1 CRÓNICAS ÑI FEMÜN PU ISRAEL CHE (LIFRU 1)

5 Fei tüfa Jafet tañi pu fotüm: Gómer, Magog, Madái, Javán, Tubal, Mesec ca Tirás.

6 Fei tüfa Gómer tañi pu fotüm: Askenaz, Rifat ca Togarmá.

7 Fei tüfa Javán tañi pu fotüm: Elisá, Tarsis, Kitim ca Rodanim.

8 Fei tüfa Cam tañi pu fotüm: Cus, Mizraim, Put ca Canaán.

9 Fei tüfa Cus tañi pu fotüm: Sebá, Havilá, Sabtá, Raamá ca Sabtecá.

Fei tüfa Raamá tañi pu fotüm: Seba ca Dedán.

10 Cus ca nierpufi ta Nemrod, fei tati hunen nehuen-ngechi huentru mülelu mapu mu.

11 Fei tüfa Mizraim tañi pu fotüm: Ludim, Anamim, Lehabim, Naftuhim, 12 Patrusim, Casluhim ca Caftorim. Casluhim mu tuhui pu Filistea che.

13 Canaán nierpui ta Sidón, tañi hunen fotüm. Cafei nierpui ta Het. 14 Ca femngechi quisu mu tuhui pu jebuseo che, pu amorreo che, pu guirgaseo che, 15 pu heveo che, pu arqueo che, pu sineo che, 16 pu Arvad che, pu zemareo che ca pu Hamat che.

18 Arpaksad nierpui tañi fotüm Selá, ca Selá nierpui tañi fotüm Éber.

19 Éber nierpui 2 fotüm. Tañi hunen fotüm Péleg pingei.* Tañi antü meu hudamentungei tati pu che mapu mu,* feimu femngechi üituculelngei. Péleg ñi peñi, Joctán pingei.

20 Fei tüfa Joctán tañi pu fotüm: Almodad, Sélef, Hazarmávet, Jérah, 21 Hadoram, Uzal, Diclá, 22 Obal, Abimael, Seba, 23 Ofir, Havilá ca Jobab. Com engün Joctán tañi pu fotüm.

28 Fei tüfa Abrahán ñi pu fotüm: Isaac ca Ismael.

29 Fei tüfa caque quiñeque engün ñi familia. Ismael ñi hunen fotüm, Nebayot pingei. Inaleingün Quedar, Adbeel ca Mibsam, 30 Mismá, Dumá, Masá, Hadad, Temá, 31 Jetur, Nafís ca Quedemá. Tüfa engün Ismael ñi pu fotüm.

32 Tüfa ta Queturá ñi pu püñeñ, Abrahán ñi cangelu domo.* Tüfa engün: Zimrán, Jocsán, Medán, Madián, Isbac ca Súah.

Jocsán ñi pu fotüm fei ta Seba ca Dedán.

33 Madián tañi pu fotüm, fei ta Efá, Éfer, Hanok, Abidá ca Eldaá.

Com tüfa, Queturá tañi pu cüpanche.*

34 Abrahán fotümyefi ta Isaac. Fei tüfa Isaac ñi pu fotüm: Esaú ca Israel.

35 Fei tüfa Esaú ñi pu fotüm: Elifaz, Reuel, Jeús, Jalam ca Coré.

36 Fei tüfa Elifaz ñi pu fotüm: Temán, Omar, Zefó, Gatam ca Quenaz. Cafei Timná meu Elifaz fotümyefi ta Amalec.

37 Tüfa engün Reuel ñi pu fotüm: Náhat, Zérah, Samá ca Mizá.

38 Tüfa engün Seír ñi pu fotüm: Lotán, Sobal, Zibeón, Aná, Disón, Ézer ca Disán.

39 Tüfa engu Lotán ñi pu fotüm: Horí ca Homam. Timná fei ta Lotán ñi lamngen.

40 Tüfa engün Sobal ñi pu fotüm: Alván, Manáhat, Ebal, Sefó ca Onam.

Tüfa engu Zibeón ñi pu fotüm: Ayá ca Aná.

41 Aná nierpui quiñe fotüm* Disón pingelu.

Tüfa engün Disón ñi pu fotüm: Hemdán, Esbán, Itrán ca Kerán.

42 Tüfa engün Ézer ñi pu fotüm: Bilhán, Zaaván ca Acán.

Tüfa engu Disán ñi pu fotüm: Uz ca Arán.

43 Pu Israel che* petu ñi nienon lonco ülmen, mülerquefui lonco ülmen ngünenielu Edom mapu. Tüfa engün: Bela, Beor ñi fotüm, loncolefui Edom mu. Tañi huaria Dinhabá pingerquefui. 44 Lalu Bela, eluhui ñi ngünenieal Jobab, Zérah ñi fotüm, Bozrá huaria mu tuulu. 45 Lalu Jobab, eluhui ñi ngünenieal Husam, pu Temán che ñi mapu mu tuhui. 46 Lalu Husam, eluhui ñi ngünenieal Hadad, Bedad ñi fotüm. Tañi huaria Avit pingerquefui. Fei hueufi pu Madián che Moab mapu mu.* 47 Lalu Hadad, eluhui ñi ngünenieal Samlá, Masrecá mapu mu tuhui. 48 Lalu Samlá, eluhui ñi ngünenieal Shaúl, tuhui Rehobot mülelu Leufü püle. 49 Lalu Shaúl, eluhui ñi ngünenieal Baal-Hanán, Acbor ñi fotüm. 50 Lalu Baal-Hanán, eluhui ñi ngünenieal Hadad. Tañi huaria, Paú pingerquefui. Tañi domo fei ta Mehetabel, Matred ñi ñahue, Mezahab ñi lacu.* 51 Fei hula lai Hadad.

Tüfa engün Edom ñi pu lonco:* ti lonco Timná, ti lonco Alvá, ti lonco Jetet, 52 ti lonco Oholibamá, ti lonco Elá, ti lonco Pinón, 53 ti lonco Quenaz, ti lonco Temán, ti lonco Mibzar, 54 ti lonco Magdiel ca ti lonco Iram. Fei tüfa Edom ñi pu lonco.

2 Tüfa engün Israel ñi pu fotüm: Rubén, Simeón, Leví, Judá, Isacar, Zabulón, 2 Dan, José, Benjamín, Neftalí, Gad ca Aser.

3 Tüfa engün Judá ñi pu fotüm: Er, Onán ca Selá. Tüfachi 3 fotüm nierpufi Súa ñi ñahue mu, tati Canaán domo. Huelu Chau Jehová ayüquelafi Er tañi huesa femquen, Judá tañi hunen fotüm, feimu Chau Dios langümeyu. 4 Judá tañi püñmo Tamar engu nierpui ta Pérez ca Zérah. Judá nierpui 5 fotüm.

5 Tüfa Pérez ñi 2 fotüm: Hezrón ca Hamul.

6 Tüfa Zérah ñi pu fotüm: Zimrí, Etán, Hemán, Calcol ca Dará. Tüfa ta 5 che.

7 Carmí tañi fotüm* fei ta Acar,* tüfa culpai* nüfilu tati felelu ñi apümcangeal, femngechi cüpali huesaque dungu Israel mu.

8 Etán ñi fotüm fei ta Azarías.

9 Hezrón ñi pu fotüm fei ta Jerahmeel, Ram ca Kelubái.*

10 Ram fei ta Aminadab ñi chau. Aminadab fei ta Nahsón ñi chau, tüfa ta loncolei Judá ñi pu cüpanche mu. 11 Nahsón fei ta Salmá ñi chau. Salmá fei ta Boaz ñi chau. 12 Boaz fei ta Obed ñi chau. Obed fei ta Jesé ñi chau. 13 Jesé fotümyefi ta Eliab, tüfa tañi hunen fotüm, tati epungelu Abinadab, tati cülangelu Simeá, 14 tati melingelu Netanel, tati quechungelu Radái, 15 tati cayungelu Ozem ca tati reglengelu fei ta David. 16 Tañi lamngen engün fei ta Zeruyá ca Abigaíl. Tüfa ta Zeruyá ñi 3 püñeñ: Abisái, Joab ca Asahel. 17 Abigaíl choyüfi ta Amasá. Amasá tañi chau fei ta Jéter, tati Ismael che.

18 Caleb,* Hezrón ñi fotüm, nierpui fotüm tañi domo Azubá ca Jeriot engu. Tüfa ta Azubá ñi pu püñeñ: Jéser, Sobab ca Ardón. 19 Lalu Azubá, Caleb niehui Efrat engu, fei nierpuingu ta Hur. 20 Hur fei ta Urí ñi chau. Urí fei ta Bezalel ñi chau.

21 Fei hula Hezrón cudumuhui Makir ñi ñahue engu. Makir fei ta Galaad ñi chau. Hezrón niefui 60 tripantu nieulu tañi domo engu, fei niefingu ta Segub. 22 Segub fei ta Jaír ñi chau, Jaír niefui 23 huaria Galaad mapu mu. 23 Fei hula pu Guesur che ca pu Siria che müntuñmafi engün* Havot-Jaír huaria, cafei Quenat ca tañi püllelechi huaria. Müntuñmafi engün 60 huaria. Com tüfa engün Makir tañi cüpanche, Galaad ñi chau.

24 Caleb-Efrata mu, deu ñi lan Hezrón, tañi domo Abías choyüfi ta Asjur, Tecoa ñi chau.*

25 Hezrón ñi hunen fotüm fei ta Jerahmeel. Tüfa ta Jerahmeel ñi pu fotüm: tati hunelu, Ram, ca tati pu inancülelu, Buná, Orén, Ozem ca Ahíya. 26 Jerahmeel niehui cangelu domo engu, Atará pingelu. Fei ta Onam ñi ñuque. 27 Jerahmeel ñi hunen fotüm fei ta Ram. Tüfa engün Ram ñi pu fotüm: Maaz, Jamín ca Équer. 28 Onam tañi pu fotüm fei ta Samái ca Jadá. Samái ñi pu fotüm fei ta Nadab ca Abisur. 29 Abisur ñi domo Abihail pingefui, fei nieingu ta Ahbán ca Molid. 30 Nadab ñi pu fotüm fei ta Séled ca Apaim. Huelu Séled lai ca nielafui yall.* 31 Apaim ñi fotüm* fei ta Isí. Isí ñi fotüm* fei ta Sesán, ca Sesán ñi fotüm* fei ta Ahlái. 32 Samái ñi peñi fei ta Jadá. Tüfa ta Jadá ñi pu fotüm: Jéter ca Jonatán. Huelu Jéter lai ca nielafui yall. 33 Jonatán ñi pu fotüm fei ta Pélez ca Zazá. Tüfa engu Jerahmeel ñi pu cüpanche.

34 Sesán nielafui fotüm, re ñahue müten. Huelu Sesán niefui quiñe cüdaufe Jarhá pingelu, Egipto mu cüpalu. 35 Sesán elufi tañi ñahue ñi niehual tañi cüdaufe Jarhá engu. Fei Jarhá tañi domo engu nieingu ta Atái. 36 Atái fei ta Natán ñi chau. Natán fei ta Zabad ñi chau. 37 Zabad fei ta Eflal ñi chau. Eflal fei ta Obed ñi chau. 38 Obed fei ta Jehú ñi chau. Jehú fei ta Azarías ñi chau. 39 Azarías fei ta Hélez ñi chau. Hélez fei ta Eleasá ñi chau. 40 Eleasá fei ta Sismái ñi chau. Sismái fei ta Salum ñi chau. 41 Salum fei ta Jecamías ñi chau. Jecamías fei ta Elisamá ñi chau.

42 Jerahmeel ñi peñi fei ta Caleb.* Tüfa engün Caleb ñi pu fotüm: tañi hunen fotüm Mesá, tüfa fotümyefi ta Zif. Ca mülerquefui Maresá ñi pu fotüm, tüfa ta Hebrón ñi chau. 43 Hebrón ñi pu fotüm fei ta Coré, Tapúah, Réquem ca Sema. 44 Sema fotümyefi ta Raham, tüfa Jorqueam ñi chau. Réquem fotümyefi ta Samái. 45 Samái ñi fotüm fei ta Maón. Maón fei ta Bet-Zur ñi chau. 46 Caleb ñi cangelu domo* Efá pingelu nierpui ta Harán, Mozá ca Gazez. Harán fei ta Gazez ñi chau. 47 Jahdái ñi pu fotüm fei ta Réguem, Jotán, Guesán, Pélet, Efá ca Sáaf. 48 Caleb ñi cangelu domo, Maacá pingelu, nierpui ta Séber ca Tirhaná. 49 Rupalu ta antü Maacá nierpui ta Sáaf, tüfa Madmaná ñi chau, cafei nierpui ta Sevá, tüfa Macbená ca Guibeá ñi chau. Acsá fei ta Caleb ñi ñahue. 50 Tüfa ta Caleb ñi pu cüpanche.

Efrata ñi hunen fotüm fei ta Hur. Tüfa ta Hur ñi pu fotüm: Sobal, tüfa Quiryat-Jearim ñi chau. 51 Salmá, tüfa Belén ñi chau, cafei Haref, tüfa Bet-Gader ñi chau. 52 Sobal fei ta Quiryat-Jearim ñi chau. Niei yall, tüfa ta Haroé ca rangiñ pu menuhot che. 53 Tüfa engün Quiryat-Jearim ñi pu familia: pu itrita che, pu Put che, pu sumatita che ca pu misraíta che. Tüfa mu cüpai pu Zorá che ca pu Estaol che. 54 Salmá ñi pu cüpanche fei tati pu che mülelu Belén huaria mu, pu Netofá che, pu Atrot-Bet-Joab che, rangiñ pu Manáhat che ca pu Zorá che. 55 Jabez mu mülerquefui pu secretario. Tüfa tañi pu familia engün: pu tirateo che, pu simeateo che ca pu sucateo che. Tüfa tati pu quenita che Hammat mu tuulu, tüfa ta Recab ñi pu che tañi chau.

3 Tüfa ta David ñi pu fotüm nielu Hebrón huaria mu. Tañi hunen fotüm Amnón pingei, Ahinoam pingei ñi ñuque, Jezreel huaria mu tuhui. Ti epungelu Daniel pingei, Abigaíl pingei tañi ñuque, Carmelo huaria mu tuhui. 2 Ti cülangelu Absalón pingei, Maacá ñi püñeñ, Talmái ñi ñahue, Guesur ñi lonco ülmen. Ti melingelu Adonías pingei, Haguit ñi püñeñ. 3 Ti quechungelu Sefatías pingei, Abital pingei tañi ñuque. David ñi cayungechi fotüm Itream pingei, nierpui tüfachi fotüm tañi domo Eglá engu. 4 David nierpui tüfachi 6 fotüm Hebrón huaria mu. Tiye mu ngüneniei 7 tripantu ca 6 cüyen, ca Jerusalén huaria mu 33 tripantu ngüneniei.

5 Tüfa engün David ñi pu fotüm nielu Jerusalén huaria mu: Simeá, Sobab, Natán ca Salomón. Tüfachi 4 huentru ñi ñuque Bat-Seba pingei, Amiel ñi ñahue. 6 Cafei cangelu 9 fotüm: Ibhar, Elisamá, Elifélet, 7 Noga, Néfeg, Jafía, 8 Elisamá, Eliadá ca Elifélet. 9 Com tüfa engün David ñi pu fotüm. Cafei tañi pu fotüm nielu tañi pu ca domo engün.* Tamar, tüfa tañi deya engün.*

10 Salomón ñi fotüm fei ta Rehoboam, tüfa ta Abías ñi chau, Abías fei ta Asá ñi chau, Asá fei ta Jehosafat ñi chau, 11 tüfa Jehoram ñi chau, Jehorám fei ta Ocozías ñi chau, tüfa Jehoás ñi chau, 12 Jehoás fei ta Amasías ñi chau, tüfa Azarías ñi chau, Azarías fei ta Jotán ñi chau. 13 Jotán fei ta Acaz ñi chau, tüfa ta Ezequías ñi chau, Ezequías fei ta Manasés ñi chau, 14 Manasés fei ta Amón ñi chau, tüfa Josías ñi chau. 15 Tüfa engün Josías ñi pu fotüm: tañi hunen fotüm fei ta Johanán, tati epungelu fei ta Jehoiaquim, tati cülangelu fei ta Sedequías, tati melingelu fei ta Salum. 16 Jehoiaquim ñi pu fotüm fei ta Jeconías ca Sedequías. 17 Tüfa engün Jeconías tati presulelu ñi pu fotüm: Sealtiel, 18 Malkiram, Pedaya, Senazar, Jecamías, Hosamá ca Nedabías. 19 Pedaya ñi pu fotüm fei ta Zorobabel ca Simeí. Zorobabel ñi pu fotüm fei ta Mesulam ca Hananías. Ca Selomit fei tañi deya engün. 20 Zorobabel tañi cangelu 5 fotüm fei ta Hasubá, Ohel, Berekías, Hasadías ca Jusab-Hésed. 21 Ca Hananías ñi pu fotüm fei ta Pelatías ca Jesayá. Jesayá ñi fotüm* fei ta Refayá. Refayá ñi fotüm* fei ta Arnán. Arnán ñi fotüm* fei ta Abdías. Abdías ñi fotüm* fei ta Secanías. 22 Secanías ñi cüpanche fei tañi fotüm Semaya. Ca Semaya ñi pu fotüm fei ta Hatús, Igal, Barías, Nearías ca Safat, 6 chengei engün. 23 Tüfa Nearías ñi 3 fotüm: Elioenái, Hizquías ca Azricam. 24 Tüfa Elioenái ñi 7 fotüm: Hodavías, Eliasib, Pelayá, Acub, Johanán, Delayá ca Ananí.

4 Tüfa ta Judá ñi pu fotüm: Pérez, Hezrón, Carmí, Hur ca Sobal. 2 Reayá, Sobal ñi fotüm, tüfa Jáhat ñi chau. Jáhat fei ta Ahumái ca Lahad ñi chau. Tüfa engün pu Zorá che ñi familia. 3 Tüfachi pu fotüm niefui Etam ñi chau: Jezreel, Ismá ca Idbás. Tañi deya engün* Hazelelponí pingei. 4 Ca Penuel tüfa Guedor ñi chau. Ézer fei ta Husá ñi chau. Tüfa engün Hur ñi pu fotüm. Tüfa Efrata ñi hunen püñeñ, ca Belén ñi chau. 5 Asjur, Tecoa ñi chau niefui 2 domo, Helá ca Naará pingei. 6 Naará engu Asjur nierpuingu ta Ahuzam, Héfer, Temení ca Haahastarí. Tüfa engün Naará ñi pu püñeñ. 7 Helá ñi pu püñeñ fei ta Zéret, Izhar ca Etnán. 8 Coz ñi pu fotüm fei ta Anub, Zobebá ca Aharhel ñi pu cüpanche, tüfa Harum ñi fotüm.

9 Jabez doi yamfalngei* tañi pu peñi mu ca tañi ñuque Jabez* pintucueyu, feipilu cai: “Cutrancahun mu choyüfiñ”. 10 Jabez llellipufi Israel ñi Chau Ngünechen, feipifi: “Cümelcaen, eluen ñi nieal doi mapu ca quelluen. Cuñiutucuen ñi connoal huesa dungu mu, fei tañi huesalcangenoal”. Femngechi Chau Ngünechen elueyu tañi ngillatuel.

11 Suha ñi peñi Kelub pingei, tüfa Meir ñi chau. Meir fei ta Estón ñi chau. 12 Estón ñi pu fotüm fei ta Bet-Rafá, Paséah ca Tehiná. Tehiná fei ta Ir-Nahás ñi chau. Tüfa engün tati pu huentru Recá mu tuulu. 13 Quenaz ñi pu fotüm fei ta Otniel ca Seraya, cafei Otniel ñi fotüm* fei ta Hatat. 14 Meonotái fei ta Ofrá ñi chau. Seraya fei ta Joab ñi chau. Joab fei ta pu Gue-Harasim che* ñi chau. Femngechi üitungei artesanongelu cai pu che tiye mu.

15 Jefuné ñi fotüm fei ta Caleb. Caleb ñi pu fotüm fei ta Iru, Elá ca Naam. Elá ñi fotüm* fei ta Quenaz. 16 Jehalelel ñi pu fotüm fei ta Zif, Zifá, Tiría ca Asarel. 17 Ezrá ñi pu fotüm fei ta Jéter, Méred, Éfer ca Jalón. Ti domo* choyüfi ta Míriam, Samái ca Isbá, tüfa Estemoa ñi chau. 18 Tüfa engün Bitías ñi pu püñeñ, Faraón ñi ñahue, tüfa niehui Méred engu. Cafei Méred ca tañi judio domo engu choyüfi ta Jéred, Guedor ñi chau. Ca choyüfi ta Héber, Socó ñi chau, cafei Jecutiel, Zanóah ñi chau.

19 Náham ñi deya niehui Hodías engu, tüfa engu nierquei yall.* Tüfachi yall fotümyefi ta Queilá ti garmita che ca Estemoa ti Maacat che. 20 Shimón ñi pu fotüm fei ta Amnón, Riná, Ben-Hanán ca Tilón. Ca Isí ñi pu fotüm fei ta Zóhet ca Ben-Zóhet.

