Pu Dunguquelu Ineingen Jehová, ¿yamniequepeingün mai fillque religion ñi huimtun ca quimeltun?

Pu Dunguquelu Ineingen Jehová inaniequeiñ tüfachi ngülam: “Com che ta yamnieafimün” (1 Pedro 2:17). Feimu yamniequefiyiñ itrocom che deu nielu ñi religion rume. Quiñeque troquiñ mapu mu müleyei fentren huaranca pu Dunguquelu Ineingen Jehová, feipilaiñ chem dungu no rume tati pu politico ca pu che huirintuquelu ti ley ñi caiñetufiel ca catrütufiel caquelu religion ñi cüdau. Ca quelluntucuquelaiñ ñi nentual quiñe ley tañi dicümtucuafiel ta che ñi inayal taiñ femün ca huimtun. Mañumtuniequefiyiñ ta che taiñ yamnieteu, ca nehuentuqueiñ taiñ yamnieafiel tati pu che (Mateo 7:12).