Daniel
2 Tati hunen tripantu conlu quisu ñi ngünenieal, iñche, Daniel, papeltufiel mu fillque lifru quimtucufiñ tunten tripantu puhurqueafulu ñi huellilerpual Jerusalén, chumngechi Jehová feipicünufi ta Jeremías, fei tüfa 70 tripantu. 4 Iñche llellipufiñ ta Chau Jehová tañi Ngünechen, fei entudungulelfiñ ca feipifiñ: “Ahuem Jehová, tati rüfngechi Ngünechen, Fütra Chau Ngünechen doicüleimi, eimi com femqueimi tami feipicünuel ca nor piuqueyefimi tami pu piuqueyeteu ca feyentuquelu tami huercün dungu, 19 Ahuem Jehová allcütunge, ahuem Jehová perdonamuiñ. ¡Jehová ngüneduamge ca quellumuiñ! Iñche tañi Ngünechen, tami huaria ca tami pu che yeniei tami üi, feimu eimi tami duam mu alüñmaquilnge”. 22 Fei quellueneu ñi ngüneduamal, feipieneu: “Quellupapeyu tami ngüneduamal ca tami quimtucual. 23 Eluulu tami ngillatual, tripai quiñe huercün dungu, fei cüpan tami feipiafiel. Eimi rume falin chengeimi. Feimu ngüneduamnge ti dungu ca cüme adümfinge ti afmatun dungu. 25 Mülei tami quimal ca loncontucual elungele ti huercün dungu ñi cüme elcünungetual ca huiñodeumangetual Jerusalén ca ñi puhual ti Ñidol Mesías, müleai 7 semana, cafei 62 semana. Tüfa huiñodeumangetuai ca cüme elcünungetuai, quiñe plaza ca quiñe rüngan huallüñmanieyeu ti huaria, huelu hueñancüngechi antü mu. 26 Rupale 62 semana, Mesías langümngeai ca chem no rume elungelayai. Quiñe loncolelu ñi troquiñche cüpayalu ñi apümcayafiel ti huaria ca ti yamfal mülehue. Apümcangeai quiñe mangiñ mu reque. Fentepun müleai hueichan. Feipicünungei ñi teifücangeal.