21 Judá ñi fotüm fei ta Selá. Selá ñi pu fotüm fei ta Er ca Laadá. Er fotümyefi ta Lecá. Laadá fotümyefi ta Maresá. Cafei Selá fotümyefi pu Asbea che, tüfa engün deumaquei cümeque pañu. 22 Cafei fotümyefi ta Joquim ca tati pu che mülelu Cozebá, Joás ca Saraf mu, tüfa engün niehui pu Moab domo engün. Cafei Selá fotümyefi ta Jasubí-Léhem. Tüfachi dungu cuifi tuhun-ngei.* 23 Tüfachi pu huentru rag mu* cüdauquefui ca mülefuingün Netaim ca Guederá meu. Tiye mu müleingün ca cüdahuelfingün ti lonco ülmen.

24 Simeón ñi pu fotüm* fei ta Nemuel, Jamín, Jarib, Zérah ca Shaúl. 25 Shaúl fei ta Salum ñi chau, tüfa ta Mibsam ñi chau, ca tüfa fotümyefi ta Mismá. 26 Mismá ñi pu fotüm fei ta Hamuel, tañi fotüm Zacur, tañi fotüm Simeí. 27 Simeí niefui 16 fotüm ca 6 ñahue. Huelu Simeí tañi pu peñi pichin yall müten niefuingün. Tüfa engün ñi familia nielafuingün fentren yall chumngechi ñi niefel Judá ñi pu familia. 28 Tüfachi huaria mu mülefuingün: Beer-Seba, Moladá, Hazar-Sual, 29 Bilhá, Ézem, Tolad, 30 Betuel, Hormá, Ziclag, 31 Bet-Marcabot, Hazar-Susim, Bet-Birí ca Saaraim. Tüfa tañi huaria engün ngünenielu hula ta David.

32 Tüfa tañi pichique huaria engün: Etam, Ain, Rimón, Token ca Asán, 5 huaria. 33 Cafei pu pichique huaria hualloñmanielu* feiti pu huaria puulu Baal huaria püle. Tüfa mu mülefuingün ca tañi üi engün mülei ti huirintucun pengelquelu tañi familia ñi tuhun. 34 Tüfa ta Simeón ñi pu cüpanche: Mesobab, Jamlec, Josá, tüfa Amasías ñi fotüm, 35 Joel, Jehú, tüfa Josibías ñi fotüm, Seraya ñi lacu,* Asiel ñi bisnieto.* 36 Cafei Elioenái, Jaacoba, Jesohaya, Asaya, Adiel, Jesimiel, Benaya 37 ca Zizá, tüfa Sifí ñi fotüm, Alón ñi lacu, Jedayá ñi bisnieto, Jedayá chauyefi ta Simrí ca tüfa chauyefi ta Semaya. 38 Tüfachi huentru üitungelu loncolei tañi pu familia mu ca tañi pu cuifiqueche ñi familia doi alün-ngerpui. 39 Fei engün amui pülle Guedor huaria mu, tripahue antü püle laf mapu mu. Quintuingün cheu ñi cachutual tañi pu quechan culliñ. 40 Fei hula peingün fentren cümeque cachu ca alün-ngei ti mapu, mülefui cüme felen ca tüngün.* Cuifi mülefui üyeu pu Cam che. 41 Ti lonco ülmen Ezequías ñi antü mu, Judá mu tuulu, cüpaingün feichi pu huentru huirintucungelu tañi üi, fei apümcafingün pu Cam che ca meunim che ñi tolto ruca* mülelu tiye mu. Langümfingün ca apümcafingün chumngechi pengei fantepu mu. Tiye mu mülefui cachu ñi ütayal tañi pu quechan culliñ, feimu mülenagpuingün tiye mu.

42 Quiñeque Simeón che, 500 huentru, amuingün Seír huincul mu. Adnieyu engün Pelatías, Nearías, Refayá ca Uziel, Isí ñi pu fotüm. 43 Apümcafingün pu mülehuechi Amalec che lefmaulu. Fantepu mu mülenagingün tiye mu.

5 Tüfa Rubén ñi pu fotüm, Israel ñi hunen fotüm. Tüfa hunen fotümngefui, huelu cudui tañi chau ñi ca domo engu,* feimu lloulai chem tañi llohuafel tañi hunen fotümngen mu, tüfa ta elungei José tañi pu fotüm. José fei ta Israel ñi fotüm. Rubén tañi üi mülei ti huirintucun pengelquelu tañi familia ñi tuhun, huelu feipilei ñi llounon chem tañi llohuafel tañi hunen fotümngen mu. 2 Judá doicülei tañi pu peñi mu ca tañi cüpanche mu tuhui ti loncolealu, huelu José mai elungei chem ñi llohuafel ti hunen fotüm. 3 Rubén fei ta Israel ñi hunen fotüm. Tüfa ta Rubén ñi pu fotüm: Hanok, Palú, Hezrón ca Carmí. 4 Tüfa Joel ñi pu fotüm: tañi fotüm Semaya, tañi fotüm Gog, tañi fotüm Simeí, 5 tañi fotüm Miqueas, tañi fotüm Reayá, tañi fotüm Baal 6 ca tañi fotüm Beerá. Asiria ñi lonco ülmen, Tilgat-Pilnéser pingelu, camapu yefi ta Beerá. Tüfa loncolefui pu Rubén che. 7 Tüfa Beerá ñi pu pariente, tañi üi engün mülei ti huirintucun pengelquelu tañi familia ñi tuhun. Tüfa ti loncolelu Jeiel, Zacarías 8 ca Bela, tüfa Azaz ñi fotüm, Sema ñi lacu,* Joel ñi bisnieto.* Bela mülefui ti troquiñ mapu mülelu Aroer mu puulu ta Nebo ca Baal-Meón. 9 Galaad mapu mu doi alün-ngerpui Bela tañi quechan culliñ, feimu tripahue antü püle Bela mülenagi ti mapu mu cheu ñi conpun ti huellin mapu,* inafül Éufrates leufü püle. 10 Saúl ñi antü mu, tüfa engün hueichafi* ca hueufingün pu hagrita che ca nüñmafingün tañi tolto ruca* mülelu com mapu mu Galaad ñi tripahue antü püle.

11 Inafül pu Rubén che mülefuingün Gad ñi pu cüpanche, Basán mapu mu puulu Salecá huaria mu. 12 Basán mapu mu Joel loncolefui, Safam inalei tañi loncolen, ca mülefui Janái ca Safat. 13 Tañi pu pariente fei ta Miguel, Mesulam, Seba, Jorái, Jacán, Zía ca Éber. Tüfa ta 7 che. 14 Tüfa engün chauyefi ta Abihail, tüfa Hurí ñi fotüm, Jaróah ñi fotüm, Galaad ñi fotüm, Miguel ñi fotüm, Jesisái ñi fotüm, Jahdó ñi fotüm, Buz ñi fotüm. 15 Ti huentru Ahí pingelu loncolefui tañi pu pariente mu, tüfa Abdiel ñi fotüm, Guní ñi lacu. 16 Fei engün müleingün Galaad mapu mu, Basán mapu ca tañi püllelechi huaria, cafei com lelfün cachu mülelu Sarón mapu puulu cheu tunte puhui* feichi mapu. 17 Com tañi üi engün mülei ti huirintucun pengelquelu tañi familia ñi tuhun. Femngei tüfa Jotán ñi antü mu, Judá ñi lonco ülmen ca Jeroboán* ñi antü mu, Israel ñi lonco ülmen.

18 Pu Rubén che, pu Gad che ca Manasés ñi rangiñ troquiñche niefuingün 44 mil 760 nehuen-ngechi soltau tañi troquiñ hueichafe mu. Tüfa engün yenieingün escudo, fütra cuchillo ca nünieingün arco.* Pepicaucüleingün ñi hueichayal. 19 Hueichafingün pu hagrita che, Jetur che, Nafís che ca pu Nodab che. 20 Cafei llellipufingün ta Chau Ngünechen tañi quelluaeteu hueichan mu. Fei engün maneluulu cai Chau Dios mu, fei huiñoldungueyu* tañi llellipun. Feimu quellungei hueichan mu ca elungei ñi huehuafiel pu hagrita che ca com pu che mülelu fei engün meu. 21 Yeñmafingün ñi quechan culliñ engün: 50 mil camello, 250 mil ufisa ca 2 mil burro, cafei 100 mil che. 22 Chau Ngünechen* hueichai, feimu fentren che lai. Feichi pu che ñi mapu mu mülenagingün camapu yengetulu hula.

23 Pu che tuulu Manasés ñi rangiñ troquiñche mu mülenagingün feichi mapu mülelu Basán puulu Baal-Hermón mu, Senir ca Hermón huincul mu. Rume fentreleingün. 24 Tüfachi pu huentru loncolefui tañi pu pariente mu: Éfer, Isí, Eliel, Azriel, Jeremías, Hodavías ca Jahdiel. Nehuen-ngechi hueichafengefuingün, rume quimniengefuingün ca loncolefuingün tañi pu pariente mu. 25 Huelu püntütripaingün* tañi pu cuifiqueche ñi Chau Ngünechen. Fei engün eluhui ñi poyeafiel mapu müleyechi troquiñche ñi pu dios,* tüfachi pu troquiñche Chau Ngünechen deu apümcaeyu fei engün ñi adquiñ mu. 26 Asiria mapu mu lonco ülmencülefui Pul, tüfa Tilgat-Pilnéser ca pingei. Fei Israel ñi Chau Ngünechen adniefi tüfachi lonco ülmen ñi camapu yetuafiel pu Rubén che, pu Gad che ca Manasés ñi rangiñ troquiñche. Yefi engün ta Halá, Habor, Hará ca Gozán leufü mu. Fantepu mu petu müleingün tiye mu.

6 Leví ñi pu fotüm fei ta Guersón, Cohat ca Merarí. 2 Cohat ñi pu fotüm fei ta Amram, Izhar, Hebrón ca Uziel. 3 Amram ñi pu fotüm fei ta Aarón, Moisés ca tañi ñahue Míriam. Aarón ñi pu fotüm fei ta Nadab, Abihú, Eleazar ca Itamar. 4 Eleazar fotümyefi ta Finehás, Finehás fotümyefi ta Abisúa, 5 Abisúa fotümyefi ta Buquí, Buquí fotümyefi ta Uzí, 6 Uzí fotümyefi ta Zerahías, Zerahías fotümyefi ta Merayot, 7 Merayot fotümyefi ta Amarías, Amarías fotümyefi ta Ahitub, 8 Ahitub fotümyefi ta Sadoc, Sadoc fotümyefi ta Ahimáaz, 9 Ahimáaz fotümyefi ta Azarías, Azarías fotümyefi ta Johanán, 10 Johanán fotümyefi ta Azarías. Tüfa sacerdotengefui ti ruca ñi deumael Salomón Jerusalén huaria mu.

11 Azarías fotümyefi ta Amarías, Amarías fotümyefi ta Ahitub, 12 Ahitub fotümyefi ta Sadoc, Sadoc fotümyefi ta Salum, 13 Salum fotümyefi ta Hilquías, Hilquías fotümyefi ta Azarías, 14 Azarías fotümyefi ta Seraya, Seraya fotümyefi ta Jehozadac. 15 Chau Jehová adniefi ta Nabucodonosor ñi camapu yetuafiel pu Judá che ca pu Jerusalén che. Feichi mu camapu yengei ta Jehozadac.

16 Leví ñi pu fotüm fei ta Guersom,* Cohat ca Merarí. 17 Tüfa tañi üi Guersom tañi pu fotüm: Libní ca Simeí. 18 Cohat ñi pu fotüm fei ta Amram, Izhar, Hebrón ca Uziel. 19 Merarí ñi pu fotüm fei ta Mahlí ca Musí.

Tüfa tañi üi pu lonco pu Leví che ñi familia mu. 20 Guersom mu cüpai tañi fotüm Libní, tañi fotüm Jáhat, tañi fotüm Zimá, 21 tañi fotüm Joá, tañi fotüm Idó, tañi fotüm Zérah, tañi fotüm Jeatrái. 22 Cohat ñi pu fotüm mu* cüpai tañi fotüm Aminadab, tañi fotüm Coré, tañi fotüm Asir, 23 tañi fotüm Elcaná, tañi fotüm Ebiasaf, tañi fotüm Asir, 24 tañi fotüm Táhat, tañi fotüm Uriel, tañi fotüm Uzías, tañi fotüm Shaúl. 25 Elcaná tañi pu fotüm fei ta Amasái ca Ahimot. 26 Elcaná tañi pu fotüm, fei ta Zofái, tañi fotüm Náhat, 27 tañi fotüm Eliab, tañi fotüm Jeroham, tañi fotüm Elcaná. 28 Tüfa ta Samuel tañi pu fotüm: Joel pingei ti hunen fotüm ca tati inalelu Abías pingei. 29 Tüfa ta Merarí ñi pu fotüm:* Mahlí, tañi fotüm Libní, tañi fotüm Simeí, tañi fotüm Uzá, 30 tañi fotüm Simeá, tañi fotüm Haguías ca tañi fotüm Asaya.

31 David elcünui ti Falin Caja Chau Jehová ñi ruca mu, fei hula üitufi huentru ñi adnieafiel pu ülcantufe. 32 Salomón deumanentulu hula Chau Jehová ñi ruca Jerusalén mu, tüfa engün elfalcünungei pu ülcantufe ngillatuhue tolto ruca mu,* tüfa tati trahunhue tolto ruca. Huechunentuingün tañi cüdau chumngechi tañi feipingeel. 33 Cüdauqueingün tüfachi pu huentru ca tañi pu fotüm engün: ti ülcantufe Hemán, tüfa pu Cohat che mu tuhui, feita Joel ñi fotüm, Samuel ñi fotüm, 34 Elcaná ñi fotüm, Jeroham ñi fotüm, Eliel ñi fotüm, Tóah ñi fotüm, 35 Zuf ñi fotüm, Elcaná ñi fotüm, Máhat ñi fotüm, Amasái ñi fotüm, 36 Elcaná ñi fotüm, Joel ñi fotüm, Azarías ñi fotüm, Sofonías ñi fotüm, 37 Táhat ñi fotüm, Asir ñi fotüm, Ebiasaf ñi fotüm, Coré ñi fotüm, 38 Izhar ñi fotüm, Cohat ñi fotüm, Leví ñi fotüm, Israel ñi fotüm.

39 Man püle mülequefui tañi peñi* Asaf, fei ta Berekías ñi fotüm, Simeá ñi fotüm, 40 Miguel ñi fotüm, Baaseyá ñi fotüm, Malkiya ñi fotüm, 41 Etní ñi fotüm, Zérah ñi fotüm, Adaya ñi fotüm, 42 Etán ñi fotüm, Zimá ñi fotüm, Simeí ñi fotüm, 43 Jáhat ñi fotüm, Guersom ñi fotüm, Leví ñi fotüm.

44 Huele püle mülefui tañi pu peñi, Merarí ñi pu cüpanche. Üyeu mülefui Etán, feita Quisí ñi fotüm, Abdí ñi fotüm, Maluc ñi fotüm, 45 Hasabías ñi fotüm, Amasías ñi fotüm, Hilquías ñi fotüm, 46 Amzí ñi fotüm, Baní ñi fotüm, Sémer ñi fotüm, 47 Mahlí ñi fotüm, Musí ñi fotüm, Merarí ñi fotüm, Leví ñi fotüm.

48 Tañi pu peñi, tüfa pu Leví che, elfalcünungei* ñi femal com ti cüdau femngelu ti ngillatuhue tolto ruca mu, tüfa Chau Ngünechen ñi ruca. 49 Huente ti altar* cheu lüpümngequei chalintucun* ca huente ti altar cheu lüpümngequei incienso,* Aarón ca tañi pu fotüm lüpümingün chalintucun ñi tripayal fitrun.* Femingün com ti cüdau felelu ñi femngeal yamfal* chemcün mu,* fei ñi lifcünungeal pu Israel che. Inaingün com ñi huercüel ta Moisés, Chau Dios ñi cüdaufe. 50 Tüfa ta Aarón ñi pu cüpanche: tañi fotüm Eleazar, tañi fotüm Finehás, tañi fotüm Abisúa, 51 tañi fotüm Buquí, tañi fotüm Uzí, tañi fotüm Zerahías, 52 tañi fotüm Merayot, tañi fotüm Amarías, tañi fotüm Ahitub, 53 tañi fotüm Sadoc ca tañi fotüm Ahimáaz.

54 Pu Leví che tüfa mu mülenagi ca anümi ñi tolto ruca* mapu meu. Sortiangelu,* hune tripai Aarón ñi pu cüpanche coneltulelu Cohat ñi familia mu, 55 fei elungei Hebrón huaria mülelu Judá mapu mu ca tañi lelfün cachu hualloñmalelu.* 56 Huelu elungei ta Caleb, Jefuné ñi fotüm, ti huaria ñi lelfün ca tañi pichique huaria. 57 Aarón ñi pu cüpanche elungei fillque huaria* cheu ñi ellcahual che,* Hebrón, cafei Libná ca tañi lelfün cachu, Jatir, Estemoa ca tañi lelfün cachu, 58 Hilén ca tañi lelfün cachu, Debir ca tañi lelfün cachu, 59 Asán ca tañi lelfün cachu, Bet-Semes ca tañi lelfün cachu. 60 Ca Benjamín ñi troquiñche mu elungei Aarón ñi pu cüpanche Gueba ca tañi lelfün cachu, Alémet ca tañi lelfün cachu, Anatot ca tañi lelfün cachu. Tüfa ta 13 huaria elungelu tañi familia.

61 Caquelu troquiñche ca Manasés ñi rangiñ troquiñche elufi pu mülehuechi Cohat che 10 huaria.

62 Guersom tañi pu cüpanche ca tañi familia engün elungei 13 huaria mülelu Isacar ñi troquiñche mu, Aser ñi troquiñche mu, Neftalí ñi troquiñche mu ca Manasés ñi troquiñche mu mülelu Basán mu.

63 Sortiangelu pu Merarí che ca tañi familia engün elungei 12 huaria mülelu Rubén ñi troquiñche mu, Gad ñi troquiñche mu ca Zabulón ñi troquiñche mu.

64 Femngechi pu Israel che elufi pu Leví che tüfachi fillque huaria ca tañi lelfün cachu. 65 Cafei Judá tañi troquiñche, Simeón tañi troquiñche ca Benjamín tañi troquiñche meu, hulngei fillque huaria feipingelu tañi üi, ñi elungeal sortiangei.

66 Quiñeque Cohat familia ngen-ngei fillque huaria Efraín ñi troquiñche mu. 67 Elungei fillque huaria* cheu ñi ellcahual che, Siquem ca tañi lelfün cachu mülelu Efraín ñi mahuidantu mapu püle, Guézer ca tañi lelfün cachu, 68 Jocmeam ca tañi lelfün cachu, Bet-Horón ca tañi lelfün cachu, 69 Ayalón ca tañi lelfün cachu, Gat-Rimón ca tañi lelfün cachu. 70 Cafei Manasés tañi rangiñ troquiñche elufi tati mülehuechi Cohat familia tüfachi huaria: Aner ca tañi lelfün cachu ca Bileam ca tañi lelfün cachu.

71 Pu familia coneltulelu Manasés ñi rangiñ troquiñche mu elufi ta Guersom ñi pu cüpanche tüfachi huaria: Golán mülelu Basán mapu mu ca tañi lelfün cachu, cafei Astarot ca tañi lelfün cachu. 72 Isacar ñi troquiñche elufi ta Guersom ñi pu cüpanche tüfachi huaria: Quedes ca tañi lelfün cachu, Daberat ca tañi lelfün cachu, 73 Ramot ca tañi lelfün cachu, Anem ca tañi lelfün cachu. 74 Aser ñi troquiñche elufi ta Guersom ñi pu cüpanche tüfachi huaria: Masal ca tañi lelfün cachu, Abdón ca tañi lelfün cachu, 75 Hucoc ca tañi lelfün cachu ca Rehob ca tañi lelfün cachu. 76 Neftalí ñi troquiñche elufi ta Guersom ñi pu cüpanche tüfachi huaria: Quedes mülelu Galilea mapu ca tañi lelfün cachu, Hamón ca tañi lelfün cachu ca Quiryataim ca tañi lelfün cachu.

77 Zabulón ñi troquiñche elufi pu mülehuechi Merarí che tüfachi huaria: Rimono ca tañi lelfün cachu ca Tabor ca tañi lelfün cachu. 78 Cafei Jordán mapu püle, pülle cheu ñi mülen Jericó tripahue antü püle Jordán mu, Rubén ñi troquiñche elufi pu Merarí che tüfachi huaria: Bézer mülelu huellin mapu* ca tañi lelfün cachu, Jáhaz ca tañi lelfün cachu, 79 Quedemot ca tañi lelfün cachu, Mefaat ca tañi lelfün cachu. 80 Ca Gad ñi troquiñche elufi pu Merarí che tüfachi huaria: Ramot mülelu Galaad mapu ca tañi lelfün cachu, Mahanaim ca tañi lelfün cachu, 81 Hesbón ca tañi lelfün cachu ca Jazer ca tañi lelfün cachu.

