Jesús “quim feyenturpui”

Jesús rumel feyentuniequefi tañi Chau (Juan 8:29). Huelu Biblia feipi Jesús “cutrancahun mu quim feyenturpui” (Heb. 5:8). ¿Chumngelu feipi tüfa?

Mülepalu Jesús mapu mu, chaftufi quiñeque dungu ñi chaftuquenofiel huenu mu. Jesús mülefui ñi allcütuafiel tañi pu chau. Fei engu poyequefuingu ta Jehová, huelu culpan chengefuingu (Luc. 2:51). Rupachi antü, huesa femfeyu tati loncolechi religioso ca tati pu gobernante (Mat. 26:59; Mar. 15:15). Ca rume cutrancaufui tañi lan mu. Biblia feipi: “Huentrungepalu illamuhui. Tunte puulu ñi mongen, feyentufi ta Chau Dios” (Filip. 2:8).

Feimu mülepalu Jesús mapu mu, quim feyenturpui hueque dungu mu. Femngechi, cüme Rey ca Hunen Lonco Sacerdotengerpui taiñ cutranpiuqueyeteu (Heb. 4:15; 5:9). Felei llemai, tañi cutrancahun mu Jesús quim feyenturpui. Femngechi doi falin-ngerpui Jehová ñi adquiñ mu. Ca femngechi iñchiñ feyentufiliyiñ Jehová cüdaungechi dungu mu rume, fei doi falinturpuaiñmu (Sant. 1:4).