Falinque üi ñi doi saquingeal che
Pu cristiano, ¿tuculelafingün falinque üi ta caquelu che ñi doi saquingeal?
Falinque nütram Biblia mu:
Lu 18:18, 19. Jesús cüme huentrungefui, huelu eluulai “Cüme Quimeltufe” ñi pingeal. Femngechi pengeli Chau Jehová müten rüf cüme piuquengei.
¿Chumngelu (chemu) pu cristiano ngelai ñi feipingeal “padre”, “líder” cam caquelu femngechi üi?
Falinque nütram Biblia mu:
Mt 23:9-12. Jesús feipifi tañi pu inanieteu, inei no rume chau cam ñidol pilayafimün.
1Co 4:14-17. Fentren cristiano chau troquiquefingün ta Pablo, huelu feipiquelafingün “chau Pablo” cam “padre Pablo”.
¿Chumngelu cümei tati pu cristiano ñi hueluquentu feipihual “peñi” cam “lamngen” ca femngechi ñi troquihual?
Ca inaduamfinge Hch 12:17; 18:18; Ro 16:1.
Falinque nütram Biblia mu:
Mt 12:46-50. Jesús feipi com pu che püramyefilu ta Chau Jehová peñihuen ca lamngenhuen-ngeingün.
Ñi dunguafiel pu gobernante, jueces cam caquelu autoridad, ¿cümepei mai ñi feipiafiel tañi falinque üi?
Falinque nütram Biblia mu:
Hch 26:1, 2, 25. Apostol Pablo dungufilu ta Agripa, Festo ca caquelu gobernante, üituquefi tañi falinque üi mu.