7 Tüfa Isacar ñi 4 fotüm: Tolá, Pua, Jasub ca Simrón. 2 Tüfa engün Tolá ñi pu fotüm: Uzí, Refayá, Jeriel, Jahmái, Ibsam ca Semuel, tüfa engün loncolei tañi familia mu. Tolá tañi pu cüpanche mu mülefui nehuen-ngechi hueichafe,* David ñi antü mu mülefui 22 mil 600 tüfachi pu hueichafe. 3 Uzí ñi pu cüpanche* fei ta Izrahías. Tüfa ta Izrahías ñi pu fotüm: Miguel, Abdías, Joel ca Isías. Tüfachi 5 huentru loncolefui. 4 Fei engün ca tañi pu cüpanche niefuingün fentren domo ca yall,* feimu quisuque tañi familia engün niefui 36 mil soltau pepicaucülelu ñi hueichayal. 5 Tañi pu peñi coneltulelu com Isacar ñi familia mu, com nehuen-ngechi hueichafengefui. Com tüfa 87 mil hueichafe ca tañi üi engün mülei ti huirintucun pengelquelu tañi familia ñi tuhun.

6 Tüfa Benjamín ñi 3 fotüm: Bela, Béker ca Jediael. 7 Tüfa engün Bela ñi 5 fotüm: Ezbón, Uzí, Uziel, Jerimot ca Irí. Tüfa engün loncolei tañi pu che mu, com nehuen-ngechi hueichafengefui. Com tüfa 22 mil 34 hueichafe ca tañi üi engün mülei ti huirintucun pengelquelu tañi familia ñi tuhun. 8 Tüfa engün Béker ñi pu fotüm: Zemirá, Joás, Eliezer, Elioenái, Omrí, Jeremot, Abías, Anatot ca Alémet. Com tüfa Béker ñi pu fotüm. 9 Ti huirintucun pengelquelu tañi familia ñi tuhun, huirintucungei tañi üi pu loncolelu familia ca feipi ñi mülen 20 mil 200 nehuen-ngechi hueichafe tañi pu cüpanche mu. 10 Jediael ñi pu fotüm fei ta Bilhán, ca Bilhán tañi pu fotüm fei ta Jeús, Benjamín, Ehúd, Kenaaná, Zetán, Tarsis ca Ahisáhar. 11 Com tüfa ta Jediael ñi pu fotüm, chumngechi huirintucungei tañi tuhun pu loncolelu familia mu. Mülefui 17 mil 200 nehuen-ngechi hueichafe pepicaucülelu ñi quiñehual troquiñ hueichafe mu ca tañi hueichayal.

12 Ir ñi pu fotüm fei ta pu Supim che ca pu Hupim che. Aher ñi pu fotüm fei ta pu husim che.

13 Neftalí ñi pu fotüm fei ta Jahziel, Guní, Jézer ca Salum, tüfa engün Bilhá ñi pu cüpanche.*

14 Tüfa Manasés tañi pu fotüm: Asriel, tüfa niefui Manasés tañi ca domo* Siria tuhun-ngelu. (Tüfachi domo choyüfi ta Makir, Galaad ñi chau. 15 Makir quintulelfi domo ta Hupim ca Supim. Maacá pingei tañi deya).* Tañi epungechi fotüm Zelofehad pingei, huelu Zelofehad re ñahue müten niefui. 16 Maacá, Makir ñi domo, choyüi quiñe püñeñ, fei Peres üitucufi, ca tañi peñi Seres pingei. Tañi pu fotüm fei ta Ulam ca Réquem. 17 Ulam ñi fotüm* fei ta Bedán. Tüfa engün Galaad ñi cüpanchengei. Galaad chauyefi ta Makir, Manasés pingei ñi lacu.* 18 Ca tañi deya Hamoléket pingei. Tüfachi domo choyüfi ta Isod, Abí-Ézer ca Mahlá. 19 Semidá ñi pu fotüm fei ta Ahián, Siquem, Liquí ca Aniam.

20 Efraín tañi pu fotüm fei ta Sutélah, tañi fotüm Bered, tañi fotüm Táhat, tañi fotüm Eleadá, tañi fotüm Táhat, 21 tañi fotüm Zabad, tañi fotüm Sutélah, Ézer ca Elead. Pu Gat huentru choyüngelu feichi mapu mu amuingün ñi hueñeñmayafiel ñi quechan culliñ Efraín ñi pu fotüm, cafei langümfingün ta Ézer ca Elead. 22 Tañi chau Efraín fentren antü ngümayefi ñi pu fotüm* ca tañi pu peñi yafültucupaeyu. 23 Fei hula cudumuhui tañi domo engu, fei niepüñeñi ca choyüfi quiñe püñeñ. Tüfachi domo choyülu tañi püñeñ rupai huesaque dungu tañi familia, feimu Efraín üitufi tañi fotüm Berías.* 24 Tañi ñahue Seerá pingei, fei deumafi Bet-Horón huaria nageltu mülelu, Bet-Horón huaria huechuñ mu mülelu ca Uzén-Seerá huaria. 25 Cafei mülefui tañi fotüm Réfah, Résef, tañi fotüm Télah, tañi fotüm Tahán, 26 tañi fotüm Ladán, tañi fotüm Amihud, tañi fotüm Elisamá, 27 tañi fotüm Nun ca tañi fotüm Josué.*

28 Tañi mapu ñi ngen-ngeel ca tañi pichique huaria engün fei ta Betel ca tañi püllelechi huaria, tripahue antü püle Naarán huaria, conhue antü püle Guézer huaria ca tañi püllelechi huaria, Siquem ca tañi püllelechi huaria puulu Ayyá* ca tañi püllelechi huaria. 29 Ca inafül Manasés ñi pu cüpanche mu, Bet-Seán ca tañi püllelechi huaria, Taanac ca tañi püllelechi huaria, Meguidó ca tañi püllelechi huaria ca Dor ca tañi püllelechi huaria. Tiye mu mülefui José ñi pu cüpanche, Israel ñi fotüm.

30 Aser tañi pu fotüm fei ta Imná, Isvá, Isví ca Berías, Sérah pingei tañi deya engün. 31 Berías ñi pu fotüm fei ta Héber ca Malkiel, tüfa Birzayit ñi chau. 32 Héber fotümyefi ta Jaflet, Somer ca Hotam, ca ñahueyefi ta Súa, tüfa tañi deya engün. 33 Jaflet tañi pu fotüm fei ta Pasac, Bimhal ca Asvat. Tüfa engün Jaflet ñi pu fotüm. 34 Sémer* tañi pu fotüm fei ta Ahí, Rohgá, Jehubá ca Aram. 35 Tañi peñi Hélem* ñi pu fotüm fei ta Zofá, Imná, Seles ca Amal. 36 Zofá ñi pu fotüm fei ta Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán ca Beerá. 38 Jéter ñi pu fotüm fei ta Jefuné, Pispá ca Ará. 39 Ulá tañi pu fotüm fei ta Ará, Haniel ca Rizía. 40 Com tüfa engün Aser ñi pu fotüm, com loncolei tañi familia mu, doi cümeque hueichafengefui ca nehuen-ngefui, tüfa engün tati doi falin loncolelu. Com tüfa 26 mil soltau pepicaucülelu ñi hueichayal ca tañi üi engün mülei ti huirintucun pengelquelu tañi familia ñi tuhun.

8 Benjamín fotümyefi ta Bela, tüfa tañi hunen fotüm, ti epungelu Asbel pingei, ti cülangelu Ahará pingei, 2 ti melingelu Nohá pingei ca ti quechungelu Rafá pingei. 3 Bela ñi pu fotüm fei ta Addar, Guerá, Abihud, 4 Abisúa, Naamán, Ahoá, 5 Guerá, Sefufán ca Huram. 6 Ehúd ñi pu fotüm, tüfa tati pu loncolelu pu Gueba che ñi familia mu, camapu yengeingün Manáhat mu. Tüfa ta Ehúd ñi pu fotüm: 7 Naamán, Ahíya ca Guerá. Guerá camapu yefi engün ca fotümyefi ta Uzá ca Ahihud. 8 Saharaim nierpui yall* Moab mapu mu,* deu elufilu ñi amutual pu Moab che. Husim ca Baará pingefui tañi pu domo.* 9 Tañi domo Hodes engu nierpuingu ta Jobab, Zibía, Mesá, Malcam, 10 Jeúz, Sakía ca Mirmá. Tüfa engün tañi pu fotüm, pu loncolelu tañi pu familia mu.

11 Tañi domo Husim engu nierpuingu ta Abitub ca Elpaal. 12 Elpaal ñi pu fotüm fei ta Éber, Misam, Sémed (Sémed deumai Onó, cafei Lod ca tañi püllelechi huaria), 13 Berías ca Sema. Tüfa engün loncolefui pu Ayalón che ñi familia mu ca huemünentufingün* pu Gat che. 14 Ca mülefui Ahió, Sasac, Jeremot, 15 Zebadías, Arad, Éder, 16 Miguel, Ispá ca Johá, Berías ñi pu fotüm. 17 Ca mülefui Zebadías, Mesulam, Hizquí, Héber, 18 Ismerái, Izlías ca Jobab, Elpaal ñi pu fotüm. 19 Cafei Jaquim, Zicrí, Zabdí, 20 Elienái, Ziletái, Eliel, 21 Adaya, Berayá ca Simrat, Simeí ñi pu fotüm. 22 Cafei Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá ca Penuel, Sasac ñi pu fotüm. 26 Cafei Samserái, Seharías, Atalía, 27 Jaaresías, Elías ca Zicrí, Jeroham ñi pu fotüm. 28 Tüfachi pu huentru loncolei tañi familia mu chumngechi pengeli tañi tuhun engün. Tüfachi pu loncolelu Jerusalén mu mülefuingün.

29 Jeiel, Gabaón ñi chau, mülefui Gabaón huaria mu. Maacá pingefui tañi domo. 30 Tañi hunen fotüm fei ta Abdón, fei hula nierpui ta Zur, Quis, Baal, Nadab, 31 Guedor, Ahió ca Zéker. 32 Miclot fei ta Simeá ñi chau. Com engün pülle mülefui tañi pu peñi engün Jerusalén mu, quiñentrür caquelu tañi peñi engün.

33 Ner fotümyefi ta Quis. Quis fotümyefi ta Saúl. Saúl fotümyefi ta Jonatán, Malki-Súa, Abinadab ca Esbaal.* 34 Jonatán ñi fotüm fei ta Merib-Baal.* Merib-Baal fotümyefi ta Miqueas. 35 Miqueas ñi pu fotüm fei ta Pitón, Mélec, Tarea ca Acaz. 36 Acaz fotümyefi Jehoadá. Jehoadá fotümyefi ta Alémet, Azmávet ca Zimrí. Zimrí fotümyefi ta Mozá. 37 Mozá fotümyefi ta Bineá, tañi fotüm Rafá, tañi fotüm Eleasá ca tañi fotüm Azel. 38 Azel niefui 6 fotüm. Tüfa tañi üi engün: Azricam, Bocrú, Ismael, Searías, Abdías ca Hanán. Com tüfa engün Azel ñi pu fotüm. 39 Ca tañi peñi Éshec ñi pu fotüm fei ta Ulam, tüfa tañi hunen fotüm, tati epungelu Jeús ca ti cülangelu Elifélet. 40 Ulam ñi pu fotüm nehuen-ngechi hueichafengefui,* quim adümquefi ti arco,* fentren yall ca lacu* niefuingün. Com tüfa 150 che. Com tüfa engün Benjamín ñi cüpanchengei.

9 Com pu Israel che ñi üi mülei ti huirintucun pengelquelu tañi familia ñi tuhun ca huirintuculei Israel ñi pu Lonco Ülmen tañi Lifru mu. Pu Judá che tañi culpan mu engün* camapu yengei Babilonia mu. 2 Quiñeque Israel che, pu sacerdote, pu Leví che ca pu che cüdauquelu* Chau Ngünechen ñi ruca mu* hune huiñotuingün tañi mapu quisu tañi huaria mu. 3 Ca quiñeque che cüpalu Judá, Benjamín, Efraín ca Manasés ñi troquiñche mu mülenagingün Jerusalén mu. Tüfa tati pu huentru: 4 Utái, tüfa Amihud ñi fotüm, Amihud fei ta Omrí ñi fotüm, Omrí fei ta Imrí ñi fotüm, Imrí fei ta Baní ñi fotüm. Com tüfa ta Pérez ñi cüpanche, tüfa Judá ñi fotüm. 5 Asaya ca tañi pu fotüm. Tüfa engün Selah tañi cüpanche. Asaya fei tati hunen fotüm tañi chau ñi familia mu. 6 Ca huiñotui Jerusalén mu Jeuel, Zérah ñi cüpanche. Ca huiñotui 690 tañi pu huentru pariente.

7 Benjamín ñi cüpanche mu huiñotui Salú, Mesulam ñi fotüm, Hodavías ñi lacu,* Hasenuá ñi bisnieto.* 8 Ibneyá, Jeroham ñi fotüm. Elá, Uzí ñi fotüm, Micrí ñi lacu. Ca Mesulam, Sefatías ñi fotüm, Reuel ñi lacu, Ibniya ñi bisnieto. 9 Chumngechi pengeli tañi tuhun engün, Jerusalén mu mülenagi tüfachi pu huentru ca 956 Benjamín ñi cüpanche. Com tüfachi pu huentru loncolei tañi familia mu.

10 Ca huiñotui pu sacerdote, tüfa ta Jedayá, Jehoiarib, Jakín, 11 Azarías, tüfa Hilquías ñi fotüm, Mesulam ñi fotüm, Sadoc ñi fotüm, Merayot ñi fotüm, Ahitub ñi fotüm, tüfa quiñe loncolelu Chau Ngünechen ñi ruca mu. 12 Ca huiñotui Adaya ca Maasái. Adaya fei ta Jeroham ñi fotüm, Pasjur ñi fotüm, Malkiya ñi fotüm. Maasái fei ta Adiel ñi fotüm, Jahzerá ñi fotüm, Mesulam ñi fotüm, Mesilemit ñi fotüm, Imer ñi fotüm. 13 Cafei huiñotui tañi pu peñi engün, loncolelu tañi familia mu, tüfa ta mil 760 huentru nehuen-ngelu, adümuucülelu ca eluucülelu ñi cüdahual Chau Ngünechen ñi ruca mu.

14 Ca pu Leví che meu mülei Semaya, tüfa Hasub ñi fotüm, Azricam ñi fotüm, Hasabías ñi fotüm. Merarí ñi cüpanchengei engün. 15 Ca mülei Bacbacar, Héresh, Galal, Matanías, tüfa Micá ñi fotüm, Zicrí ñi fotüm, Asaf ñi fotüm. 16 Ca mülei Abdías ca Berekías. Abdías fei ta Semaya ñi fotüm, Galal ñi fotüm, Jedutún ñi fotüm. Berekías fei ta Asá ñi fotüm, Elcaná ñi fotüm. Tüfa mülefui pu Netofá che ñi pichique huaria mu.

17 Pu cuidaquelu puerta fei ta Salum, Acub, Talmón, Ahimán ca tañi peñi engün, Salum, tati loncolelu. 18 Feichi mu Salum mülequefui ti lonco ülmen ñi puerta püle tripahue antü mu. Tüfachi pu huentru cuidaquefui ti puerta cheu ñi mülen pu Leví che ñi tolto ruca mu.* 19 Cafei Salum, Coré ñi fotüm, Ebiasaf ñi lacu, Coré ñi bisnieto, ca tañi pu peñi tañi chau ñi familia mu cüpalu, tüfa pu Coré che,* elfalcünungei ñi ngüneduamal ti cüdau femquelu pu cuidaquelu puerta tolto ruca mu. Tañi chau engün elfalcünungefui ñi cuidayal conhue püle Chau Jehová ñi tolto ruca mu. 20 Cuifi, Finehás, tüfa Eleazar ñi fotüm, loncolefui quisu engün meu ca Chau Jehová afcadinieyu. 21 Zacarías, Meselemías ñi fotüm, cuidaquefui ti trahunhue tolto ruca ñi conhue.

22 Com pu che dullingelu ñi cuidayal ti puerta conhue püle fei ta 212 che. Tüfa engün mülenagingün tañi pichique huaria mu chumngechi feipi ti huirintucun pengelquelu tañi familia ñi tuhun. David ca ti huentru pequelu afmatun dungu, Samuel pingelu, üitufi feichi pu huentru ñi elungeal tüfachi elfal cüdau. 23 Fei engün ca tañi pu fotüm elfalcünungei ñi cuidayal ti puerta Chau Jehová ñi ruca mu. Feichi mu ti ruca quiñe tolto rucangefui. 24 Pu cuidaquelu puerta mülefui meli troquiñ püle ruca mu: tripahue antü, conhue antü, norte* ca sur.* 25 Quiñeque rupa tañi pu peñi mülefui ñi elcünual tañi pichique huaria, fei ñi cüdaupayal quisu engün mu 7 antü. 26 Mülefui 4 falin huentru* cuidaquelu puerta. Manelfalngefuingün, Leví chengefui ca adniequefuingün cheu ñi iquen che ca cheu ñi ngülümel falinque fillem Chau Ngünechen ñi ruca mu. 27 Rulpapunqueingün cheu tañi elcünungeel huall püle Chau Ngünechen ñi ruca mu, elfalcünungelu cai ñi cuidayal. Niequefuingün ti llafe ca fill pulihuen nülaquefuingün ti ruca.

28 Quiñeque engün elfalcünulelngei chemcün* ñi poyeafiel ta Chau Dios. Cüpalfiel mu ca entufiel mu raquiquefingün ti chemcün. 29 Quiñeque engün elfalcünulelngei ti chemcün, com ti yamfal* chemcün, cüme rüngo, pulcu, aceite, olibano* ca aceite balsamico. 30 Quiñeque tati sacerdote ñi pu fotüm pepicaingün cüme nümün-ngechi aceite ti aceite balsamico mu. 31 Matitías niefui quiñe elfal cüdau, fei ñi ngüneduamal chem ñi afümngequen sarten mu. Matitías Leví chengei, Salum ñi hunen fotüm, tüfa ti Coré che. 32 Quiñeque tañi pu peñi, pu Cohat che, fill ürcütun antü mu* elfalcünulelngei ñi huelurentrücunuafiel cofque.*

33 Tüfa tati pu ülcantufe, loncolelu pu Leví che ñi familia mu. Tüfa engün mülefui cheu ñi iquen che, huelu ngelafui ñi femal caquelu cüdau. Fei engün mülefui ñi cüdahual antü ca pun meu. 34 Chumngechi pengeli tañi tuhun engün, tüfachi pu huentru loncolefui pu Leví che ñi familia mu. Loncolefui engün ca Jerusalén mu mülefuingün.

35 Jeiel, Gabaón ñi chau, mülefui Gabaón huaria mu. Maacá pingefui tañi domo. 36 Tañi hunen fotüm fei ta Abdón, fei hula nierpui ta Zur, Quis, Baal, Ner, Nadab, 37 Guedor, Ahió, Zacarías ca Miclot. 38 Miclot fei ta Simeam ñi chau. Com engün pülle mülefui tañi pu peñi engün Jerusalén mu, quiñentrür caquelu tañi pu peñi engün. 39 Ner fotümyefi ta Quis. Quis fotümyefi ta Saúl. Saúl fotümyefi ta Jonatán, Malki-Súa, Abinadab ca Esbaal. 40 Jonatán ñi fotüm fei ta Merib-Baal. Merib-Baal fotümyefi ta Miqueas. 41 Miqueas ñi pu fotüm fei ta Pitón, Mélec, Tahrea ca Acaz. 42 Acaz fotümyefi ta Jará. Jará fotümyefi ta Alémet, Azmávet ca Zimrí. Zimrí fotümyefi ta Mozá. 43 Mozá fotümyefi ta Bineá, tañi fotüm Refayá, tañi fotüm Eleasá, tañi fotüm Azel. 44 Azel niefui 6 fotüm. Tüfa tañi üi engün: Azricam, Bocrú, Ismael, Searías, Abdías ca Hanán. Tüfa engün Azel ñi pu fotüm.

10 Fei pu Filistea che quehuaquefui pu Israel che engün. Pu Israel huentru lefmahuingün pu Filistea che ñi duam mu. Fentren che lai Guilboa mahuida mu. 2 Pu Filistea che pülle inaniefingün ta Saúl ca tañi pu fotüm, fei langümfingün Jonatán, Abinadab ca Malki-Súa, Saúl ñi pu fotüm. 3 Pu Filistea che doi hueichafingün* ta Saúl. Pu adümquefilu ti arco pefingün cheu ñi mülen ta Saúl ca allfülcafingün. 4 Fei Saúl feipifi tañi hueichafe yenielu escudo: “Entunge tami fütra cuchillo, fei chüngartucuen. Ayülan ñi cüpayal feichi pu circuncidalenolu,* fei rume huesalcayafeneu engün”. Huelu tañi hueichafe yenielu escudo rume llicai, feimu pilai ñi femngechi femal. Feimu Saúl nüi ti fütra cuchillo ca langümuhui. 5 Tañi hueichafe yenielu escudo ngüneduami ñi lan ta Saúl, feimu ca nüi tañi fütra cuchillo, fei quisutu langümuhui. 6 Femngechi quiñentrür laingün Saúl, tañi 3 fotüm ca com tañi pu che. 7 Com pu Israel che mülelu ti laf mapu* pefingün com che ñi lefmahun ca ngüneduamingün ñi lan Saúl ca tañi pu fotüm. Feimu elcünuingün ñi huaria ca lefmahuingün. Rupalu tüfa, pu Filistea che cüpaingün ca mülenagingün fei mu.

