Job

2 Fei puhui chi antü ñi trahuluhual Chau Dios ñi pu fotüm Jehová tañi adquiñ meu, fei Satanás ca anüpui quisu engün ñi müleal Jehová tañi adquiñ meu. 2 Feimu Jehová ramtufi ta Satanás: “¿Cheu miyaupeimi?”. Satanás huiñoldungufi ta Jehová: “Amupen Mapu meu ca miyaumepen fei püle”. 3 Fei Jehová feipifi ta Satanás: “¿Ngüneduamfimi am tañi poyequeteu Job? Mapu meu ngelai inei no rume fei reque. Quiñe huentru nor piuquengelu püntütripaquenolu, ca yamquefilu ta Chau Ngünechen ca famtripalelu huesaque dungu mu. Eimi dicümtucumequeen tañi apümcayafiel, huelu peñmalafiñ chem no rume, amulei tañi nor piuqueyeteu”. 4 Satanás huiñoldungufi ta Jehová: “Quiñe huentru hulcünuai com tañi nieel ñi montulal tañi mongen. 5 Feimu, ñi caletual tüfachi dungu, eluunge tami hulelmayafiel tañi foro ca tañi fün, fei rüf meu malisiayaimu tami adquiñ meu”. 6 Feimu Jehová feipifi ta Satanás: “Chem rume femafuimi ta quisu. ¡Huelu langümquefilnge!”. 7 Fei hula Satanás tripatui Jehová tañi adquiñ meu ca pitru cutranelfi ta Job, ti pitru cutran tueyu lonco meu fei puhui namun meu. 8 Fei Job nüi quiñe triran metahue trafolelu ñi carüfafiel ñi trahua ca anücünuhui ragiñ trufquen meu. 9 Fei tañi domo feipieyu: “¿Amulecai tami nor piuqueyefiel ta Ngünechen? ¡Malisiafinge ta Ngünechen ca lange!”. 10 Huelu Job huiñoldungufi: “Hueluduam domo reque dunguimi. Llouqueiñ com cümechi dungu cüpalu Ngünechen meu, ¿ca llounoafulu iñchiñ huesaque dungu?”. Com feichi dungu meu, Job culpalai tañi dungun meu.