INU NKWEEN̄ 08

Owu Mokọt Ire Ogwu Unene Jioba

Printed Edition

Jioba iweek ibe onoriọọn̄ ọmọ ojaan̄. Iweek ibe okokween̄ mkpọ ofolek eru kan̄, irọrọ kan̄, mè nkeek kan̄ inyi okọt okana ogwu unene kan̄. Ire omokọt ichubọk ire ogwu unene Awaji ni? (Fuk Okwa Itọn̄ 25:14.) Keke ke oborọ inyi okọt okana ogwu unene kan̄? Baibul ifọọk idodo chi mè ikpọk mbum inu orọrọ unene melek Jioba orebe mgbaan̄je okukup ufiak ichit obokọt ikaan̄.

1. Keke ke Jioba okigwen owu ibe onorọ?

“Ìtaba lek ìriaak me lek Awaji, ke Awaji si môtaba lek iriaak me lek kinyi.” (Jemis 4:8) Eyi isibi keke? Jioba ikigwen owu ibe onore ogwu unene kan̄. Usini ene kpechieek ibe ke ifet ibe ema ere ebi unene Awaji eyi irebe ibe ke kpekimun̄ ọmọ. Ire, me emen Usem kan̄, Baibul, Jioba ikpọk mbum otutuuk inu ogbegbe ibe eji eriọọn̄ ofolek eru kan̄ inyi eji ekọt etaba lek eriaak me lek kan̄. Eji esikifuk etip Awaji okup me emen Baibul, eji mekọt ikitaba lek iriaak me lek Jioba ikerere ibe ke eji kpewuuk lek imun̄ ọmọ.

2. Ire bak lek keke ke Jioba ore Unene onwọnwọn ichit obokọt ikaan̄?

Kpunu ogwu omama owu igak ubọk Jioba omabe owu. Jioba iweek ibe okobele ejit mè okobeek uriaak onyi ọmọ mgbọ geelek oweekbe ntap-ubọk kan̄. Omokọt ‘ikpulu otutuuk uyọrọlek kwun̄ itọp igwook ọmọ me lek, mije, ire ọmọ okikpọ owu chieen̄ me lek.’ (Pita Eyi Adasi 5:7) Jioba ikikukup me mbem-lek itatap ubọk inyi ebi unene kan̄, ikakat ema ejit mè igbagban̄ uton̄ me lek kiban̄ mgbọ geelek.—Fuk Okwa Itọn̄ 94:18, 19.

3. Keke ke Jioba oweek me ubọk ebi unene kan̄?

Jioba ima otutuuk ene, ire, ire ‘ogwu okiro ata inu ke ikitaba lek iriaak me lek.’ (Urọk 3:32) Jioba iweek ibe ebi unene kan̄ etap efuuk ekerọ inu echi imabe mè ejit inu echi ichabe. Usini ene mekọt ikikeek ibe ke ema kpebekọt iluk igọọk onineen̄ Jioba ofolek ata inu mè ijo inu. Ire, Jioba igobo eji itet. Ikibọkọ ene geelek omama Ọmọ mè ikitap efuuk ikirọ nkeek Kan̄ itap.—Okwa Itọn̄ 147:11; Ikwaan̄ 10:34, 35.

KWEEN̄ GBAALEK

Kween̄ ubọk obosa ikana ogwu unene Jioba gbaalek mè kween̄ mkpọ orọrọ irebe Unene onwọnwọn ichit obokọt ikaan̄.

4. Ebereyam ire ogwu unene Jioba

Mfufuk Baibul ofolek Ebereyam (ekigwen ọmọ Eberam si) itap ubọk inyi eji egobo etet mkpọ isibibe irere ogwu unene Awaji. Fuk mkpọ ofolek Ebereyam me ikpa Ibebene 12:1-4. Mè igbaan̄ ikpa idodo chi:

Keke ke Jioba obe mè Ebereyam irọ?
Kpasi use ke Jioba ochieek ọmọ?
Kpa ubọk ke Ebereyam osa igọọk ntọ-ubọk echi Jioba onyibe ọmọ?

5. Inu Jioba oweekbe me ubọk ebi unene kan̄

Ikaan̄ usini mkpọ eji ekiweek me ubọk ebi unene kiji.

Keke ore usini mkpọ okima ibe ebi unene kwun̄ ekerọ enyi owu?

Fuk Jọn Eyi Adasi 5:3, mè igbaan̄ ikpa idodo yi:

Keke ke Jioba oweek me ubọk ebi unene kan̄?

