20-26 mayo

2 KORINTIO 11-13

3 ülkantun ka ngillatun
Nütram amulkünual chi trawün (3 min. puwafuy)

BIBLIA ÑI FALIN DUNGU

“‘Kiñe pülliñ [chakay] reke’ kutrankaeyew ta Pablo” (10 min.)
- 2Ko 12:7. Pablo kontueyew weda dungu, trürümfali kiñe chakay reke (w08-S 15/6 pag. 3 parr. 3).
- 2Ko 12:8, TNM,a 9. Pablo llellipufi ta Jewba tañi famentuñmayaetew ti weda dungu, welu Jewba femlay tañi ayüniefel Pablo (w06-S 15/12 pag. 24 parr. 17, 18).
- 2Ko 12:10, TNM.b Jewba newentukufi ta Pablo ñi femürpual tañi elfal küdaw (w18.01 pag. 5 parr. 8, 9).
Küme kintuafiyiñ falinke dungu Biblia mew (8 min.)
- 2Ko 12:2, 4 TNM.c Ti “külangechi wenu” ka “ti küme mülewe”, ¿chem dungu adentulepelay? (w18.12 pag. 9 parr. 10-12).
- 2Ko 13:7. Taiñ pu peñi ka taiñ pu lamngen ñi “femnoael chem wesa dungu no rume”, ¿chem llellipuafuiñ ta Chaw Ngünechen tañi kelluafiel engün? (w90-S 15/11 pag. 21, 22).
- Tüfachi semana tami papeltufiel Biblia, ¿chem kimeltueymu Jewba mu?
- Tüfachi semana tami papeltufiel Biblia, ¿chem kakelu falin dungu ngüneduamimi?
Papeltuafiel Biblia (4 min. puwafuy): 2Ko 11:1-15 (th 5 kimeltun).

KÜME KIMELTUCHEFENGEAIÑ

We amulu tami wiñopemetuafiel ti che video mu (5 min.): Pengelnge ti video ka ngüneduamnge pu che engün.
We amulu tami wiñopemetuafiel ti che (3 min. puwafuy): Inange ti nütramkan mülelu ti trokiñ “Chem nütramkayafuiñ” (th 2 kimeltun).
We amulu tami wiñopemetuafiel ti che (4 min. puwafuy): Wüne inange ti nütramkan mülelu ti trokiñ “Chem nütramkayafuiñ”. Fey pengelfinge ti che ti lifru Chem kimeltukey Biblia (th 4 kimeltun).

TAIÑ KRISTIANO MONGEN

38 ülkantun
“Kiñe chakay reke kutrankaelmu, newentuleaymi llemay” (15 min.): Ngüneduamngeal pu che engün. Pengelnge ti video “Pu trawma tañi nge pelotuay”. Feypifinge ti trawünche ñi mülen fillke papel 47 kewün mu ñi papeltuafel pu pelonolu, ka müley fentren kellun kidu engün ngealu ka tati pu newe küme pelonolu ngealu. Duamülmi femngechi papel, feypiafimi tati peñi adkünukelu tati fillke papel tami trawünche tami eluaetew. Yafültukuafimi tati pu peñi ka lamngen ñi kelluafiel tati pu che newe küme pelonolu, trawünche mu ka amuldungun mu.
Chillkatun Biblia Trawünche mu (30 min.): sp pag. 15-18.
Wiñodunguam tüfachi trawün mu ka ñi peal küpalechi trawün mu (3 min.)
72 ülkantun ka ngillatun

a 2Ko 12:8, TNM, feypi: “Küla rupachi llellipufiñ ta Chaw Ngünechen tañi famentuñmayaetew tüfachi weda dungu”.

b 2Ko 12:10, TNM, feypi: “Feymu ayüwülkeenew ñi ngañwadngen, weda pingen mu, filla dungu mu, kayñetungen ka weda rupan, Kristo ñi duam mu. Ngañwadkülekelu am iñche, fey newen-ngeketun”.

c 2Ko 12:2, 4, TNM, feypi: “Kimniefiñ kiñe wentru kiñewkülelu Kristo engu, mari meli tripantu rupalu dewma kidu yengey ti külangechi wenu mu. Kimlan ñi kuerpu mu chey may kam ñi kuerpu no chey may, Ngünechen ta kimniey. Kidu yengey ti küme mülewe mu, fey allküy feypifalnochi dungu, tüfa iney no rume ngelay tañi dungual”.