8 Ca antü, pu Filistea che amui ñi entuñmayafiel pu la ñi falinque fillem. Fei Guilboa mahuida mu pefingün Saúl ca tañi 3 fotüm ñi lachi cuerpo.* 9 Entufingün tañi tacun, catrüñmafingün ñi lonco ta Saúl ca entuñmafingün com tañi tucunieel ñi hueichayal. Ca huercüingün huerquen com pu Filistea che ñi mapu mu, femngechi ñi quimngeal tüfachi dungu rangi pu che mu ca cheu ñi mülen tañi coilaque dios ñi adentun.* 10 Fei cheu ñi poyengequen tañi dios engün elcünuingün chem ñi tucunieel Saúl ñi hueichayal, ca tucuñmafingün ñi lonco cheu ñi poyengequen ta Dagón.

11 Com pu Jabés-Galaad che quimürpuingün com ñi femfiel pu Filistea che ta Saúl. 12 Feica müten com pu hueichafe yemefingün Saúl ca tañi pu fotüm ñi lachi cuerpo. Fei hula yeñmafingün ñi cuerpo Jabés huaria mu, miñche quiñe fütra anümca mülelu Jabés mu, rüngaltucufingün ñi foro engün* ca ngüñüluhuingün* 7 antü.

13 Femngechi lai Saúl culpalu cai* Chau Jehová mu. Inalafi Chau Jehová ñi dungu ca pemefi quiñe domo ramtuquefilu pu la, 14 huelu ramtulafi ta Chau Jehová. Feimu quisu* langümeyu, ca elufi tañi ngünenieal David, Jesé tañi fotüm.

11 Rupachi antü, com pu Israel che trahuluhuingün David engün Hebrón huaria mu. Feipifingün: “¡Tüfa mu müleiñ! Peñihuen-ngeiñ. 2 Cuifi, lonco ülmen-ngelu Saúl, eimi adniequefuimi pu Israel che ñi quehuayal. Fei tami Chau Ngünechen Jehová feipieimu: ‘Eimi camañafimi* tañi pu che Israel ca loncoleaimi tañi pu che Israel’”. 3 Femngechi com pu Israel loncolelu pepafingün ti lonco ülmen Hebrón huaria mu. Tüfachi huaria mu David eldungucünui fei engün meu Chau Jehová ñi adquiñ mu. Fei hula üitufingün ta David* ñi lonco ülmencüleal Israel mu chumngechi Chau Jehová feipifi ta Samuel.

4 Fei hula David ca com pu Israel che amuingün Jerusalén mu, tüfa ta Jebús. Tiye mu mülefui pu jebuseo che. 5 Huelu pu jebuseo che ayentufingün ta David ca feipifingün: “¡Turpu conpalayaimi tüfa mu!”. Huelu David nüfi ti fütra cura malal* Sion mu mülelu. Feula David ñi Huaria pingetui. 6 David feipi: “Ti hunen huentru hueichafile* pu jebuseo che loncoleai ca principengeai”. Joab, Zeruyá ñi püñeñ, hune amui, fei loncolerpui. 7 Fei David mülenagi ti huaria mu nielu fütra cura malal, feimu David ñi Huaria pingei. 8 Huente ti pichi huinculcülechi mapu,* tañi huall püle ca com püle huaria mu David eluhui ñi deumarucayal ca deumai fütraque cura malal. Joab huiño deumatufi caquelu troquiñ huaria. 9 David amulei ñi doi nehuen-ngerpun, fei Chau Jehová, tati Ñidolcülelu pu hueichafe mu quelluqueyu.

10 Mülefui huentru loncolefulu David ñi pu nehuen-ngechi hueichafe mu. Tüfa engün quiñentrür com pu Israel che quelluntucufi ta David ñi ngünenieal. Chumngechi ñi feipifiel Chau Jehová ti pu Israel che, quellufingün ta David ñi lonco ülmen-ngeal. 11 Tüfa ta David ñi nehuen-ngechi hueichafe huirintuculelu: Jasobeam, quiñe Hacmoní che ñi fotüm, loncolei 3 hueichafe mu. Quiñe rupa langümfi 300 huentru tañi huaiqui mu.* 12 Ca inalefui Eleazar, tüfa Dodó ñi fotüm, ti Ahohí che. Tüfa ca coneltulefui ti 3 nehuen-ngechi hueichafe mu. 13 Mülefui David engu Pas-Damim mu, cheu ñi trahulen pu Filistea che tañi hueichayal. Tiye mu mülefui quiñe lelfün ngancülelu cahuella mu.* Fei pu hueichafe lefmahuingün pu Filistea che ñi duam mu. 14 Huelu Eleazar mülenagi rangi lelfün mu ca incaeyu. Langümfi pu Filistea che. Femngechi Chau Jehová hueufi pu Filistea che.

15 Mülefui 30 loncolelu, fei 3 huentru fütra cura püle nagingün ca pemefingün ta David quiñe lolo meu Adulam huaria mülelu. Feichi mu quiñe troquiñ Filistea hueichafe anümi ñi tolto ruca* Refaím ñi laf mapu mu.* 16 David ellcaucülefui* ca Belén huaria mu mülefui quiñe troquiñ Filistea hueichafe. 17 Fei David feipi chem tañi ayüel: “¡Pichin co fel! ¡Co entungelu ti rünganco* mülelu inafül Belén ñi puerta püle!”. 18 Rupalu tüfa, ti 3 hueichafe maloconpuingün cheu ñi mülen pu Filistea che ñi tolto ruca. Fei inafül Belén ñi puerta püle ti rünganco mu entucoingün ca yelelfingün ta David. Huelu David pilai ñi pütocoafiel, fei hutrulelfi ta Chau Jehová. 19 Feipi: “Iñche rume yamniefiñ* ta Chau Ngünechen, feimu ¡turpu femlayan tüfachi dungu! Tüfachi pu huentru cuñihun mu tucuingün ñi mongen, ¿pütocopeafun mai fei engün ñi mollfüñ? Cuñihun mu tucuingün ñi mongen tañi yemeal co”. Feimu pilai ñi pütocoafiel. Tüfachi dungu femingün tañi 3 nehuen-ngechi hueichafe.

20 Abisái, Joab ñi peñi, loncolerpui caquelu 3 huentru mu. Quisu langümi 300 huentru tañi huaiqui mu. Cüme quimngerquei ti hunen 3 huentru reque. 21 Tüfachi caquelu 3 huentru mu, Abisái doi quimfaluuquei tañi 2 chaf hueichafe mu* ca loncolefui, huelu trürümfal-lai ti hunen 3 huentru mu.

22 Benaya, Jehoiadá ñi fotüm, nehuen piuquengefui.* Tüfachi huentru femi fentren fütraque dungu Cabzeel huaria mu. Langümfi Ariel ñi 2 fotüm Moab mu tuulu. Ca quiñe antü piremequelu coni quiñe rünganco mu, fei langümfi quiñe trapial. 23 Cafei langümfi quiñe alüpürachi Egipto huentru, tüfa doi 2 metro alüpürai.* Benaya quiñe caroti müten yeniei, huelu ti Egipto huentru tañi cuhu mu yeniei quiñe huaiqui cülou reque felelu. Femlu rume, Benaya chaftufi ti Egipto huentru, müntuñmafi* tañi huaiqui ca quisu tañi huaiqui mu langümfi. 24 Tüfachi dungu femi Benaya, Jehoiadá ñi fotüm. Cüme quimngerquei tati 3 nehuen-ngechi hueichafe reque. 25 Doi quimfaluuquei tati 30 huentru mu, huelu trürümfal-lai ti hunen 3 huentru mu. Femfulu rume, David elcünufi ta Benaya ñi loncoleal pu soltau tañi cuidanieteu.

26 Ti troquiñ hueichafe mu mülequefui tüfachi nehuen-ngechi soltau: Asahel, tüfa Joab ñi peñi. Elhanán, tüfa Dodó ñi fotüm, Belén mu tuhui. 27 Samot, tüfa ti Harod che. Hélez, tüfa ti pelonita che. 28 Irá, tüfa Iqués ñi fotüm, ti Tecoa che. Abí-Ézer, tüfa ti Anatot che. 29 Sibecái, tüfa ti Husá che. Ilái, tüfa ti Ahohí che. 30 Maharái, tüfa ti Netofá che. Héled, tüfa Baaná ñi fotüm, ti Netofá che. 31 Itái, Ribái ñi fotüm, Guibeá huaria tuhui, Benjamín ñi mapu mu. Benaya, tüfa quiñe Piratón che. 32 Hurái, tüfa cüpai Gaas huincul lil püle. Abiel, tüfa ti Bet-Arabá che. 33 Azmávet, tüfa ti Bahurim che. Eliahbá, tüfa ti Saalbim che. 34 Hasem ñi pu fotüm, tüfa ti guizonita che. Jonatán, tüfa Sagué ñi fotüm, ti hararita che. 35 Ahiam, tüfa Sacar ñi fotüm, ti hararita che. Elifal, tüfa Ur ñi fotüm. 36 Héfer, tüfa ti mekeratita che. Ahíya, tüfa ti pelonita che. 37 Hezró, tüfa ti Carmelo che. Naarái, tüfa Ezbái ñi fotüm. 38 Joel, tüfa Natán ñi peñi. Mibhar, tüfa Hagrí ñi fotüm. 39 Zélec, tüfa ti Ammón che. Naharái, tüfa ti Beerot che, tüfa ti hueichafe yenielu Joab ñi escudo, Zeruyá ñi püñeñ. 40 Irá, tüfa ti itrita che. Gareb, tüfa ti itrita che. 41 Urías, tüfa ti Het che.* Zabad, tüfa Ahlái ñi fotüm. 42 Adiná, tüfa Sizá ñi fotüm, ti Rubén che, loncolei pu Rubén che ca compañeyu 30 huentru. 43 Hanán, tüfa Maacá ñi fotüm. Josafat, tüfa ti mitnita che. 44 Uzía, tüfa ti Astarot che. Sama ca Jeiel, tüfa engu Hotam ñi fotüm, ti Aroer che. 45 Jediael, tüfa Simrí ñi fotüm ca tañi peñi Johá, tüfa ti tizita che. 46 Eliel, tüfa ti mahavita che. Jeribái ca Josavías, tüfa engu Elnaam ñi fotüm. Itmá, tüfa ti Moab che. 47 Eliel, Obed ca Jaasiel, tüfa ti mezobaíta che.*

12 David lefmauquiyauquefui Saúl ñi duam mu, tüfa Quis ñi fotüm. Feichi mu mülequefui huentru quiñeulu David engün Ziclag huaria mu. Tüfa engün coneltulefui pu nehuen-ngechi hueichafe* ñi quelluntucueteu hueichan mu. 2 Yeniefuingün arco. Tañi man cuhu cam huele cuhu mu ütrüftuqueingün cura cam flecha tañi arco meu. Tüfa engün Saúl ñi pu peñi, Benjamín mu tuulu. 3 Loncolefui Ahiézer quiñentrür Joás engu, tüfa engu Semaá ñi fotüm, ti Guibeá che. Ca mülefui Jeziel ca Pélet, tüfa engu Azmávet ñi fotüm. Cafei Beracá, Jehú, tüfa ti Anatot che. 4 Ismayá, tüfa ti Gabaón che, quiñe nehuen-ngechi hueichafengei, coneltulefui 30 hueichafe mu ca loncolei fei engün mu. Ca mülefui Jeremías, Jahaziel, Johanán, Jozabad, tüfa ti Guederá che, 5 Eluzái, Jerimot, Bealías, Semarías, Sefatías, tüfa ti harifita che, 6 Elcaná, Isías, Azarel, Joézer, Jasobeam, tüfa engün pu Coré che, 7 Joelá ca Zebadías, tüfa engu Jeroham ñi fotüm, tüfa ti Guedor che.

8 Quiñeque Gad che püntütripaingün* tañi pu peñi mu, fei quiñehuingün David engu ti ellcaupeyüm mu* huellin mapu püle.* Nehuen-ngechi hueichafengei, pepicaucüleingün ñi hueichayal ca eluucüleingün ñi quehuayal fütraque escudo ca huaiqui mu.* Tañi ange trapial ange reque trüri ca matu nengümuuquefui engün quiñe gacela reque mülelu mahuida mu. 9 Ézer loncolei, Abdías ti epu ürque, Eliab ti cüla ürque, 10 Mismaná ti meli ürque, Jeremías ti quechu ürque, 11 Atái ti cayu ürque, Eliel ti regle ürque, 12 Johanán ti pura ürque, Elzabad ti ailla ürque, 13 Jeremías ti mari ürque, Macbanái ti mari quiñe ürque. 14 Tüfa ta Gad chengefuingün, loncolei hueichafe mu. Ti müte nehuen-ngenolu huehuafui 100 hueichafe ca ti doi nehuen-ngelu huehuafui mil hueichafe. 15 Ti hunen cüyen mu tüfachi pu huentru noingün ti Jordán leufü petu mangiñmamequelu. Tüfa engün ñi duam mu, lefmahuingün com pu che mülelu nag mapu mu, tripahue antü ca conhue antü püle.

16 Quiñeque Benjamín ca Judá huentru ca cüpaingün cheu ñi ellcaucülen David. 17 Fei David tripai, huitracünuhui tañi adquiñ mu engün ca feipifi: “Cüme duam mu cüpalmün tamün quellumual iñche, hueniyehuaiñ.* Huelu cüpalmün tamün ngünencamual ca hultucumuafiel tañi pu caiñe, fei tañi huesa femnon iñche, ngüneduampe ca juzgape taiñ cuifiqueche ñi Chau Ngünechen”. 18 Fei hula Chau Ngünechen ñi nehuen puhui Amasái mu, tüfa loncolei 30 hueichafe mu, ca feipi:

“Ahuem, David, iñchiñ quelluntucuhuiyiñ. Ahuem, Jesé ñi fotüm, eimi mu müleiñ.

Fei David lloufi engün ca loncocünufi pu hueichafe mu.

19 Cüpalu David pu Filistea che engün tañi hueichayafiel ta Saúl, quiñeque Manasés huentru elcünufingün Saúl ñi troquiñ hueichafe, fei quiñehuingün David engu. Huelu pu ngüneniefilu pu Filistea che nütramcahuingün tañi chumal, fei huemünentufingün* ta David. Feipingün: “Elcünuaiñmu iñchiñ, fei quiñehuai tañi ñidol Saúl engu. Cuñihun mu conai taiñ mongen”. Feimu David quellulafi pu Filistea che. 20 David amulu Ziclag huaria mu, tüfachi pu Manasés huentru elcünuingün tañi pu peñi, fei quiñehui David engün: Adná, Jozabad, Jediael, Miguel, Jozabad, Elihú ca Ziletái, tüfa loncolei mil Manasés ñi pu hueichafe mu. 21 Tüfachi pu huentru quellufingün ta David feichi chaftufilu pu malocontuchequelu. Com engün nehuen-ngeingün ca llicaquelaingün, cafei loncolerpuingün pu hueichafe mu. 22 Fill antü acuquei huentru ñi quelluafiel ta David, fei rume alün-ngerpui David ñi pu hueichafe, trüri Chau Ngünechen ñi pu hueichafe reque.

23 Raquingei pu loncolelu adniefilu pu huentru yenielu hueichahue tañi quehuayal, tüfa engün quiñehui David engu Hebrón huaria mu tañi elungeal Saúl tañi ngünenieel, chumngechi feipi Chau Jehová. Tüfa tati pu huentru: 24 mülefui 6 mil 800 Judá huentru yenielu fütraque escudo ca huaiqui. Pepicaucüleingün tañi hueichayal. 25 Mülefui 7 mil 100 Simeón huentru, tüfa engün nehuen-ngeingün ca llicaquelaingün.

26 Mülefui 4 mil 600 Leví huentru. 27 Jehoiadá loncolefui Aarón ñi pu fotüm ca compañeyu 3 mil 700 huentru. 28 Ca mülefui Sadoc, quiñe hueche huentru nehuen-ngelu ca llicaquenolu. Cafei 22 huentru loncolelu tañi familia mu.

29 Mülefui 3 mil Benjamín huentru, tüfa ta Saúl ñi pu peñi. Epe com engün cuifi quelluntucuquefui Saúl ñi familia. 30 Mülefui 20 mil 800 Efraín huentru, tüfa engün nehuen-ngeingün ca llicaquelaingün. Cüme quimniengei engün tañi familia mu.

31 Manasés ñi rangiñ troquiñche mu mülefui 18 mil huentru. Dullingei tañi üi mu engün ñi cüpayal tañi lonco ülmencünuafiel ta David. 32 Isacar ñi pu fotüm meu mülefui 200 loncolelu, tüfa engün ngüneduamquefui chem ñi rupamequen ca quimniefuingün ñi chumal pu Israel che. Cafei com tañi pu peñi inaniequeyu tañi feipin. 33 Mülefui 50 mil Zabulón huentru, tüfa engün conafui troquiñ hueichafe mu ca pepicaucülefui ñi quehuayal com tañi hueichahue mu. Com engün quelluntucufingün ta David com piuque mu.* 34 Mülefui mil Neftalí loncolelu, ca quisu engün meu mülefui 37 mil huentru yenielu fütraque escudo ca huaiqui. 35 Mülefui 28 mil 600 Dan huentru pepicaucülelu ñi hueichayal. 36 Cafei 40 mil Aser huentru conafui troquiñ hueichafe mu ca pepicaucülefui ñi hueichayal.

37 Nometu Jordán leufü mu mülefui 120 mil soltau nielu itrofill hueichahue. Tüfa engün coneltulei pu Rubén che meu, pu Gad che ca Manasés ñi rangiñ troquiñche. 38 Com tüfachi huentru hueichafengefui ca pepicaucülefui ñi hueichayal. Acuingün Hebrón huaria mu, fei com piuque mu lonco ülmencünufingün ta David com pu Israel che meu. Cafei com pu mülehuechi Israel che quiñeucülen lonco ülmencünufingün ta David. 39 Tiye mu 3 antü mülenagingün David engu. Imequefui ca putumequefui engün* chem tañi pepicaeteu tañi pu peñi. 40 Com pu Israel che rume ayüucülefui, feimu pu che püllelelu quisu engün meu ca tati pu che mülelu Isacar, Zabulón ca Neftalí ñi mapu mu cüpalingün burro, camello, mula ca toro cüpalnielu iyael: rüngo, cochü cofque nielu anquen higo ca anquen ofad, pulcu ca aceite. Ca cüpalnieingün fentren huaca ca ufisa.

13 David ramtufi pu loncolelu mil hueichafe,* pu loncolelu 100 hueichafe ca com pu loncolelu. 2 Fei hula David feipifi com Israel trahunche: “Eimün cümelu troquifilmün ca taiñ Chau Ngünechen Jehová cümelu troquifile, huercülelafiyiñ quiñe huercün dungu pu peñi mülehuelu com Israel mapu mu, cafei pu sacerdote ca pu Leví che mülelu tañi huaria mu ca tañi lelfün cachu, femngechi ñi quiñehual iñchiñ mu. 3 Fei huiño cüpaltuafiyiñ Chau Ngünechen ñi Falin Caja”. Saúl ñi antü mu cuidangelai ti Falin Caja. 4 Com pu che cümelu troquifi tüfachi dungu, feimu com ti trahunche quiñeucülen femingün tüfa. 5 David trahulfi com pu Israel che, Egipto ñi leufü püle* puulu Lebó-Hamat,* femngechi Quiryat-Jearim mu entual ca cüpalal Chau Ngünechen ñi Falin Caja.

6 David ca com pu Israel che amuingün Baalá huaria mu, tüfa Quiryat-Jearim ngen-ngelu Judá, femngechi tiye mu yemeafiel Chau Ngünechen Jehová ñi Falin Caja, fei anülei tañi ülmen huancu mu huente tati pu querubin,* ti Falin Caja cheu püramyengequei Chau Dios ñi üi. 7 Fei hula entuingün Chau Ngünechen ñi Falin Caja Abinadab ñi ruca mu ca tucufingün quiñe hue carreta mu. Uzá ca Ahió yeniefingu ti carreta. 8 David ca com pu Israel che com piuque mu fiestamequei tüfachi dungu Chau Ngünechen ñi adquiñ mu. Ülcantuingün ca dungulingün arpa ca caquelu dungulhue nielu cuerda, cafei pandereta, cimbalo* ca trompeta. 9 Huelu puulu engün cheu ñi liftungequem quetran, Kidón pingelu, ti pu toro epe huaichüfrulpafi ti Falin Caja. Feimu Uzá puhuli ñi cuhu ti Falin Caja mu, fei nüfi. 10 Feimu Chau Jehová rume illcutufi ta Uzá* ca langümfi. Uzá puhuli ñi cuhu ti Falin Caja mu, fei nüfi. Tiye mu lai Chau Dios ñi adquiñ mu. 11 Huelu David illcui,* Chau Jehová rume illcutufilu cai ta Uzá ca langümfi. Fantepu mu feichi lof Pérez-Uzá* pingetui.

12 Feichi antü David rume llicafi ta Chau Ngünechen. Fei feipi: “¿Chumngechi cai cüpaltuan Chau Ngünechen ñi Falin Caja?”. 13 Feimu David cüpaltulafi ti Falin Caja cheu tañi mülen quisu, David ñi Huaria mu. Doi mai huercüi ñi yengeal ti Falin Caja Obed-Edom ñi ruca mu, tüfa ti Gat huentru. 14 Chau Ngünechen ñi Falin Caja mülenagi Obed-Edom ñi familia mu, 3 cüyen mülenagi ñi ruca mu. Ca Chau Jehová amulei ñi cümelcafiel ta Obed-Edom tañi familia ca com tañi nieel.

