Eclesiastés

11 Co meu ütrüftucunge tami cofque, fentren antü rupale huiño petuafimi. 4 Tati ngüneduamquefilu ti cürüf nganlayai, ca tati adquintuquefilu ti tromü cosechalayai. 5 Quimlaimi chumngechi ñi cüdauquen ti nehuen hulquefilu mongen tati tremcülechi pichiche ponhui quiñe niepüñeñcülechi domo mu, ca femngechi quimlaimi ñi chumquen tati rüfngechi Ngünechen, femquelu itrocom dungu. 6 Pulihuentu nganaimi tami quetran, ca nagantü mu amulepe tami cüdaumequen, quimnolu am eimi chuchi am cüme tripayai, tüfa cam feiti, cam mür ñi cüme tripayal. 9 Ayüucülenge, hueche, petu tami huechengen meu, ca ayüucülepe tami piuque petu tami huechengen. Inange tami piuque ñi rüpü, ca amunge cheu tami yenieteu tami nge. Huelu loncontucunienge tami ramtucadunguaeteu ti rüf Ngünechen com tüfachi dungu mu. 10 Feimu lle, entunge tami piuque meu huesaque dungu, ca quiñepülecünunge ti allfülqueteuchi dungu tami cuerpo mu; tati huechengen ca petu cümelcalen chi mongen mu am tüfa engu falilai.