Ibebene Okpọkọ 3

Me owuwa acha oraraka me lek Mun̄ Ile ya, Baibul ikpa inu ofolek ene inen mè inen itọtọbọ ebum inyi Jioba. Ene ge me lek kiban̄ ire Ebereyam, ogwu egwenbe ogwu unene Jioba. Keke orọ egwenbe ọmọ ogwu unene Jioba ni? Ire owu ire uga mè iyaka ire ute, tap ubọk inyi gwun̄ kwun̄ imun̄ ibe ke Jioba ikaan̄ ulọk me lek kan̄ mè iweek itatap ubọk inyi ọmọ. Ibet lek Ebereyam mè ofifi ebi igbegbe utoon̄-ejit kubọk Lọt me Jekọp, eji mekọt ikibeek Jioba mgbọ geelek ibe itap ubọk inyi eji. Eji si mekaan̄ utoon̄-ejit ibe ke Jioba morọ otutuuk use ichieekbe iso.