14 Tiro ñi lonco ülmen, Hiram pingelu, huercülelfi huerquen ta David. Cafei huercüi cedro mamüll, pu che cüdauquelu cura* ca mamüll meu, fei ñi deumalelafiel quiñe ruca* ta David. 2 David ngüneduami Chau Jehová ñi elueteu tañi rumel ngünenieal Israel mu. Cafei tañi pu che* Israel ñi duam mu, Chau Dios quellueyu ñi rume afmatufalngeal tañi ngünenieel.

3 David doi nierpui domo Jerusalén huaria mu. Cafei doi nierpui fotüm ca ñahue. 4 Tüfa tañi üi David ñi pu fotüm choyüngelu Jerusalén huaria mu: Samúa, Sobab, Natán, Salomón, 5 Ibhar, Elisúa, Elpélet, 6 Noga, Néfeg, Jafía, 7 Elisamá, Beeliadá ca Elifélet.

8 Pu Filistea che allcüingün ñi dullingeel David tañi lonco ülmen-ngeal com Israel mu, fei com lefcontumefingün. Quimlu David, tripai ñi hueichayafiel engün.* 9 Fei hula acuingün pu Filistea che ca lefcontufingün pu che mülelu Refaím ñi laf mapu mu.* 10 David ramtufi ta Chau Ngünechen: “¿Mülei ñi hueichameafiel pu Filistea che? ¿Hultucuafimi tañi cuhu mu?”. Chau Jehová huiñoldungueyu:* “Mai, amunge. Rüfcünu, hultucuafiñ engün eimi tami cuhu mu”. 11 Feimu David amui Baal-Perazim lof mu, üyeu hueufi engün. Fei David feipi: “Chau Ngünechen hueufi tañi pu caiñe, chumngechi ti mangin co trafolniefi ti cura malal”. Feimu Baal-Perazim* pingei tiyechi lof. 12 Pu Filistea che tiye mu elcünufingün tañi pu dios ñi adentun.* David huercülu, lüpümtucungei ti adentun cütral mu.

13 Fei hula pu Filistea che huiño quehuaingün laf mapu meu. 14 David huiño ramtufi ta Chau Dios, huelu Chau Dios feipieyu: “Fei engün ñi adquiñ mu hueichalayafimi. Doi mai hualloñmayafimi,* fei furi püle lefcontuafimi engün, itrotripa bacá* pingechi anümca mu. 15 Eimi allcülmi trecan hueichafe huente bacá pingechi anümca meu, fei quimaimi, iñche Chau Ngünechen tripayan eimi tami adquiñ mu ñi huehuafiel pu Filistea che. Feica müten lefcontuafimi engün”. 16 Feimu David femi com ñi huercüeteu ta Chau Ngünechen, fei Gabaón puulu Guézer huaria mu hueufingün pu Filistea hueichafe. 17 Com pu troquiñche mu cüme quimniengei ta David. Fei Chau Jehová tañi pin mu com pu troquiñche llicafingün ta David.

15 David amulei ñi deumamequen ruca David ñi Huaria mu. Pepicai quiñe mülehue ca elcünui quiñe tolto ruca* ñi müleal Chau Ngünechen ñi Falin Caja. 2 Feichi mu David feipi: “Inei no rume ngelai ñi yeafiel Chau Ngünechen ñi Falin Caja, pu Leví che müten mülei tañi femal. Chau Jehová dullieyu engün tañi yeal Chau Jehová ñi Falin Caja ca tañi rumel cüdahuelaeteu”. 3 Fei hula David trahulfi com pu Israel che Jerusalén mu, fei ñi yeafiel Chau Jehová ñi Falin Caja ti mülehue mu tañi pepicacünuel.

4 David trahulfi Aarón ñi pu cüpanche ca pu Leví che: 5 pu Cohat che meu ti loncolelu Uriel ca 120 tañi pu peñi. 6 Pu Merarí che meu ti loncolelu Asaya ca 220 tañi pu peñi. 7 Guersom ñi pu cüpanche mu ti loncolelu Joel ca 130 tañi pu peñi. 8 Elizafán ñi pu cüpanche mu ti loncolelu Semaya ca 200 tañi pu peñi. 9 Hebrón ñi pu cüpanche mu ti loncolelu Eliel ca 80 tañi pu peñi. 10 Uziel ñi pu cüpanche mu ti loncolelu Aminadab ca 112 tañi pu peñi. 11 Cafei David mütrümfi* ti sacerdote Sadoc ca Abiatar. Cafei tati pu Leví che, tüfa ta Uriel, Asaya, Joel, Semaya, Eliel ca Aminadab. 12 Feipifi engün: “Eimün loncoleimün pu Leví che ñi familia mu. Eimün ca tamün pu peñi liftuumün.* Tati mülehue mu tañi pepicacünuel iñche, yeafimün Chau Jehová ñi Falin Caja, fei Israel ñi Chau Ngünechen. 13 Ti hunen rupa eimün yelafimün ti Falin Caja, feimu taiñ Chau Ngünechen Jehová rume illcutueiñmu iñchiñ.* Ngüneduamlaiñ chumngechi cüme yeafiel ti Falin Caja”. 14 Feimu pu sacerdote ca pu Leví che liftuhuingün, femngechi tañi yeafiel Chau Jehová ñi Falin Caja, fei Israel ñi Chau Ngünechen.

15 Fei hula pu Leví che yefingün Chau Ngünechen ñi Falin Caja, fara mu meñcu yefingün chumngechi huercüi Moisés, Chau Jehová tañi pin mu. 16 David nütramcafi pu Leví che ñi pu loncolelu. Feipifi ñi elfalcünuafiel tañi pu peñi ülcantuquelu ñi ayühunquechi ülcantual fillque dungulhue mu: dungulhue nielu cuerda, arpa ca cimbalo.*

17 Feimu pu Leví che tañi troquiñche mu üitufingün ta Hemán, tüfa Joel ñi fotüm, cafei Asaf, tüfa Berekías ñi fotüm, ca Etán, tüfa Cusayá ñi fotüm, Merarí ñi familia mu tuhui. 18 Compañeyu engün cangelu troquiñche tañi pu pariente. Coneltulei Zacarías, Ben, Jaaziel, Semiramot, Jehiel, Uní, Eliab, Benaya, Maaseya, Matitías, Elifelehu, Micneyá, cafei 2 huentru cuidaquelu puerta, tüfa ta Obed-Edom ca Jeiel. 19 Pu ülcantufe Hemán, Asaf ca Etán mülefui ñi dungulafiel ti cimbalo cobrengelu. 20 Cafei Zacarías, Aziel, Semiramot, Jehiel, Uní, Eliab, Maaseya ca Benaya dungulquefui dungulhue nielu cuerda pepicangelu ñi pichirumechi triliuhual.* 21 Ca Matitías, Elifelehu, Micneyá, Obed-Edom, Jeiel ca Azazías dungulquefui arpa pepicangelu ñi alürumechi trahuauhual.* Femngechi adniequefuingün ti ülcantun. 22 Kenanías loncolei pu Leví che mu, tüfa adümuuquefui, feimu ngüneduamquefui chumngechi yengeal ti Falin Caja. 23 Berekías ca Elcaná cuidaquefui ti Falin Caja. 24 Pu sacerdote Sebanías, Josafat, Netanel, Amasái, Zacarías, Benaya ca Eliezer nehuentu dungulquefui ti trompeta adquiñ püle Chau Ngünechen ñi Falin Caja mu. Obed-Edom ca Jehías ca cuidaquefui ti Falin Caja.

25 David, Israel ñi pu loncolelu ca pu loncolelu mil hueichafe mu* ayühun mu yemefingün Chau Jehová ñi Falin Caja Obed-Edom ñi ruca mu, femngechi tañi yetuafiel. 26 Chau Ngünechen quellufi pu Leví che yequefilu ti falin caja pengelquelu Chau Jehová ñi eldungu, feimu pu Leví che chalintucuingün 7 hue toro ca 7 caniru.* 27 David tucuniei quiñe tacun nienolu cuhul,* cüme pañu meu deumangei. Ca femngechi tucutuucülei com pu Leví che yequelu ti Falin Caja, pu ülcantufe ca Kenanías, tüfa loncolefui chumngechi ñi yengeal ti Falin Caja ca pu ülcantufe. David ca tucuniei quiñe falin tacun* lino deumangelu. 28 Com pu Israel che yeniefingün ti falin caja pengelquelu Chau Jehová ñi eldungu. Ayühunquechi huirarquefuingün, dungulingün ti cullcull, ti trompeta ca ti cimbalo. Nehuentu dungulnieingün ti dungulhue nielu cuerda ca ti arpa.

29 Huelu conpulu ti falin caja pengelquelu Chau Jehová ñi eldungu David ñi Huaria mu, Mical, Saúl ñi ñahue, nagquintui ventana mu, fei pefi ti lonco ülmen David rincüyaulu ca fiestamequelu chem ñi rupamequen, fei eluhui ñi illamcayafiel tañi piuque mu.

16 David pepicai quiñe tolto ruca* ñi müleal Chau Ngünechen ñi Falin Caja. Tiye mu tucungei ca elcünungei. Fei Chau Ngünechen ñi adquiñ mu, hultucuingün lüpümngeelchi chalintucun* ca chalintucun quiñentrür ingequelu.* 2 David deu hultuculu lüpümngeelchi chalintucun ca chalintucun quiñentrür ingequelu, fei ngillatuñmafi tati pu che Chau Jehová ñi üi mu. 3 Cafei David elufi com pu Israel che, quisuque pu huentru ca pu domo, quiñe cofque, quiñe cochü cofque tucungelu palmera fün ca quiñe cochü cofque tucungelu anquen ofad. 4 Fei hula dullifi quiñeque Leví che ñi cüdahual itrotripa Chau Jehová ñi Falin Caja meu. Tüfa engün mülefui ñi yamafiel,* mañumafiel ca püramyeafiel ta Chau Jehová, Israel ñi Chau Ngünechen. 5 Asaf loncolei ca Zacarías inalei loncolen mu. Jeiel, Semiramot, Jehiel, Matitías, Eliab, Benaya, Obed-Edom ca Jeiel dungulquefui tati dungulhue nielu cuerda ca tati arpa. Asaf dungulquefui ti cimbalo.* 6 Ca tati sacerdote Benaya ca Jahaziel amulei ñi dungulquefiel ti trompeta itrotripa ti falin caja pengelquelu Chau Ngünechen ñi eldungu.

7 Feichi antü David entui quiñe ülcantun ñi mañumafiel Chau Jehová. Tüfa tati hunen rupa ñi feipifiel ta Asaf ca tañi pu peñi ñi ülcantual. Ti ül feipi:

10 Saquihuaimün tamün dungual tañi yamfal üi mu.

Ayüucülepe ñi piuque pu quintuquefilu ta Chau Jehová.

11 Quintufimün ta Chau Jehová ca tañi nehuen.

Quintunieafimün tañi quellu.

14 Fei taiñ Chau Ngünechen Jehová.

Tañi ley dungu com mapu meu mülei.

23 ¡Com ti mapu mülei ñi ülcantulelafiel Chau Jehová!

¡Fill antü huldunguaimün tañi montulchequen!

25 Chau Jehová doi alüpüralei ca felei tañi püramyengeal.

Fei doi afmatufalngei caquelu pu dios mu.

Tucutuhuaimün yamfal tacun,* fei Chau Jehová ñi adquiñ mu pochongnagaimün.*

30 ¡Com ti mapu nüyüpe* tañi adquiñ mu!

Cüme anümcünungei ti mapu, pepi nengümngelai.*

Fei com pu che feipi: “¡Felepe mai!”, ca püramyefingün ta Chau Jehová.

37 Fei hula David elcünufi ta Asaf ca tañi pu peñi itrotripa ti falin caja pengelquelu Chau Jehová ñi eldungu. Mülefui ñi cüdaucüleal engün itrotripa ti Falin Caja mu, chumngechi femngequei fill antü. 38 Mülefui Obed-Edom ca tañi pu peñi, tüfa ta 68 huentru. Ca cuidaquefui ti puerta Hosá ca Obed-Edom, tüfa Jedutún ñi fotüm. 39 Ti yamfal mülehue* mülelu Gabaón mu mülefui ti sacerdote Sadoc ca tañi pu compañ sacerdote, itrotripa Chau Jehová ñi ngillatuhue tolto ruca mu. 40 Rumel mülefui ñi hultuculelafiel Chau Jehová lüpümngeelchi chalintucun altar mu, cheu ñi hulngen lüpümngeelchi chalintucun pulihuen ca nagantü mu. Cafei mülefui ñi femal engün com ñi huirintucuel Moisés ñi ley, Chau Jehová ñi elufiel pu Israel che. 41 Compañeyu engün Hemán, Jedutún ca caquelu dullin huentru elfalcünungelu ñi mañumafiel ta Chau Jehová, “tañi piuqueyen* rumel mülequei”. 42 Hemán ca Jedutún mülefui tañi dungulal trompeta, cimbalo ca tati dungulhue, fei ñi püramyengeal* Chau Ngünechen. Ca Jedutún ñi pu fotüm mülefui puerta püle. 43 Fei hula com pu che amutui tañi ruca mu ca David ngillatuñmafi tañi pu che.

17 David mülenaglu müten quisu tañi ruca mu,* feipifi ta Natán, Chau Ngünechen ñi huerquen: “Fau mülen iñche, quiñe ruca mu cedro mamüllngelu, huelu ti falin caja pengelquelu Chau Jehová ñi eldungu mülei tolto ruca mu”.* 2 Natán feipifi ta David: “Femaimi chem mülei tami piuque mu. Chau Ngünechen afcadinieimu”.

3 Feichi pun mu müten Natán feipingei Chau Ngünechen ñi dungu: 4 “Amunge, feipiafimi tañi cüdaufe David: ‘Tüfa ñi feipin Chau Jehová: “Eimi deumalel-layaen quiñe ruca tañi müleal fei mu. 5 Feichi entufilu pu Israel che ta fantepu meu, iñche mülelafun chem ruca mu no rume, huelu mai miyahun fillque tolto ruca ca fillque ngillatuhue tolto ruca mu. 6 Feichi miyaulu iñche pu Israel che engün, üitufiñ quiñeque juez Israel mu ñi camañafiel* tañi pu che, huelu ¿feipipefiñ mai engün tüfachi dungu? ¿Ramtupefiñ engün ‘¿Chemu am deumalelmulan quiñe ruca cedro mamüllngelu?’?”’.

7 Feula feipifinge tañi cüdaufe David: ‘Tüfa ñi feipin Chau Jehová, tati Ñidolcülelu pu hueichafe mu:* “Iñche entueyu lelfün cachu cheu tami inayahulfiel quechan ufisa, fei tami loncolerpual tañi pu che Israel. 8 Cheu rume miyahulmi, iñche compañnieayu. Eimi tami adquiñ mu apümcayafiñ com tami pu caiñe. Feman ñi quimngeal tami üi chumngechi quimngequei pu falin che mapu mu. 9 Eluafiñ cheu ñi müleal tañi pu che Israel. Tiye mu elcünuafiñ engün, fei turpu huesa duamelngelayai engün. Pu huesaque che cutrancalayafi tañi pu che chumngechi femngequefui cuifi, 10 feichi dullilu iñche pu juez tañi pu che Israel mu. Huehuafiñ com tami pu caiñe. Ca feipieyu: ‘Chau Jehová deumalelaimu quiñe ruca’.*

11 Eimi lalmi ca amutulmi tami cuifiqueche yem engün, iñche eluafiñ tami cüpanche, quiñe tami pu fotüm, ñi lonco ülmen-ngeal, fei alüñmayai tañi ngünenieal. 12 Quisu deumalelaeneu quiñe ruca ñi yamngeal* tañi üi, rüfcünu feman ñi rumel müleal tañi ülmen huancu. 13 Iñche fotümyeafiñ, fei chauyeaeneu. Iñche piuqueyenieafiñ.* Quisucünulayafiñ chumngechi elcünufiñ ti huentru ngünenielu petu tami femnon eimi. 14 Iñche tañi pin mu rumel müleai iñche tañi ruca mu ca tañi lonco ülmen-ngeai. Rumel müleai tañi ülmen huancu”’”.

15 Natán feipifi ta David com tüfachi dungu ca com tüfachi afmatun dungu.

16 Fei hula ti lonco ülmen David amui ca anücünuhui Chau Jehová ñi adquiñ mu, fei feipi: “Chau Jehová, ¿inei am iñche? ¿Inei am tañi pu che* tami cüpalmufiel tüfa mu? 17 Huelu feica müten no, ahuem, Chau Dios, ca feipiqueimi ñi alüñmayal tami cüdaufe ñi familia cüpalechi antü mu. Cafei eimi, Chau Ngünechen Jehová, peen quiñe huentru reque felelu ñi doi püramyengeal.* 18 Chau Ngünechen, eimi yamnieen ta iñche, eimi tami cüdaufe, ca cüme quimnieen, huelu ¿ca chem piafeyu iñche? 19 Ahuem, Chau Jehová, tami cüdaufe ñi duam mu ca chumngechi ayüniei tami piuque femqueimi com tüfachi fütraque dungu ca pengelqueimi tami afmatufalngen. 20 Chau Jehová, eimi trürümfalngelaimi ca quiñeleimi müten. Allcüntucuiñ caquelu dios, huelu eimi müten müleimi Chau Ngünechen. 21 Mapu meu, ¿mülepei mai quiñe troquiñche trürümfalngelu tami pu che Israel mu? Eimi, Chau Ngünechen, amuimi tami montulafiel, femngechi tami pu chengetual engün. Eimi huemünentufimi* pu troquiñche tami pu che ñi adquiñ mu ca montulfimi engün Egipto mapu mu. Fei fütraque afmatun dungu femimi, femngechi quimfalcünuimi tami üi. 22 Femcünufimi pu Israel che tami pu chengetual rumel mu. Ahuem, Chau Jehová, fei engün ñi Chau Ngünechen ngetuimi. 23 Feula mai Chau Jehová, rumel mu loncontucunieafimi chem tami feipicünufiel tami cüdaufe ca tañi pu che, ca femaimi tami feipicünun. 24 Manelfalngepe tami üi ca rumel püramyengepe, femngechi pu che feipiai: ‘Chau Jehová Ñidolcülei pu hueichafe mu, Israel ñi Chau Ngünechen, Chau Ngünechen ngüneniefi pu Israel che’. Eimi tami adquiñ mu, rumel mülepe tami cüdaufe David ñi pu che. 25 Chau Ngünechen, eimi quimelelfimi tami cüdaufe tami deumalelafiel quiñe ruca.* Feimu tami cüdaufe maneluuquei tami llellipuaeteu. 26 Ahuem, Chau Jehová, eimi müten Chau Ngünechen ngeimi ca tami cüdaufe ñi duam mu feipicünuimi tüfachi cümeque dungu. 27 Feimu füreneen, eluunge tami cümelcayafiel tami cüdaufe ñi pu che, ca eimi tami adquiñ mu rumel mülepe tañi pu che. Chau Jehová, eimi cümelcafimi tañi pu che ca cümelcangeai rumel meu”.

18 Rupalu ta antü, David hueufi ca ngüneniefi pu Filistea che. Cafei müntuñmafi* ñi cuhu mu Gat huaria ca tañi püllelechi huaria. 2 Fei hula hueufi ta Moab. Fei pu Moab che eluhuingün ñi cüdahuelafiel ta David ca culliquefingün impuesto.

3 Inafül Hamat huaria mu David hueufi Hadadézer, tüfa Zobá ñi lonco ülmen. Hadadézer petu amulefui tañi ngünenieal ti mapu mülelu Éufrates leufü püle. 4 David nürpui mil carretela,* 7 mil huentru püracahuellulelu ca 20 mil tañi pu hueichafe* namuntu amulelu. Cafei cüntrocünufi com pu cahuellu yenielu carretela, huelu femngechi femlafi 100 cahuellu. 5 Pu Siria che cüpalu Damasco huaria mu quellupafingün ti lonco ülmen Hadadézer, Zobá huaria mu tuulu. Huelu David langümfi 22 mil Siria che. 6 Fei David elcünui hueichafe Damasco mu Siria mapu mülelu. Pu Siria che eluhuingün ñi cüdahuelafiel ta David ca cullifingün impuesto. Cheu rume amufule David, Chau Jehová quellueyu ñi huehual.* 7 Cafei David müntuñmafi Hadadézer ñi pu cüdaufe tañi oro* escudo chincülcülelu,* fei Jerusalén huaria mu yefi. 8 Cafei Tibhat ca Cun huaria mu David entui rume fentren cobre, tüfa ta Hadadézer ñi huaria. Feichi cobre mu Salomón deumai ti Lafquen pingechi cobre lafatorio, tati fütraque orcon ca itrofill cobre chemcün.*

9 Hamat ñi lonco ülmen, Tou pingelu, allcüi David ñi hueufiel com pu hueichafe ñi nieel Zobá ñi lonco ülmen, Hadadézer pingelu. 10 Feica müten Tou huercüi tañi fotüm Hadoram ñi pemeafiel ti lonco ülmen David ca tañi ramtuafiel ñi chumlen. Cafei saquifi ñi hueichafiel ta Hadadézer ca ñi hueufiel. Fei Hadadézer fentren rupa hueichaquefui ta Tou. Hadoram yelelfi ta David itrofill chemcün oro, plata ca cobrengelu. 11 Ti lonco ülmen David huichucünulelfi feiti chemcün ta Chau Jehová, chumngechi huichucünulelfi ti plata ca ti oro yeñmafilu com troquiñche mu: tüfa pu Edom che, pu Moab che, pu Ammón che, pu Filistea che ca pu Amalec che.

