28 JULIO–3 AGOSTO

PROVERBIOS 24

Ülcantun 38 ca ngillatun | Nütram amulcünual chi trahun (1 min.)

BIBLIA ÑI FALIN DUNGU

1. Nehuencünuhuaimi feula rupafule cüdaungechi dungu

(10 min.)

Chillcatunieafimi Biblia tami doi quimchengeal (Pr 24:5; w23.07 pag. 17 parr. 15).

Ngañhuadcülelmi rume, amulepe tami llellipunieafiel ta Jehová, chillcatunieafimi Biblia ca amuleaimi trahun mu (Pr 24:10; w24.01 pag. 23 parr. 9).

Maneluhulmi Jehová mu ca piuqueyeniefilmi, chaftuafimi huesaque dungu (Pr 24:16; w20.12 pag. 15).

Quiñe lamngen rume cutrancülelu, ayühunquechi amuldunguquei tañi hueni engu fill ruca püle. Fei pengelelfi quiñe dungu tañi tablet mu tati ngen ruca.

2. Cüme quintuafiyiñ falinque dungu Biblia meu

(10 min.)

Pr 24:27. ¿Chem quimeltueiñmu tüfachi texto? (lv pag. 134 parr. 13-15).

Huiñoldungun
Tami papeltufiel Biblia tüfachi semana, ¿chem quimeltun ayüafuimi tami feipial?

Huiñoldungun

3. Papeltun Biblia

(4 min.) Pr 24:1-20 (th quimeltun 11).

CÜME QUIMELTUCHEFENGEAIÑ

4. Eluunge tami nütramcacheal

(2 min.) CHEU RUME MÜLELMI. Catrüconi ti nütram petu tami dungunofiel Biblia mu (lmd quimeltun 2 troquiñ 4).

5. Eluunge tami nütramcacheal

(3 min.) FILL RUCA MU. (lmd quimeltun 3 troquiñ 4).

6. Eluunge tami nütramcacheal

(3 min.) CHEU ÑI RUPAQUEN FENTRENQUE CHE. Feipiafimi ti che taiñ chillcatulelquefiel Biblia pu che, ca eluafimi quiñe tarjeta ñi doi quimal ti chillcatun Biblia mu (lmd quimeltun 4 troquiñ 3).

7. Hueupin

(3 min.) lmd cangelu quimeltun 1 troquiñ 11. Dungu: Chau Dios nieleiñmu quiñe falin huercün dungu (th quimeltun 6).

TAIÑ CRISTIANO MONGEN

Ülcantun 99

8. Hueluconque quelluhuaiñ rupan mu cüdaungechi dungu

(15 min.) Ngüneduamngeal pu che engün.

Fütra huesa cutran, fütraque nüyün, hueichan, pofolcahun, inantucungen mu, com tüfachi dungu acurumeafui. Rupan mu tüfachi huesaque dungu, pu peñi, pu lamngen hueluconque quelluuqueingün ca yafültucuuqueingün. Huelu rupanoliyiñ rume huesaque dungu mu, hueñancüleiñ pefiel mu taiñ pu peñi, pu lamngen ñi cutrancahun, feimu eluuqueiñ taiñ quelluafiel (1Co 12:25, 26).

Fillque adentun: Pu peñi ca pu lamngen femmequeingün caquerumechi dungu ñi quelluntucuafiel caquelu pu testigo. 1. Pu peñi ca pu lamngen quellumequeingün ñi huiño deumangetual quiñe trahunhue ruca teifücangelu rupan mu quiñe fütra huesa dungu. 2. Pu peñi ca lamngen cüme lloufingün quiñe ñuque ñi püñeñ engu lefmaulu tañi mapu mu. 3. Quiñe lamngen tucumequei plata ti caja mülelu ti trahunhue ruca mu. 4. Pu peñi ca pu lamngen yelelfi iyael caquelu pu testigo lefmaulu tañi mapu mu, fei engün mülei quiñe trahunhue ruca mu. 5. Pu peñi pu lamngen yelelfingün co caquelu pu testigo. 6. Quiñe peñi llellipumequei.

Papeltunge 1 Reyes 13:6 ca Santiago 5:16b. Fei hula ramtunge:

Ti llellipun taiñ femquen caquelu mu rume nehuen-ngei, ¿chumngelu?

Huiñoldungun

Papeltunge Marcos 12:42-44 ca 2 Corintios 8:1-4. Fei hula ramtunge:

Pichin plata nieafuiñ chi taiñ quelluntucual ti cüdau femngequelu huall mapu mu ñi quellungeal pu peñi, pu lamngen huesa rupamequelu. Huelu femngelu rume, cümeafui taiñ femal ¿chumngelu?

Huiñoldungun

Pengelnge ti VIDEO feipilelu Yafültucungei pu peñi ca pu lamngen caiñetungelu. Fei hula ramtunge:

Pu peñi ca pu lamngen quellufingün pu cristiano inantucungelu, ¿chumngechi quellufingün?

Huiñoldungun
Pu peñi ca pu lamngen caiñetungelu rume, ¿chumingün tañi fentecünunoal ñi trahuluhun ca yafültucuhun? (Heb 10:24, 25).

Huiñoldungun