OKWA 137
Ebibaan̄ Ebi Igbegbe Utoon̄-Ejit
(Ebi Rom 16:2)
1. Sera, Esita, Meri, Rufu melek
Ebibaan̄ ichechieek me lek Awaji,
Ife chi mijeen̄ ata akpat ukot.
Ema migbe utoon̄-ejit mè irọ
Inyi ejit ibele Jioba.
Erieen̄ kiban̄ omaan̄ me ’men ikpa ugwem.
2. Ebibaan̄ chi mijeen̄ ujuja eru
Kubọk ukarajit mè ata ima.
Ebibaan̄ me ntitiin̄ chereyi si
Mekitap efuuk ikijeen̄ eru chi.
Uja kiban̄ inye otu ewe
Me isi Awaji, ikpobowuuk ema.
3. Ebi uga, nwa, bọn, ngwan̄ mè nwakpa
Ekitap efuuk isi ’kwaan̄ Awaji,
Mè ikisiki ibot inyi ọmọ.
Uja kinyi ikakigwọk ita si.
Jioba ikpobotele enyi,
Ime ire ota, mokpe ’nyi mkpukpe.
(Fuk si Fili, 4:3; 1 Tim 2:9, 10; 1 Pit 3:4, 5.)