè Mosis osa ikpọk mbum ubọk Jioba okimun̄ ikukup me utana?

• Kpa ubọk ke eji ebekọt ikisa itọn̄ ijet Jioba me mgbọ eji kpetumube ikọ geege?