Inyi eji ekọt esiki ibot enyi Jioba, eji mekọt inwene eru kiji mè iyaka ire, irọrọ kiji. Fuk Asaya 48:17, 18, mè igbaan̄ ikpa idodo yi:

Keke orọ Jioba oweekbe ibe ebi unene kan̄ erọ unwene?

Ogwu okisi ikwaan̄ me ere ekinama uwu ikinyi ogwu melek kan̄ ekigbaan̄ isi ikwaan̄ okpibot okibem ene ibot. — Ata ogwu unene kiji ibokikekeek eji mkpọ echi obokibem eji mè ikisibi oruru inyi eji. Jioba ikirọ mbet inu yaage si

6. Inu Jioba okirọ inyi ebi unene kan̄

Jioba ikitap ubọk inyi ebi unene kan̄ ekọt ekeme ufialek. Fit FIDIO yi, mè igbaan̄ ikpa idodo ogọgọọk.

FIDIO: Jioba Irọ Owuwa Inu Inyi Emi (3:20)

Kpa ubọk ke Jioba osa itap ubọk inyi ogwu enenwaan̄ me emen fidio ya inyi ikọt inen̄e lọlọ nkeek kan̄ itat?

Fuk Asaya 41:10, 13, mè igbaan̄ ikpa idodo chi:

Keke ke Jioba ochieek ibe ke ọmọ morọ inyi otutuuk ebi unene kan̄?
Ire okeek ibe ke Jioba more ata ogwu Unene kwun̄ ni? Keke orọ ofọọkbe ikeya?

Collage: Ata ebi unene ikitap ubọk inyi ge ge. 1. Ogwu enerieen̄ okitap ubọk ig̣ọọk ofifi ene iben ikasi ilile. 2. Ogwu enenwaan̄ ge okikpa ejit kan̄ inyi ofifi ogwu enenwaan̄. 3. Ogwu enerieen̄ ge okitap ubọk inyi ofifi ene ikọt ikije. — Ata ebi unene kwun̄ ekitap ubọk inyi owu me mgbọ oweekbe ntap-ubọk. Jioba motap ubọk inyi owu si

7. Irọrọ unene melek Jioba igọbọ ikekigọọk ọmọ ikpa usem

Ikekigbaan̄ ikpa usem ikinama mgbaan̄je inye. Fuk Okwa Itọn̄ 86:6, 11, mè igbaan̄ ikpa idodo chi:

Kpa ubọk ke eji ebesa ikigọọk Jioba ikpa usem?
Kpa ubọk ke Jioba okisa igọọk eji ikpa usem?

Collage: 1. Ogwu enenwaan̄ ge okibeek uriaak. Oraan̄ okikpọ inyọn̄. 2. Ogwu enenwaan̄ ge okifuk Baibul. Oraan̄ okikpọ ijọn̄. — Eji ekitumu ikọ inyi Jioba me uriaak; ọmọ ikitumu ikọ inyi eji inan̄a me emen Baibul

USINI ENE EKIBE: “Ikafet irere ogwu unene Awaji.”

Kpasi ere Baibul ke obosa ijeen̄ ibe ke eji mekọt irọ unene melek Jioba?

ME MGBIDIM

Jioba iweek irere ogwu Unene kwun̄, ọmọ motap ubọk inyi owu okọt otaba lek oriaak me lek kan̄ si.

Idodo

Kpa ubọk ke Jioba okisa itap ubọk inyi ebi unene kan̄?
Keke orọ Jioba okitumu inyi ebi unene kan̄ ibe erọ unwene?
Ire inu Jioba okiweek me ubọk ebi unene kan̄ imalek iyọt ni? Keke orọ ofọọkbe ikeya?

Usen nkween̄be inu nkween̄ yi isan̄a:

Inu Obokọt Irọ

Kpa mkpọ okween̄be ofolek Jioba sa nyi ogwu unene kwun̄.

Ofifi si:

Your other goal

WEEK

Ike owa ke irọrọ unene melek Awaji obosa isibi owu oruru me ugwem?

“Jehovah—A God Worth Knowing” (The Watchtower, February 15, 2003)

Kween̄ ubọk obosa irọ unene melek Awaji.

“How Can I Become God’s Friend?” (Questions Young People Ask—Answers That Work, Volume 2, chapter 35)

Kween̄ mkpọ orọrọ inyi ogwu enenwaan̄ ge ichieek ibe ke mgbaan̄je ikaan̄be melek Jioba inyan̄a ọmọ.

“I Did Not Want to Die!” (The Watchtower No. 1 2017)

Gban̄ ike ebi ijija ekikpa nkeek kiban̄ ofolek Jioba.

Irere Unene Awaji Isibi Keke? (1:46)