12 Zeruyá ñi püñeñ, Abisái pingelu, langümfi 18 mil Edom che Chadi laf mapu mu.* 13 Elcünui hueichafe Edom mapu mu ca com pu Edom che cüdahuelfingün ta David. Cheu rume amufule David, Chau Jehová quellueyu ñi huehual.* 14 David amulei ñi ngüneniefiel com pu Israel che. Fei nor dungu mu juzgafi com tañi pu che. 15 Zeruyá ñi püñeñ, Joab pingelu, loncolefui pu hueichafe mu. Fei Ahilud ñi fotüm, Jehosafat pingelu, huirintucuquefui chem ñi rupan ti troquiñ mapu. 16 Ahitub ñi fotüm fei ta Sadoc, ca Abiatar ñi fotüm fei ta Ahimélec. Fei engu sacerdotengefui. Ca Savsá secretariongefui. 17 Benaya, tüfa Jehoiadá ñi fotüm, loncolefui pu keretita ca pu peletita che. Cafei David ñi pu fotüm loncolefuingün David ñi adquiñ mu.

19 Rupalu ta antü, lai ta Nahás, tüfa pu Ammón che ñi lonco ülmen, ca tañi fotüm hue lonco ülmen-ngerpui. 2 Fei David feipi: “Nahás cutranpiuqueyeneu* ta iñche, feimu cutranpiuqueyeafiñ ta Hanún, Nahás tañi fotüm”. Feimu David huercüfi pu huerquen ñi yafültucuafiel ta Hanún lalu tañi chau. Huelu David ñi pu cüdaufe puulu pu Ammón che ñi mapu mu, 3 pu Ammón che ñi pu principe feipifingün ta Hanún: “David huercüfi tañi pu cüdaufe tami yafültucuaeteu, fei tañi yamnieafiel* tami chau, ¿rüfngepei mai ta tüfa? ¿Cüpapelaingün mai taiñ lloftuaeteu* ca ñi ngüneduamafiel ti mapu tami huehuaeteu?”. 4 Feimu Hanún nüfi David ñi pu cüdaufe, cupilfi ca catrüñmafi tañi tacun rangi püle trutre meu,* fei hula feipifi engün ñi amutual. 5 Ti lonco ülmen David quimelelngei chem ñi rupan tüfachi pu huentru. Fente tañi illamcangen engün, David huercüfemfi caquelu huentru ñi trafmeafiel engün ca ñi feipiafiel: “Jericó huaria mu mülenagcülemün tremle hula tamün payun, fei hula huiñotuaimün”.

6 Rupachi antü mu, pu Ammón che ngüneduamingün ñi rumeñma üdenieteu David,* feimu Hanún ca pu Ammón che huercüingün 34 mil 200 kilo* plata tañi culliafiel carretela* ca huentru püracahuellulelu. Tüfa engün tuhui Mesopotamia,* Aram-Maacá ca Zobá mu. 7 Cullingün 32 mil carretela, cafei cullifingün Maacá ñi lonco ülmen ca tañi pu che. Fei hula puhuingün ca anümingün tañi tolto ruca* itrotripa Medebá mapu mu. Pu Ammón che tripaingün tañi huaria mu, fei trahuluhuingün tañi hueichayal.*

8 Quimlu David huercüfi ta Joab, com tañi pu hueichafe ca tañi pu doi nehuen-ngechi soltau. 9 Feimu pu Ammón che amuingün ca pepicahuingün ñi hueichayal conhue püle ti huaria ñi puerta mu. Huelu pu lonco ülmen aculu mülerquei cañpüle lelfün mu.

10 Fei Joab pefilu ñi hueichapayaeteu pu caiñe adquiñ püle ca furi püle, dullifi Israel ñi doi cümeque hueichafe ca feipifi ñi pepicahual tañi hueichayafiel pu Siria che. 11 Cafei Joab elcünufi pu caquelu hueichafe ñi adnieaeteu tañi peñi Abisái,* fei ñi pepicahual tañi hueichayafiel pu Ammón che. 12 Fei feipi: “Pu Siria che doi nehuen-ngele iñche mu, eimi montulpayaen. Ca pu Ammón che doi nehuen-ngele eimi mu, iñche montulayu. 13 Mülei taiñ yafüluucüleal ca nehuen piuquengeal taiñ pu che ñi duam mu ca tati fillque huaria mu taiñ elueteu Chau Ngünechen. Fei Chau Jehová femai chem cümelu ñi troquifiel”.*

14 Fei Joab ca tañi pu hueichafe amuingün tañi hueichayafiel pu Siria che. Tüfa engün leftripaingün Joab ñi duam mu. 15 Pu Ammón che pefilu pu Siria che ñi lefmahun, ca lefmahuingün tañi peñi Abisái ñi duam mu, fei conpuingün ti huaria mu. Rupalu tüfa, Joab huiñotui Jerusalén mu.

16 Pu Siria che pefilu ñi huehueteu pu Israel che, huercüingün huerquen tañi trahulafiel pu Siria che. Tüfa engün mülefui Leufü pingechi troquiñ mapu mu,* ca adnieyu engün Sofac, tati loncolelu Hadadézer ñi pu hueichafe.

17 Quimelelngelu ta David, feica müten trahulfi com pu Israel hueichafe, noi ti Jordán leufü mu, puhui cheu ñi mülen engün ca pepicahui ñi hueichayafiel. David pepicahui ñi hueichayafiel pu Siria che, fei tüfa engün hueichaeyu. 18 Huelu pu Siria che lefmahuingün Israel ñi duam mu. David langümfi 7 mil hueichafe amulniefilu carretela ca 40 mil Siria hueichafe namuntu amulelu. Cafei langümfi Sobac, ti loncolelu pu hueichafe mu. 19 Pu cüdahuelquefilu ta Hadadézer ngüneduamingün ñi huehueteu pu Israel che. Feica müten feipicünuingün tañi cümelcautual David engu, fei eluhuingün ñi cüdahuelafiel. Fei pu Siria che pihuelai ñi quelluafiel pu Ammón che.

20 Ellaconlu ti tripantu,* pu lonco ülmen tripaingün ñi hueichayal.* Fei Joab loncolefui quiñe troquiñ hueichafe ca huesalcafi pu Ammón che ñi mapu. Joab amui ca hualloñmafi Rabá,* huelu David mülenagi Jerusalén huaria mu. Joab lefcontufi Rabá ca apümcafi. 2 Fei David müntuñmafi* ti corona Malcam* ñi lonco meu. Ngüneduami ti corona fanei 34 kilo* oro,* ca nierquei falinque cura, ca tuculelngei David tañi lonco mu. Cafei yetui rume fentren fillem mülelu ti huaria mu. 3 Ca entufi tati pu che mülelu huaria mu, fei ñi cüdahual engün tañi catrücayafiel cura, cüdahual toqui meu ca caquelu yungechi pañillhue.* Femngechi David femfi com pu Ammón che ñi huaria. Af meu David ca com pu hueichafe huiñotuingün Jerusalén huaria mu.

4 Rupalu tüfa, pu Israel che hueichafi pu Filistea che Guézer huaria mu. Feichi mu Sibecái, ti Husá che, langümfi ta Sipái, tüfa pu refaím che meu tuhui. Fei pu Filistea che hueungei.

5 Pu Israel che ca huiño hueichafingün pu Filistea che. Fei Jaír ñi fotüm Elhanán pingelu, langümfi ta Lahmí, tüfa Goliat ñi peñi, ti Gat huentru. Tüfa nierquei quiñe huaiqui* ca cülou reque trüri ti mamüll cheu ñi nüngequen tañi huaiqui.

6 Ca mületui hueichan Gat huaria mu. Tiye mu mülefui quiñe alüpürachi huentru. Quisuque ñi cuhu mu niefui 6 changüll ca quisuque ñi namun mu niefui 6 changüll, nierquei 24 changüll. Tüfachi huentru ca tuhurquei pu refaím che mu. 7 Fente ñi ayentufiel pu Israel che, Jonatán langümeyu. Jonatán chauyefi ta Simeá, tüfa David ñi peñi.

8 Tüfachi huentru tuhuingün pu refaím che mülelu Gat huaria mu, fei David ca ñi pu cüdaufe langümeyu engün.

21 Fei Satanás* eluhui ñi caiñetuafiel pu Israel che ca ngüchaltucufi ta David tañi raquiafiel pu Israel che. 2 Feimu David feipifi ta Joab ca pu loncolelu ti pu che mu: “Amumün, raquiafimün pu Israel che mülelu Beer-Seba puulu ta Dan mu. Fei hula feipimuan tañi quimal tunten* che mülei”. 3 Huelu Joab feipieyu: “¡Chau Jehová fempe ñi 100 rupa alün-ngerpual tañi pu che! Tañi ñidol, lonco ülmen, com engün deu cüdahuelqueimu, ¿felei no am ñidol? ¿Chumal ayünieimi femngechi femal? ¿Chumngelu* culpaconafui pu Israel che eimi tami duam mu?”.

4 Huelu tati lonco ülmen pilai ñi allcütuafiel ta Joab. Fei Joab huall püle amui Israel mapu mu ca huiñotui Jerusalén meu. 5 Fei hula Joab feipifi ta David tunten che ñi raquiel. Com Israel mu mülefuingün 1 millon 100 mil huentru yenielu fütra cuchillo ca Judá niefui 470 mil huentru yenielu fütra cuchillo. 6 Huelu Joab rume huesa troquifi ñi femün ti lonco ülmen, feimu raquingelai Leví ca Benjamín troquiñche.

7 Tüfa rume huesa duamelfi Chau Ngünechen, feimu castigafi ta Israel. 8 David feipifi ta Chau Ngünechen: “Femün mu tüfa rume culpan.* Feula, füreneen, perdonayafimi tami cüdaufe ñi culpan. Quiñe huedhued reque femün”. 9 Fei hula Chau Jehová nütramcafi ta Gad. Tüfachi huentru cüdahuelquefi ta David ca pequefui afmatun dungu. Fei feipingei: 10 “Amunge, feipiafimi ta David: ‘Tüfa ñi feipin Chau Jehová: “Tüfachi cüla dungu mu iñche femayu quiñe, ¿chuchi doi ayüfimi?”’”. 11 Feimu Gad pemefi ta David ca feipifi: “Tüfa ñi feipin Chau Jehová: ‘Dullinge: 12 cüla tripantu ñi müleal filla. Cüla cüyen tami huehuaeteu tami pu caiñe ca tami hueichayaeteu* fütra cuchillo mu. Cam cüla antü tami cutrancayaeteu ca tami castigayaeteu Chau Jehová fütra cuchillo mu. Müleai huesa cutran mapu mu ca Chau Jehová ñi cüme püllü langümafi fentren che Israel mapu mu’. Feula raquiduamnge ca feipien chem dungu feipiafiñ tañi huercüeteu”. 13 David feipifi ta Gad: “Tüfa rume hueñancüleneu. Huelu füreneen, elulayafimi* tañi castigayaeteu pu che, Chau Jehová mai ta castigayaeneu. Fei rume cutranpiuqueyechequei”.

14 Feimu Chau Jehová huercülelfi quiñe huesa cutran pu Israel che. Lai 70 mil Israel che. 15 Cafei Chau Ngünechen huercüi quiñe cüme püllü ñi apümcayafiel Jerusalén. Huelu Chau Jehová pefilu müten ti cüme püllü apümcamequefilu ti huaria, rume huesa duami* feichi huesa dungu mu. Fei feipifi ti cüme püllü apümcamequelu: “¡Fentecünunge! Nacümnge* tami cuhu”. Chau Jehová ñi cüme püllü püllelefui cheu pünongequei quetran, tüfa mülefui Ornán ñi mapu mu, tüfa ti jebuseo che.

16 David püraquintulu, huenu püle pefi Chau Jehová ñi cüme püllü. Nüniei ti fütra cuchillo ca fampuhulniefi ta Jerusalén huaria. David ca tati pu loncolelu sacu tacun tucuniefui, huelu feica müten pochongnagingün,* fei mapu mu puhuli tañi ange engün. 17 David feipifi ta Chau Ngünechen: “Iñche feipin nga ñi raquingeal pu che, ¿felei no am? Iñche ta culpan,* iñche ta huesa femün. Huelu, ¿chumingün tüfachi pu che?* Ahuem, tañi Chau Ngünechen Jehová, füreneen, eimi castigayaen iñche ca tañi chau ñi familia, huelu cüpal-layafimi tüfachi huesa dungu tami pu che”.

18 Feimu Chau Jehová ñi cüme püllü nütramcafi ta Gad. Feipingei ñi feipiafiel ta David ñi amual ca ñi deumalelafiel quiñe altar ta Chau Jehová. Mülefui ñi deumayal ti altar cheu pünongequei quetran, tüfa mülefui Ornán ñi mapu mu, tüfa ti jebuseo che. 19 Fei David amui, chumngechi tañi feipieteu Gad. Tüfachi huentru dungui Chau Jehová ñi üi mu. 20 Fei hula Ornán huiñoquintui ca pefi ti cüme püllü. Ca tañi 4 fotüm tañi compañeteu ellcahuingün.* Ornán pünocachillamequefui. 21 David amulu cheu ñi mülen Ornán, Ornán adquintui. Fei pefilu, feica müten tripai cheu ñi pünongequen quetran ca pochongnagi David ñi adquiñ mu, fei mapu meu puhuli tañi ange. 22 Fei hula David feipifi ta Ornán: “Fendelelen* ti mapu cheu pünoqueimi quetran. Fei mu deumalelafiñ quiñe altar ta Chau Jehová. Tunte ñi falin ti mapu fendelelen, femngechi cutrancahuelayai pu che”. 23 Huelu Ornán feipifi ta David: “Eimingepe. Tañi ñidol, lonco ülmen, femaimi chem rume tami ayünieel.* Eluayu mansun tami lüpümal chalintucun,* eluayu trafla* tami cütraltual ca ti cachilla tami hulal fün chalintucun. Com eluayu”.

24 Huelu ti lonco ülmen David feipifi ta Ornán: “Lloulayan, iñche culliayu tunte falin tami mapu. Iñche ngen-ngelayan tami nieel tañi eluafiel ta Chau Jehová, cafei hul-layan lüpümngeelchi chalintucun, fei ñi cullinon”. 25 Feimu David cullifi ta Ornán 7 kilo* oro* ti mapu mu. 26 Tiye mu David deumalelfi quiñe altar ta Chau Jehová. Elufi lüpümngeelchi chalintucun ca chalintucun quiñentrür ingequelu. Cafei llellipufi Chau Jehová, fei Chau Dios huenu mu huercüi cütral huente ti altar mu, cheu ñi mülen lüpümngeelchi chalintucun. 27 Fei Chau Jehová huercüfi ti cüme püllü ñi huiño tucual tañi fütra cuchillo cheu tañi yeniequen. 28 David ngüneduami Chau Jehová tañi allcütueteu cheu pünongequei quetran, tüfa mülefui Ornán ñi mapu mu, tüfa ti jebuseo che. Fei David amulei ñi hulün chalintucun tiye mu. 29 Feichi antü mu ti yamfal mülehue* mülelu Gabaón mu mülerquei Chau Jehová ñi ngillatuhue tolto ruca* deumalu Moisés huellin mapu mu,* ca mülerquei ti altar cheu ñi lüpümngequen chalintucun. 30 Huelu David rume llicalefui pefilu ti fütra cuchillo ñi nieel Chau Jehová ñi cüme püllü, feimu pepi amulafui tiye mu tañi ngillatuafiel ta Chau Ngünechen.

22 Fei David feipi: “Fau müleai Chau Ngünechen Jehová ñi ruca. Cafei tüfa mu müleai quiñe altar cheu ñi hulal lüpümngeelchi chalintucun* pu Israel che”.

2 Fei hula David huercüfalfi ñi trahulngeal pu ca cüpanche mülelu Israel mapu mu. David elfalcünufi engün ñi catrücayafiel cura ca ñi cüdahual cura meu, femngechi ñi deumayal Chau Ngünechen ñi ruca. 3 David ca ngülümcünui fentren pañillhue* ñi deumayal clafu tucungealu puerta mu, ca ngülümi chemcün* grapa reque felelu, cafei rume fentren cobre. Pepi fanetungelai. 4 Cafei pu Sidón che ca pu Tiro che cüpalelfingün ta David fentren cedro mamüll, feimu David ca ngülümi rume fentren cedro mamüll. 5 David feipi: “Tañi fotüm Salomón petu hueche huentrungei, nielai adümuhun. Ca tati ruca ñi deumalelngeal ta Chau Jehová mülei ñi afmatufalngeal, femngechi cüme quimngeai com troquiñche mu ca quimngeai tañi cüme adcülen. Feimu ngülümcünulelafiñ tañi fotüm fentren chemcün tañi deumarucayal”. Feimu David petu tañi lanon, fentren chemcün ngülümcünui.

6 Cafei mütrümfi* tañi fotüm Salomón ca elfalcünulelfi ñi deumalelafiel quiñe ruca ta Chau Jehová, Israel ñi Chau Ngünechen. 7 David feipifi tañi fotüm Salomón: “Tañi piuque meu ayüfun ñi deumayal quiñe ruca tañi püramyengeal tañi Chau Ngünechen Jehová ñi üi. 8 Huelu llohun Chau Jehová ñi dungu. Feipingen: ‘Eimi langümfimi fentren che ca quehuaqueimi fütraque hueichan.* Iñche tañi adquiñ mu langümfimi fentren che, feimu deumalayaimi quiñe ruca ñi püramyengeal tañi üi. 9 Eimi nieaimi quiñe fotüm, fei tüngcülen mongeleai.* Hualloñmayayu* pu caiñe, huelu cuñiutucuafiñ com engün meu. Salomón* pingeai tañi üi ca petu ngüneniele, eluafiñ pu Israel che ñi tüngcüleal ca tañi cüme feleal. 10 Quisu deumayai quiñe ruca ñi püramyengeal iñche tañi üi. Fei chauyeaeneu ca iñche fotümyeafiñ. Iñche rüf eluafiñ tañi rumel ngünenieafiel ta Israel’.

11 Feula, poyen fotüm, Chau Jehová mülepe eimi mu, cüme miyahuaimi ca deumayaimi tami Chau Ngünechen Jehová ñi ruca, chumngechi feipicünui Chau Dios eimi mu. 12 Doi mai, Chau Jehová tañi pin mu nieaimi quimün ca adümuhun eluelmu tami ngünenieafiel ta Israel. Femngechi inayafimi tami Chau Ngünechen Jehová ñi ley dungu. 13 Cüme inayafimi Chau Dios ñi feipin ca tañi ley dungu Moisés ñi elufiel pu Israel che Chau Jehová tañi pin mu. Femülmi, cüme miyahuaimi. Yafüluucülenge ca nehuen piuquecünuunge. Llicalayaimi ca pellquelayaimi rume. 14 Rume cüdahun ca pepicacünun ñi deumangeal Chau Jehová ñi ruca. Fei ngülümcünun 3 millon 400 mil kilo* oro,* 34 millon kilo* plata, rume fentren cobre ca pañillhue. Pepi fanetungelai. Ca ngülümcünun mamüll ca cura, huelu eimi doi ngülümaimi. 15 Nieimi fentren cüdaufe: pu catrücafilu cura, pu che cüdauquelu cura meu, pu che cüdauquelu mamüll mu ca itrofill cüdaufe adümuucülelu. 16 Raquifalngelai ti oro, plata, cobre ca pañillhue. Eluhuaimi tami cüdahual. Chau Jehová mai quelluaimu”.

17 Fei hula David feipifi com Israel ñi pu principe ñi quelluafiel tañi fotüm Salomón. Feipifi engün: 18 “Tamün Chau Ngünechen Jehová mülei eimün mu, ca fill püle elueimünmu cüme felen, ¿felei no am? Tüfachi mapu mu Chau Ngünechen elueneu com pu che. Cafei Chau Jehová ca tañi pu che ngüneniequefi tüfachi mapu. 19 Feula eluhuaimün tamün quintuafiel tamün Chau Ngünechen Jehová com piuque mu ca com nehuen mu.* Eluhuaimün tamün deumayal Chau Ngünechen Jehová ñi yamfal mülehue.* Femngechi cüpalngeai ti falin caja pengelquelu Chau Jehová ñi eldungu ca Chau Ngünechen ñi yamfal chemcün. Com tüfa cüpalngeai ti ruca mu deumangealu ñi püramyengeal Chau Jehová ñi üi”.

23 Fei David deu füchalu ca pichi faltalu tañi layal, lonco ülmencünufi tañi fotüm Salomón Israel mu. 2 Fei hula trahulfi com Israel ñi pu principe, pu sacerdote ca pu Leví che. 3 Raquingei pu Leví che nielu doi 30 tripantu. Raquingei caque quisuque engün, fei mülerquei 38 mil huentru. 4 Tüfachi pu che meu raquingelu, 24 mil huentru loncolefui ti cüdau femngequelu Chau Jehová ñi ruca mu, 6 mil huentru loncolefui ca juezngefui engün. 5 Cafei 4 mil huentru cuidaquefui puerta ca 4 mil huentru püramyequefingün Chau Jehová feichi dungulhue mu ñi feipin David: “Deumafiñ ñi püramyeafiel ta Chau Dios”.

6 David hudamfi pu Leví che. Quisuque troquiñche cüpai quiñe Leví ñi fotüm mu: Guersón, Cohat ca Merarí. 7 Guersón ñi pu fotüm fei ta Ladán ca Simeí. 8 Ladán ñi 3 fotüm fei ta Jehiel, tüfa ti loncolelu, Zetam ca Joel. 9 Simeí ñi 3 fotüm fei ta Selomot, Haziel ca Harán. Tüfa engün loncolefui Ladán ñi pu familia mu. 10 Ca Simeí ñi pu fotüm fei ta Jáhat, Ziná, Jeús ca Berías. Tüfa engün Simeí ñi 4 fotüm. 11 Jáhat loncolefui ca Zizá inalefui. Huelu Jeús ca Berías nielafuingu fentren fotüm, feimu quiñe familia müten troquingequefui ca elungei quiñe cüdau müten.

12 Cohat ñi 4 fotüm fei ta Amram, Izhar, Hebrón ca Uziel. 13 Amram ñi pu fotüm fei ta Aarón ca Moisés. Huelu Aarón huichucünungei rumel ñi cüdahual ti Doi Yamfal Mülehue mu.* Aarón ca tañi pu fotüm mülefui ñi hulal chalintucun* Chau Jehová ñi adquiñ mu ca tañi cüdahuelafiel. Cafei mülefui ñi cümelcacheal Chau Dios ñi üi mu rumel meu. 14 Moisés fei ta Chau Ngünechen ñi huerquen, ca tañi pu fotüm coneltulefui Leví tañi troquiñche mu. 15 Moisés tañi pu fotüm fei ta Guersom ca Eliezer. 16 Guersom tañi pu fotüm meu Sebuel loncolefui. 17 Eliezer tañi cüpanche mu* Rehabías loncolefui. Eliezer nielafui caquelu fotüm, huelu Rehabías ñi pu fotüm fentrelefuingün. 18 Izhar ñi pu fotüm mu Selomit loncolefui. 19 Hebrón ñi pu fotüm fei ta Jerías, tüfa tati loncolelu, ti epungelu Amarías pingei, ti cülangelu Jahaziel ca tati melingelu Jecameam. 20 Uziel ñi pu fotüm fei ta Miqueas, tüfa tati loncolelu, ca inalefui Isías.

21 Merarí ñi pu fotüm fei ta Mahlí ca Musí. Mahlí ñi pu fotüm fei ta Eleazar ca Quis. 22 Eleazar lai, nielafui fotüm, re ñahue müten. Feimu Quis ñi pu fotüm, tüfa tañi pu pariente,* niehui Eleazar ñi pu ñahue engün. 23 Musí ñi 3 fotüm fei ta Mahlí, Éder ca Jeremot.

24 Com tüfachi pu huentru Leví mu cüpaingün. Raquingei ca ngüneduamngequei tañi familia ca tañi loncolelu engün, femngechi ñi huirintucungeal tañi üi. Fei engün elfalcünungei ñi cüdahual Chau Jehová ñi ruca mu. Ca tati pu che huirintucungelu nierquei doi 20 tripantu. 25 David deu feipi: “Israel ñi Chau Ngünechen Jehová elufi tañi pu che ñi cüme feleal, ca rumel müleai Jerusalén mu. 26 Cafei pu Leví chengelai ñi yenieal ti ngillatuhue tolto ruca* ca quiñe chemcün no rume* ñi poyengeal ta Chau Dios”. 27 Feimu raquingei pu Leví che nielu doi 20 tripantu, chumngechi feipi David. 28 Tüfa engün mülefui ñi quelluafiel Aarón ñi pu fotüm. Cüdauquefuingün Chau Jehová ñi ruca mu, elfalcünulelngei tati lepün,* cheu ñi iquen che ca mülefui ñi liftuafiel com ti chemcün huichucünulelngelu ta Chau Dios. Mülefui ñi femal chem cüdau rume Chau Ngünechen ñi ruca mu. 29 Quelluingün ñi huelurentrücünuafiel cofque,* pepicayal ti cüme rüngo ñi hulngeal ti fün chalintucun, ti churrasca nienolu fayümhue,* tati cofque afümngelu cofilechi lata mu, ti masa aceiteñmalelu, cafei mülefui ñi com fanetual ca medial. 30 Fill pulihuen ca nagantü mülefui ñi mañumafiel ca püramyeafiel ta Chau Jehová. 31 Elungequefui Chau Jehová lüpümngeelchi chalintucun ürcütun antü mu,* hue cüyen meu ca mülen mu fiesta chumngechi feipi ti ley. Fei engün quelluconquefui feichi cüdau mu Chau Jehová ñi adquiñ mu. 32 Cafei entuquefuingün tañi elfal cüdau ti trahunhue tolto ruca ca ti yamfal mülehue mu. Cafei quelluquefuingün tañi pu peñi, tüfa ta Aarón ñi pu fotüm, ñi cüdahual Chau Jehová ñi ruca mu.

24 Aarón ñi cüpanche adcünungei troquiñche mu. Aarón ñi pu fotüm fei ta Nadab, Abihú, Eleazar ca Itamar. 2 Huelu Nadab ca Abihú hune laingu tañi chau mu ca nielaingu yall.* Huelu Eleazar ca Itamar amuleingu tañi sacerdotengen. 3 David quiñentrür Sadoc ca Ahimélec engu adcünufingün Aarón ñi cüpanche* tañi cüdahual. Sadoc fei ta Eleazar ñi cüpanche. Ahimélec fei ta Itamar ñi cüpanche. 4 Eleazar ñi cüpanche niefui doi loncolelu Itamar ñi cüpanche mu, feimu femngechi hudamcangei engün: Eleazar ñi cüpanche mu mülefui 16 loncolelu tañi familia mu ca Itamar ñi cüpanche mu mülefui 8 loncolelu tañi familia mu.

5 Cafei sortiangei* ñi hudamngeal ti epu troquiñche. Eleazar ca Itamar ñi cüpanche mu mülefui loncolelu cüdauquelu ti yamfal mülehue mu* ca loncolelu serfiquefilu Chau Ngünechen. 6 Fei Netanel ñi fotüm Semaya pingelu, tüfa pu Leví che ñi secretario, huirintucuñmafi tañi üi engün. Femi tüfa adquiñ püle cheu ñi mülen ti lonco ülmen, pu principe, ti sacerdote Sadoc, Ahimélec, tüfa Abiatar ñi fotüm, pu loncolelu pu sacerdote ñi familia ca pu Leví che ñi familia mu. Fei dullingei caque quiñeque familia: quiñe familia Eleazar ñi cüpanche mu, cangelu Itamar ñi cüpanche mu. Femngechi amulerpui.

7 Sortiangelu, femngechi tripai pu familia: ti numero 1 elungei ta Jehoiarib, ti numero 2 elungei ta Jedayá, 8 ti numero 3 elungei ta Harim, ti numero 4 elungei ta Seorim, 9 ti numero 5 elungei ta Malkiya, ti numero 6 elungei ta Mijamín, 10 ti numero 7 elungei ta Hacoz, ti numero 8 elungei ta Abías, 11 ti numero 9 elungei ta Jesúa, ti numero 10 elungei ta Secanías, 12 ti numero 11 elungei ta Eliasib, ti numero 12 elungei ta Jaquim, 13 ti numero 13 elungei ta Hupá, ti numero 14 elungei ta Jesebeab, 14 ti numero 15 elungei ta Bilgá, ti numero 16 elungei ta Imer, 15 ti numero 17 elungei ta Hezir, ti numero 18 elungei ta Hapizez, 16 ti numero 19 elungei ta Petahías, ti numero 20 elungei ta Jehezquel, 17 ti numero 21 elungei ta Jakín, ti numero 22 elungei ta Gamul, 18 ti numero 23 elungei ta Delayá ca ti numero 24 elungei ta Maazías.

19 Femngechi adcünungei engün tañi cüdahual ca ñi conal Chau Jehová ñi ruca mu, chumngechi feipicünui tañi cuifi lacu* Aarón. Chau Jehová, Israel ñi Chau Ngünechen, huercüfi ta Aarón ñi femngechi femal.

20 Pu mülehuechi Leví che meu mülefui Subael, tüfa Amram ñi cüpanche, Jehdeyá, tüfa Subael ñi cüpanche, 21 Rehabías ñi cüpanche mu mülefui ti loncolelu Isías, 22 Selomot, tüfa Izhar ñi cüpanche, ca Jáhat, tüfa Selomot ñi cüpanche, 23 ti loncolelu Jerías, tüfa Hebrón ñi cüpanche, Amarías ti epungelu, Jahaziel ti cülangelu ca Jecameam ti melingelu. 24 Miqueas, tüfa Uziel ñi cüpanche, Samir tüfa Miqueas ñi cüpanche. 25 Isías fei ta Miqueas ñi peñi ca Zacarías fei ta Isías ñi cüpanche.

26 Merarí ñi pu fotüm fei ta Mahlí ca Musí. Cafei Jaazías ñi cüpanche mu mülefui Beno. 27 Merarí ñi cüpanche mu mülefui Jaazías. Jaazías ñi cüpanche mu mülefui Beno, Soham, Zacur ca Ibrí. 28 Mahlí ñi cüpanche mu mülefui Eleazar, tüfa nielai yall. 29 Quis ñi cüpanche mu mülefui Jerahmeel. 30 Musí ñi cüpanche mu mülefui Mahlí, Éder ca Jerimot.

Tüfa Leví ñi cüpanche, quisuque ñi familia engün. 31 Tüfa engün ca sortiaingün chumngechi femi tañi pu peñi Aarón ñi cüpanche. Femingün tüfa cheu ñi mülen ti lonco ülmen David, Sadoc, Ahimélec, pu loncolelu pu sacerdote ñi familia ca pu Leví che ñi familia mu. Ti hunen loncolelu familia mu ca ti inan loncolelu familia mu, ca femngechi troquingeingün.

25 Mülefui David ca pu loncolelu pu che serfiquelu Chau Dios ñi ruca mu. Tüfa engün huichucünufi quiñeque fotüm ñi nieel Asaf, Hemán ca Jedutún. Mülefui ñi püramyeafiel Chau Dios ca huldungual tañi feipin arpa meu, dungulhue nielu cuerda ca cimbalo.* Tüfa tañi üi pu huentru elfalcünungelu ñi femal tüfachi cüdau: 2 Asaf ñi pu fotüm: Zacur, José, Netanías ca Asarelá. Asaf adniequefui tañi pu fotüm ca tati lonco ülmen adniequefui ta Asaf ñi huldungual Chau Dios tañi feipin. 3 Jedutún ñi 6 fotüm: Guedalías, Zerí, Jesayá, Simeí, Hasabías ca Matitías. Tañi chau Jedutún adnieyu engün ca arpa mu huldunguquefui Chau Jehová ñi feipin, cafei mañumfi ca püramyefi. 4 Hemán tañi pu fotüm: Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir ca Mahaziot. 5 Com tüfa engün Hemán ñi pu fotüm. Hemán pequefui afmatun dungu, cüdahuelfi ti lonco ülmen ca huldunguquefui Chau Dios ñi dungu tañi püramyefiel. Feimu Chau Ngünechen elufi ta Hemán 14 fotüm ca 3 ñahue. 6 Com tüfa engün adnieyu tañi chau ca ülcantuingün Chau Jehová ñi ruca mu. Ñi cüdahual engün Chau Dios ñi ruca mu dungulingün cimbalo, dungulhue nielu cuerda ca arpa.

Ti lonco ülmen adniequefui ta Asaf, Jedutún ca Hemán.

7 Tüfa engün ca tañi pu peñi 288 ngeingün, pepicangeingün tañi ülcantulelafiel Chau Jehová. Com adümuucüleingün. 8 Fei sortiaingün* tañi quimal chem cüdau ñi nieal quisuque engün, huechequeche, fütaqueche, adümuucülelu ca quimelelngelu rume.

9 Sortialu engün, femngechi tripaingün. Ti numero 1 elungei ta José, Asaf ñi fotüm. Ti numero 2 elungei ta Guedalías. Quisu, tañi pu peñi ca tañi pu fotüm, 12 ngefuingün. 10 Ti numero 3 elungei ta Zacur, tañi pu fotüm ca tañi pu peñi, 12 ngefuingün. 11 Ti numero 4 elungei ta Izrí, tañi pu fotüm ca tañi pu peñi, 12 ngefuingün. 12 Ti numero 5 elungei ta Netanías, tañi pu fotüm ca tañi pu peñi, 12 ngefuingün. 13 Ti numero 6 elungei ta Buquías, tañi pu fotüm ca tañi pu peñi, 12 ngefuingün. 14 Ti numero 7 elungei ta Jesarela, tañi pu fotüm ca tañi pu peñi, 12 ngefuingün. 15 Ti numero 8 elungei ta Jesayá, tañi pu fotüm ca tañi pu peñi, 12 ngefuingün. 16 Ti numero 9 elungei ta Matanías, tañi pu fotüm ca tañi pu peñi, 12 ngefuingün. 17 Ti numero 10 elungei ta Simeí, tañi pu fotüm ca tañi pu peñi, 12 ngefuingün. 18 Ti numero 11 elungei ta Azarel, tañi pu fotüm ca tañi pu peñi, 12 ngefuingün. 19 Ti numero 12 elungei ta Hasabías, tañi pu fotüm ca tañi pu peñi, 12 ngefuingün. 20 Ti numero 13 elungei ta Subael, tañi pu fotüm ca tañi pu peñi, 12 ngefuingün. 21 Ti numero 14 elungei ta Matitías, tañi pu fotüm ca tañi pu peñi, 12 ngefuingün. 22 Ti numero 15 elungei ta Jeremot, tañi pu fotüm ca tañi pu peñi, 12 ngefuingün. 23 Ti numero 16 elungei ta Hananías, tañi pu fotüm ca tañi pu peñi, 12 ngefuingün. 24 Ti numero 17 elungei ta Josbecasa, tañi pu fotüm ca tañi pu peñi, 12 ngefuingün. 25 Ti numero 18 elungei ta Hananí, tañi pu fotüm ca tañi pu peñi, 12 ngefuingün. 26 Ti numero 19 elungei ta Malotí, tañi pu fotüm ca tañi pu peñi, 12 ngefuingün. 27 Ti numero 20 elungei ta Eliatá, tañi pu fotüm ca tañi pu peñi, 12 ngefuingün. 28 Ti numero 21 elungei ta Hotir, tañi pu fotüm ca tañi pu peñi, 12 ngefuingün. 29 Ti numero 22 elungei ta Guidaltí, tañi pu fotüm ca tañi pu peñi, 12 ngefuingün. 30 Ti numero 23 elungei ta Mahaziot, tañi pu fotüm ca tañi pu peñi, 12 ngefuingün. 31 Ti numero 24 elungei ta Romamti-Ézer, tañi pu fotüm ca tañi pu peñi, 12 ngefuingün.

26 Femngechi adcünungei pu troquiñche cuidaquelu puerta mu. Pu Coré che meu mülefui Meselemías, Coré ñi fotüm, Asaf ñi cüpanche. 2 Ca Meselemías niefui fotüm: tañi hunen fotüm fei ta Zacarías, ti epungelu Jediael, ti cülangelu Zebadías, ti melingelu Jatniel, 3 ti quechungelu Elam, ti cayungelu Jehohanán ca ti reglengelu Elieho-Enái. 4 Cafei Obed-Edom niefui fotüm: tañi hunen fotüm fei ta Semaya, ti epungelu Jehozabad, ti cülangelu Joá, ti melingelu Sacar, ti quechungelu Netanel, 5 ti cayungelu Amiel, ti reglengelu Isacar ca ti purangelu Peuletái. Femngechi Chau Dios fürenefi ta Obed-Edom.

6 Ca tañi fotüm, Semaya pingelu, niefui fotüm. Tüfa engün loncolefui tañi familia mu. Nehuen-ngechi huentrungefui ca adümuucülefui engün. 7 Semaya ñi pu fotüm fei ta Otní, Refael, Obed ca Elzabad. Cafei Elzabad ñi pu pariente fei ta Elihú ca Semakías, tüfa engu adümuhun huentrungefui. 8 Com engün Obed-Edom ñi pu fotümngefui. Tüfa engün, tañi pu fotüm ca tañi pu peñi adümuhun huentrungefui ca pepicaucülei ñi cüdahual. Obed-Edom ñi familia mu mülefui 62 che. 9 Cafei Meselemías niefui fotüm ca peñi, 18 adümuhun huentrungefui. 10 Hosá niefui fotüm, tüfa Merarí ñi pu fotüm mu tuhui. Simrí loncolefui. Hunen fotümngelafui rume, huelu tañi chau loncocünueyu. 11 Inalei Hilquías, ti cülangelu Tebalías ca ti melingelu Zacarías. Com tüfa, Hosá ñi pu fotüm ca tañi pu peñi, 13 ngefuingün.

12 Pu loncolelu adniequefilu pu troquiñche cuidaquelu puerta mu niefui elfal cüdau Chau Jehová ñi ruca mu, tañi pu peñi reque. 13 Fei quisuque pu familia, pichin cam fentren chengefule rume, sortiaingün* tañi quimal chem puerta mu ñi cüdahual engün. 14 Selemías elungei ñi cüdahual ti puerta mülelu tripahue antü püle. Fei sortiaingün chem puerta meu ñi cüdahual tañi fotüm Zacarías, tüfa quim ngülamtuquelu, fei elungei ti puerta norte püle* mülelu. 15 Obed-Edom elungei ti puerta mülelu sur püle* ca tañi pu fotüm elfalcünulelngei tati mülehue cheu ngülümngequei itrofillem. 16 Supim ca Hosá elungei ti puerta mülelu conhue antü püle, püllelefui Saléket ñi puerta mu, tüfa mülefui inafül ti pürachi fütra rüpü püle. Mülefui quiñe troquiñ cuidaquelu puerta inafülcülelu cangelu troquiñ mu. 17 Tripahue antü püle mülefui 6 Leví che. Fill antü norte püle mülefui 4 Leví che ca sur püle mülefui 4 Leví che. Ca cheu ngülümngequei itrofillem mülefui 2 Leví che inafül cangelu 2 Leví che meu. 18 Ti conhue mülelu tripahue antü püle mülefui 4 Leví che rüpü püle ca 2 che conhue püle. 19 Femngechi adcünungei pu troquiñche cuidaquelu puerta mu. Tüfa engün pu Coré che ca pu Merarí che mu tuhuingün.

20 Pu Leví che meu mülefui Ahíya. Tüfa elfalcünungei cheu ñi ngülümel falinque fillem Chau Dios ñi ruca mu ca cheu ñi ngülümel falinque chemcün* huichucünulelngelu ta Chau Dios. 21 Guersón ñi pu fotüm meu cüpai Ladán. Ladán ñi pu fotüm mu mülefui Jehielí. Tüfa loncolei Ladán ñi familia mu. 22 Ca mülefui Jehielí ñi pu fotüm, Zetam ca tañi peñi Joel. Fei engün elfalcünulelngei ti mülehue cheu ñi ngülümel falinque fillem Chau Jehová ñi ruca mu. 23 Pu Amram che meu mülefui pu Izhar che ca pu Hebrón che. Cafei pu Uziel che meu 24 mülefui Sebuel. Tüfa Guersom ñi fotüm, Moisés ñi lacu.* Sebuel loncolefui ti mülehue cheu ngülümngequei itrofillem. 25 Ca mülefui tañi pu peñi Eliezer mu tuulu. Tüfa ta Rehabías, Jesayá, Joram, Zicrí ca Selomot. 26 Selomot ca tañi pu peñi elfalcünungei com ti mülehue cheu ñi ngülümel falinque fillem huichucünulelngelu ta Chau Dios. Tüfa chalintucuquefui ti lonco ülmen David, pu loncolelu familia mu, pu loncolelu mil hueichafe mu,* pu loncolelu 100 hueichafe mu ca pu loncolechi hueichafe. 27 Fei engün huichucünulelfingün ta Chau Dios quiñeque fillem ñi huehuel hueichan mu, fei ñi cüme elcünutuafiel Chau Jehová ñi ruca. 28 Cafei elfalcünungei com ti fillem Samuel ñi huichucünulelfiel ta Chau Dios, tüfachi huentru pequelu afmatun dungu, cafei chem ñi huichucünuel Saúl, tüfa Quis ñi fotüm, Abner, tüfa Ner ñi fotüm ca Joab, tüfa Zeruyá ñi püñeñ. Elfalcünulelngei Selomit ca tañi pu peñi com tañi huichucünulelngen ta Chau Dios.

29 Pu Izhar che meu mülefui Kenanías ca tañi pu fotüm. Tüfa engün elungei fill cüdau femngequenolu Chau Dios ñi ruca mu. Loncolefui ca juezngefui engün Israel mu.

30 Pu Hebrón che meu mülefui Hasabías ca tañi pu peñi, tüfa engün mil 700 adümuhun huentru. Conhue antü püle Jordán leufü mu elfalcünungeingün ñi adcünuafiel com dungu Israel mu. Com adcünuingün ñi poyengeal Chau Jehová ca cüdahuelfingün ti lonco ülmen. 31 Pu Hebrón che meu mülefui Jeriya. Tüfa loncolefui pu Hebrón che ñi familia mu chumngechi pengeli tañi tuhun engün. David yenielu 40 tripantu tañi ngünenieel, quintungei huentru llicaquenolu ca nehuen-ngelu pu Hebrón che meu. Jazer huaria mülelu Galaad mu pengei femngechi huentru. 32 Jeriya ca tañi pu peñi engün 2 mil 700 adümuhun huentrungefui, loncolefui tañi familia mu. Feimu ti lonco ülmen David elufi engün ñi adnieafiel pu Rubén che, pu Gad che ca Manasés ñi rangiñ troquiñche. Femngechi com adcünuingün ñi poyengeal Chau Ngünechen ca cüdahuelfingün ti lonco ülmen.

27 Quisuque Israel troquiñche mu coneltulefui 24 mil che. Mülefui pu loncolelu familia mu, pu loncolelu mil hueichafe meu,* pu loncolelu 100 hueichafe mu, pu loncolechi hueichafe cüdahuelfilu ti lonco ülmen ca adniefilu quisuque troquiñche. Fill tripantu quisuque troquiñche cüdauquefui 1 cüyen.

2 Ti hunen cüyen mu, Jasobeam, Zabdiel ñi fotüm, loncolefui ti hunen troquiñ. Tañi troquiñche mu mülefui 24 mil huentru. 3 Pérez mu tuhui Jasobeam. Tüfa loncolefui com pu loncolechi hueichafe elfalcünungelu ñi cüdahual hunen cüyen mu. 4 Ti 2 cüyen mu, Dodái tati Ahohí che, loncolei tañi troquiñ ca Miclot quelluqueyu. Tañi troquiñche mu mülefui 24 mil huentru. 5 Benaya, ti loncolechi sacerdote Jehoiadá ñi fotüm, loncolefui ti 3 troquiñ mu. Elfalcünungei engün ñi cüdahual ti 3 cüyen mu. Tañi troquiñche mu mülefui 24 mil huentru. 6 Benaya quiñe nehuen-ngechi hueichafengefui, coneltulefui 30 hueichafe mu ca loncolei fei engün mu. Ca tañi fotüm Amizabad loncolefui tañi troquiñ mu. 7 Ti 4 cüyen mu, Asahel, Joab ñi peñi, loncolefui ti 4 troquiñ. Fei hula tañi fotüm Zebadías hueluconi tañi chau mu. Tañi troquiñche meu mülefui 24 mil huentru. 8 Ti 5 cüyen mu, Samhut tati Izrah che, loncolefui ti 5 troquiñ. Tañi troquiñche mu mülefui 24 mil huentru. 9 Ti 6 cüyen mu, Irá, Iqués tañi fotüm tati Tecoa che, loncolefui ti 6 troquiñ. Tañi troquiñche mu mülefui 24 mil huentru. 10 Ti 7 cüyen mu, Hélez tati pelonita che, Efraín che mu tuulu, loncolefui ti 7 troquiñ. Tañi troquiñche mu mülefui 24 mil huentru. 11 Ti 8 cüyen mu, Sibecái tati Husá che, Zérah che mu tuulu, loncolefui ti 8 troquiñ. Tañi troquiñche mu mülefui 24 mil huentru. 12 Ti 9 cüyen mu, Abí-Ézer tati Anatot che, Benjamín mu tuulu, loncolefui ti 9 troquiñ. Tañi troquiñche mu mülefui 24 mil huentru. 13 Ti 10 cüyen mu, Maharái tati Netofá che, Zérah mu tuulu, loncolefui ti 10 troquiñ. Tañi troquiñche mu mülefui 24 mil huentru. 14 Ti 11 cüyen mu, Benaya tati Piratón che, Efraín ñi cüpanche mu tuulu, loncolefui ti 11 troquiñ. Tañi troquiñche mu mülefui 24 mil huentru. 15 Ti 12 cüyen mu, Heldái tati Netofá che, Otniel ñi cüpanche mu tuulu, loncolefui ti 12 troquiñ. Tañi troquiñche mu mülefui 24 mil huentru.

16 Tüfachi pu huentru loncolei Israel ñi pu troquiñche: Eliezer, Zicrí ñi fotüm, loncolefui pu Rubén che mu. Sefatías, Maacá ñi fotüm, loncolefui pu Simeón che mu. 17 Hasabías, Quemuel ñi fotüm, loncolefui pu Leví che mu. Sadoc loncolefui Aarón ñi pu cüpanche mu. 18 Elihú, quiñe David ñi peñi, loncolefui pu Judá che mu. Omrí, Miguel ñi fotüm, loncolefui pu Isacar che mu. 19 Ismayá, Abdías ñi fotüm, loncolefui pu Zabulón che mu. Jerimot, Azriel ñi fotüm, loncolefui pu Neftalí che mu. 20 Hosea, Azazías ñi fotüm, loncolefui pu Efraín che mu. Joel, Pedaya ñi fotüm, loncolefui Manasés ñi rangiñ troquiñche mu. 21 Idó, Zacarías ñi fotüm, loncolefui Manasés ñi rangiñ troquiñche Galaad mu mülelu. Jaasiel, Abner ñi fotüm, loncolefui pu Benjamín che mu. 22 Azarel, Jeroham ñi fotüm, loncolefui pu Dan che mu. Tüfachi pu huentru principengefui Israel ñi troquiñche mu.

23 Chau Jehová deu feipicünui ñi alün-ngerpual pu Israel che pu huangülen reque huenu mu mülelu, feimu David raquilafi pu che petu nienolu 20 tripantu. 24 Joab, Zeruyá ñi püñeñ, eluhui ñi raquiafiel pu che, huelu deumanentulafi. Raquifiel mu tati pu che, Chau Dios rume illcutufi* pu Israel che. Feimu tunte* che ñi raquifiel huirintucungelai ti lifru nütramcalu ñi rupan ti lonco ülmen David.

25 Azmávet, Adiel ñi fotüm, elfalcünungei cheu ñi ngülümngequen ti lonco ülmen ñi falinque fillem. Jonatán, Uzías ñi fotüm, elfalcünungei cheu ñi ngülümngequen itrofillem lelfün mu, fillque huaria, pichique huaria ca fillque alüpürachi ruca mu. 26 Ezrí, Kelub ñi fotüm, elfalcünungei pu cüdaumapuquelu lelfün mu. 27 Simeí tati Ramá che, elfalcünungei pu anüm ofad. Zabdí tati Sefam che, elfalcünungei cheu elngequei pulcu. 28 Baal-Hanán tati Guéder che, elfalcünungei pu olivo anümca ca pu higo anümca mülelu Sefelá mapu mu.* Joás elfalcünungei cheu elngequei aceite. 29 Sitrái tati Sarón che, elfalcünungei pu huaca ütayaulu Sarón mapu mu. Safat, Adlái ñi fotüm, elfalcünungei pu huaca mülelu laf mapu mu.* 30 Obil ti Ismael che, elfalcünungei pu camello. Jehdeyá ti Meronot che, elfalcünungei pu burro.* 31 Jaziz ti hagrita che, elfalcünungei pu quechan ufisa ca pu capüra. Com tüfa engün loncolei ca elfalcünulelngei itrofillem ñi nieel ti lonco ülmen David.

32 Jonatán, David ñi malle, quim huentrungefui, ngülamtuchefengefui ca secretariongefui. Jehiel, Hacmoní ñi fotüm, cuidaquefui ti lonco ülmen ñi pu fotüm. 33 Ahitofel, tüfa ti lonco ülmen ñi ngülamtufe. Ca Husái ti arkita che, hueniyefi ti lonco ülmen. 34 Jehoiadá ca Abiatar hueluconingu ta Ahitofel mu. Jehoiadá fei ta Benaya ñi fotüm. Joab loncolei ti lonco ülmen ñi pu hueichafe mu.

28 Fei Jerusalén mu David trahulfi com pu principe Israel mu mülelu: pu troquiñche ñi pu principe, pu loncolelu quisuque troquiñche mu serfiquefilu ti lonco ülmen, pu loncolelu mil hueichafe mu,* pu loncolelu 100 hueichafe mu, pu loncolelu elfalcünungelu itrofillem ca pu loncolelu elfalcünungelu pu culliñ ñi nieel ti lonco ülmen ca tañi pu yall,* pu falin huentru cüdauquelu ülmen ruca mu ca com pu huentru nehuen-ngelu ca adümuucülelu. 2 Fei hula ti lonco ülmen David huitrapürai ca feipi:

“Tañi pu peñi, tañi troquiñche, allcütumuchi. Tañi piuque meu ayüfun ñi deumayal quiñe ruca, cheu ñi müleal ti falin caja nielu Chau Jehová ñi eldungu ca cheu ñi pünoleal taiñ Chau Ngünechen. Pepicacünun ñi deumangeal ti ruca. 3 Huelu Chau Ngünechen feipieneu: ‘Eimi hueichafengeimi ca langümfimi che, feimu deumalayaimi quiñe ruca ñi püramyengeal tañi üi’. 4 Huelu com tañi chau ñi pu che meu, Jehová, Israel ñi Chau Ngünechen, dullieneu tañi rumel lonco ülmen-ngeal Israel mu. Fei dullifi ta Judá ñi loncoleal. Ca Judá ñi familia mu dulli tañi chau ñi familia. Ca tañi chau ñi fotüm meu dullieneu iñche tañi lonco ülmen-ngeal com Israel mu. 5 Chau Jehová elueneu fentren yall. Com tañi fotüm mu, fei dullifi tañi fotüm Salomón ñi anüleal Chau Jehová ñi ülmen huancu mu ca ñi ngünenieafiel ta Israel.

6 Feipieneu: ‘Tami fotüm Salomón deumayai tañi ruca ca tañi fillque lepün.* Iñche dullifiñ tañi fotümngeal, fei chauyeaeneu. 7 Inale tañi huercün dungu ca tañi ley, chumngechi tañi femmequen, eluafiñ tañi rumel ngünenieal’. 8 Feimu com pu Israel che ñi adquiñ mu, tüfa ta Chau Jehová ñi trahunche, ca taiñ Chau Ngünechen ñi adquiñ mu, feipihuaiñ: nehuentulemün tamün quimafiel ca tamün cüme inayafiel com tamün Chau Ngünechen Jehová ñi huercün dungu. Femngechi mülenagaimün tüfachi cüme mapu mu ca eluafimün tamün pu yall ñi rumel ngen-ngeal tüfa mu.

9 Eimi, poyen fotüm Salomón, quimfinge tañi Chau Ngünechen, com piuque ca ayühun mu* serfifinge. Chau Jehová ngüneduamquefi com che ñi piuque ca peniei com tañi ayüel ca tañi raquiduamquen engün. Eimi quintufilmi, quisu eluhuai tami peafiel. Huelu elcünufilmi, quisu famentuaimu* rumel meu. 10 Quimtucuaimi, Chau Jehová dullieimu tami deumayal quiñe ruca yamfal mülehue reque.* Nehuen piuquecünuunge ca eluunge tami cüdahual”.

11 Fei hula David elufi tañi fotüm Salomón dibujo pengelquelu ñi chumleal ti conhue, tati fillque pieza,* cheu ñi ngülümngeal itrofillem, fillque pieza mülealu huente ruca mu,* pu ponhuitulechi pieza ca ti pieza cheu perdonangeai ti culpan.* 12 David elufi dibujo ta Salomón. Feiti dibujo mu huirintucui com tañi pengelelngen Chau Ngünechen ñi nehuen mu: ñi chumleal fillque lepün Chau Jehová ñi ruca mu, cheu ñi iyal che huall püle ruca mu, cheu ñi ngülümngeal falinque fillem Chau Ngünechen ñi ruca mu ca cheu ñi ngülümngeal falinque chemcün* huichucünulelngelu ta Chau Dios. 13 Cafei David feipifi ta Salomón chumngechi ñi adniengeal pu troquiñ sacerdote ca pu troquiñ Leví che. Ca feipifi chem cüdau femai engün Chau Jehová ñi ruca mu ca chumngechi ñi pünengeal com ti chemcün Chau Jehová ñi ruca mu. 14 Ca feipi tunte* faneai ti oro chemcün* pünengealu ñi poyeafiel ta Chau Dios ca tunte faneai ti plata chemcün pünengealu ñi poyeafiel ta Chau Dios. 15 Tunte faneai quisuque oro candelabro* ca quisuque oro pelontuhue. Tunte faneai quisuque plata candelabro ca quisuque plata pelontuhue. 16 Cafei tunte faneai ti oro ñi deumangeal quisuque mesa, feichi mesa meu huelurentrücünungeai cofque.* Ca tunte faneai pu plata mesa. 17 Tunte faneai pu tenedor, pu tazon ca pu metahue re oro mu deumangealu. Tunte faneai quisuque pichi oro tazon ca quisuque pichi plata tazon. 18 Ca feipi tunte faneai ti altar re oro mu deumangealu, cheu ñi lüpümngeal incienso.* Ca tunte faneai pu oro querubin huinüfnielu* tañi müpü ñi llaufeñtuafiel ti falin caja pengelquelu Chau Jehová ñi eldungu. Tüfa adentulei Chau Dios ñi carretela.* 19 David feipi: “Chau Jehová elueneu nehuen* ca quimün* tañi com huirintucual tüfachi dibujo”.

20 Fei hula David feipifi tañi fotüm Salomón: “Yafüluucülenge, nehuen piuquecünuunge ca eluunge tami cüdahual. Llicalayaimi ca pellquelayaimi rume. Tañi Chau Ngünechen Jehová afcadinieimu. Quisucünulayaimu ca elcünulayaimu. Afcadinieaimu fentepuule hula com ti cüdau femngealu Chau Jehová ñi ruca mu. 21 Fau mülei pu troquiñ sacerdote ca pu troquiñ Leví che. Femaingün com ti cüdau Chau Ngünechen ñi ruca mu. Nieimi cüdaufe eluucülelu ca adümuucülelu ñi femal itrofill cüdau. Cafei nieimi pu principe ca com pu che. Tüfa engün inayai com tami feipin”.

29 Fei hula ti lonco ülmen David feipifi com ti trahunche: “Chau Ngünechen dullifi tañi fotüm Salomón, huelu petu hueche huentrungei, nielai adümuhun ca fütra cüdau mülei ñi femal. Tüfachi fütra ruca* deumalelngelayai ta quiñe huentru, doi mai deumalelngeai ta Chau Jehová. 2 Nehuentu cüdahun, fei com pepicacünun ñi deumangeal tañi Chau Ngünechen ñi ruca. Trapümfiñ ti oro* ñi deumayal fillque cüdau oro mu, ti plata ñi deumayal fillque cüdau plata mu, ti cobre ñi deumayal fillque cüdau cobre mu, ti pañillhue* ñi deumayal fillque cüdau pañillhue mu, ti mamüll ñi deumayal fillque cüdau mamüll mu. Cafei trapümfiñ onice cura, cura ñi pünantucungeal argamasa mu,* pichique cura ñi deumangeal mosaico, fillque falichi cura ca fentren alabastro pingechi cura.* 3 Cafei ñi falintufiel mu tañi Chau Ngünechen ñi ruca, hulün quisu tañi oro ca tañi plata tañi Chau Ngünechen ñi ruca mu. Cafei fentren fillem pepicacünun ñi deumalelngeal ti ruca ta Chau Dios. 4 Cafei 102 mil 600 kilo* oro ofir mu tuulu ca 239 mil 400 kilo* lifngechi plata, femngechi ñi tacuafiel fillque pieza ñi pared,* 5 ñi femngeal cüdau oro meu, ñi femngeal cüdau plata mu ca pu artesano ñi entual com ti cüdau. Fachantü cai, ¿inei ayüi ñi cüpalelafiel quiñe yehun* ta Chau Jehová?”.

6 Fei quelluconingün pu principe quisuque familia mu, pu principe Israel ñi troquiñche mu, pu loncolelu mil hueichafe mu* ca pu loncolelu 100 hueichafe mu ca pu elfalcünungelu ti lonco ülmen ñi fillque duam. 7 Hulingün 171 mil kilo* oro, 10 mil oro moneda,* 342 mil kilo* plata, 615 mil 600 kilo* cobre ca 3 millon 420 mil kilo* pañillhue. Tüfa hulingün ñi femngeal chi cüdau Chau Ngünechen ñi ruca mu. 8 Pu che nielu falichi cura hulingün feichi cura ñi trapümngeal cheu ñi ngülümngen falinque fillem Chau Jehová ñi ruca mu. Tüfa elfalcünungei Jehiel, Guersón ñi cüpanche. 9 Pu che ayüucülei hulün mu tañi nieel quisu ñi pin mu, com piuque mu elufingün ta Chau Jehová tañi nieel. Ca tati lonco ülmen David rume ayüucülefui.

10 Fei hula David püramyefi ta Chau Jehová com ti trahunche ñi adquiñ mu. David feipi: “Rumel püramyengepe Chau Jehová. Ahuem, taiñ chau Israel ñi Ngünechen. 11 Ahuem, Chau Jehová, eimi alüpüraleimi, fütra nehuen-ngeimi, afmatufalngeimi, püramyefalngeimi ca yamfalngeimi.* Com ti mülelu huenu mu ca mapu mu eimi ngen-ngeimi. Ahuem, Chau Jehová, eimi ngünenieimi. Eimi com ngünenieimi. 12 Eimi hulqueimi falinque fillem ca püramyechequeimi. Eimi com ngünenieimi ca com nehuen nieimi. Tami cuhu mu püramyequefimi ca yafültucuquefimi com che. 13 Feula, ahuem, taiñ Chau Ngünechen, mañumuhuiyiñ ca püramyehuiyiñ tami fütra üi.

14 Iñchiñ eluhuiyiñ chalintucun* quisu taiñ pin mu, huelu ¿inei am ta iñche ca tañi troquiñche? Itrocom eimi mu cüpai ca tami cuhu mu cüpai chem taiñ elufiel ta eimi. 15 Tami adquiñ mu ca cüpanchengeiñ, femngechi felefui com taiñ cuifiqueche. Taiñ mongen mapu mu quiñe llaufeñ* reque felei, ngelai maneluhun. 16 Ahuem, taiñ Chau Ngünechen Jehová, deumaleluhuaiñ quiñe ruca cheu püramyengeai tami yamfal üi, feimu trapümiyiñ com tüfachi fillem, huelu com tüfa tami cuhu mu cüpai. Com ngünenieimi. 17 Ahuem, tañi Chau Ngünechen, iñche cüme quimnien eimi ngüneduamqueimi pu che ñi piuque ca ayüqueimi ti nor dungu. Tañi cüme piuquengen mu ngülümün com tüfachi dungu iñche tañi pin mu ca rume ayühun ñi pefiel tami pu che, fau mülepaingün tami cüpalelaeteu chalintucun quisu tañi pin mu. 18 Ahuem, Chau Jehová, taiñ cuifiqueche Abrahán, Isaac ca Israel ñi Ngünechen, quelluafimi tüfachi troquiñche ñi amuleal ñi femngechi femquen cüme duam mu ca tami cüdahuelaeteu com piuque mu. 19 Quellufinge tañi fotüm Salomón com piuque mu ñi inayal tami huercün dungu, tami ngülam ca tami feipin. Ca quellufinge ñi femal com tüfachi dungu. Iñche deu pepicacünun itrofill chemcün,* feimu quellufinge tañi deumayafiel tami ruca”.*

20 Fei hula David feipifi com ti trahunche: “Feula püramyeafimün tamün Chau Ngünechen Jehová”. Fei com ti trahunche püramyefi ta Jehová, tañi cuifiqueche ñi Chau Ngünechen. Fei lucutunagingün ca pochongnagingün* Chau Jehová ca ti lonco ülmen ñi adquiñ mu. 21 Amulei ñi elufiel chalintucun ta Chau Jehová ca antü hula. Cafei hulingün lüpümngeelchi chalintucun ta Chau Jehová: mil hue toro, mil caniru* ca mil cordero ca hutrulngeelchi chalintucun.* Hulingün fentren chalintucun com pu Israel che ñi duam mu. 22 Feichi antü fente tañi ayüucülen imequeingün ca putumequeingün* Chau Jehová ñi adquiñ mu. Ca huiño lonco ülmencünufingün ta Salomón, David ñi fotüm. Dullifingün ñi loncoleal Chau Jehová ñi adquiñ mu. Cafei sacerdotecünufingün ta Sadoc. 23 Salomón anünagi Chau Jehová ñi ülmen huancu mu tañi lonco ülmen-ngeal ca hueluconi tañi chau David mu. Cüme tripai ñi femün ca com pu Israel che inaeyu ñi feipin. 24 Com pu principe, pu nehuen-ngechi hueichafe ca com ti lonco ülmen David ñi pu yall* eluhuingün ñi ngünenieaeteu ti lonco ülmen Salomón. 25 Chau Jehová tañi pin mu, Salomón rume yamniengefui com Israel mu ca doi püramyengei ta Salomón com caquelu lonco ülmen mülequefulu Israel mu.

26 David, Jesé ñi fotüm, ngüneniefui com Israel. 27 David 40 tripantu ngüneniefui Israel. Fei 7 tripantu ngüneniefui Hebrón huaria ca 33 tripantu ngüneniefui Jerusalén huaria mu. 28 David nierquei fentren tripantu ca cüme duamcülefui, fei lai. Ca nierquei itrofillem ca rume yamniengefui. Ca tañi fotüm Salomón hue lonco ülmen-ngetui. 29 Samuel, ti huentru pequelu afmatun dungu, Natán, tüfa Chau Ngünechen ñi huerquen ca Gad, ti huentru pequelu afmatun dungu, huirintucuingün com ñi rupan ti lonco ülmen David, 30 cafei com tañi ngünenieel, tañi fütra nehuen, chem tañi rupan, ñi rupan Israel mu ca ñi rupan com caquelu troquiñche ñi hualloñmanieteu.*