Cüme dulliaimi tami pu hueni

Pu cümeque hueni quelluqueiñmeu taiñ doi ayüucüleal ca yafültucuqueiñmeu rupan mu huesaque dungu meu. Huelu Biblia ngülamtuqueiñmu taiñ cüme dullial taiñ pu hueni, fei ¿chumngechi cüme dulliafuiñ taiñ pu hueni? Inaduamaiñ quiñeque ramtun tami quelluaeteu.

1. ¿Chumngechi cümelcayafeimu cam huesalcayafeimu tami pu hueni?

Iñchiñ doi eluucüleiñ taiñ inayentuafiel feichi pu che taiñ trahuluuquen ca taiñ hueniyefiel, fei quiñeque mu inayentuafuiñ tañi cüme femquen cam tañi huesa femquen engün. Fei tüfa ca rupayafui feichi pu che mu taiñ hueniyefiel internet meu. Feimu tati Biblia feipilei: “Quimche engu miyauquelu ca quimchengeai, huelu tati quiñeucülelu pu huedhuedqueche engün [pu che piuqueyenofilu ta Jehová] huesa triparpuai” (Proverbios 13:20). Hueniyefiliyiñ pu che poyequefilu ta Jehová quelluaiñmu taiñ cüme dullial ca taiñ doi fülmanieafiel Jehová. Huelu hueniyefiliyiñ feichi che poyequenofilu ta Jehová, püntütripayafuiñ Jehová mu. Feimu tati Biblia ngülamtuqueiñmu taiñ cüme dullial taiñ pu hueni. Femngechi femliyiñ ‘yafültucuniehuaiñ, ca hueluquentu nehuentucuhuaiñ’ taiñ pu hueni meu (1 Tesalonicenses 5:11).

2. ¿Chumngechi duamelafuiñ Jehová taiñ pu hueni meu?

Jehová cüme dulliquei tañi pu hueni. Quisu “cüme hueniyeniefi tati pu nor chengelu” (Proverbios 3:32). Feimu hueniyefiliyiñ tati pu che piuqueyenofilu ta Jehová, taiñ Huenu Chau huesa duamcüleai (papeltuaimi Santiago 4:4). Huelu, ¿chumafuiñ taiñ ayühulafiel ta Jehová? Quiñepülecünuafiyiñ pu huesaque compañ ca fülmanieafiyiñ Jehová ca tati pu che ñi poyenieteu. Femngechi femliyiñ, Jehová ayüucüleai ca eluucüleai taiñ hueniyeaeteu (Salmo 15:1-4).

DOI QUIMAIMI

3. Cuñiutucuhuaiñ pu huesaque compañ meu

Tati pu che piuqueyenofilu ta Jehová ca inaquenofilu tañi feipin, hueniyelayafiyiñ. Peaiñ ti VIDEO, ca ngüneduamaiñ tüfachi ramtun.

VIDEO: ¿Chem kelluafeymu tami famentuafiel wedake kompañ? (6:18)

• ¿Chumngechi ñochiquechi nierpuafuiñ huesaque compañ?

Papeltuaiñ 1 Corintios 15:33, ca ngüneduamaiñ tüfachi ramtun:

• Eimi, ¿chem che hueniyelayafimi? ¿Chumngelu am?

Papeltuaiñ Salmo 119:63, ca ngüneduamaiñ tüfachi ramtun:

• ¿Chem che hueniyeafimi?

4. Pu che trürcülenolu iñchiñ meu cüme hueniyeafuiñ

Tati Biblia nütramcai David ca Jonatán meu, epu huentru mülerquefulu Israel mapu mu. Trürcülenofulu rume tañi tripantu ca tañi rupan mongen mu, cüme hueniyeuquefuingu. Papeltuaiñ 1 Samuel 18:1, ca ngüneduamaiñ tüfachi ramtun:

• Iñchiñ hueniyeafuiñ feichi pu che trürcülenolu taiñ tripantu meu cam iñchiñ reque rupaquenolu, ¿chumngelu feipiafuiñ tüfa?

Papeltuaiñ Romanos 1:11, 12, ca ngüneduamaiñ tüfachi ramtun:

• Pu hueni piuqueyefilu ta Jehová, ¿chumngechi hueluquentu yafültucuuqueingün?

Pefinge chumngechi quiñe hueche huentru pei cümeque hueni. Peaiñ ti VIDEO, ca ngüneduamaiñ tüfachi cüla ramtun.

VIDEO: Afmatulafeimu chem che hueniyeafuimi (5:06)

• Akil tañi nieelchi hueni meu tañi chau ca ñuque fill raquiduamcülefuingu, ¿chumngelu am femngechi duamcülefuingu?

• ¿Chumngelu am Akil hueniyefi tañi pu compañ colegio meu?

• ¿Chumi tañi quisulelu troquiuhuenoal?

5. ¿Chumafuimi tami nieal cümeque hueni?

VIDEO: ¿Chumquei pu cümeque hueni? (4:14)

Papeltuaiñ Proverbios 18:24 ca 27:17, fei ngüneduamaiñ tüfachi epu ramtun:

• ¿Chumngechi quelluuqueingün pu cümeque hueni?

• ¿Nieimi feichi pu hueni ñi feipingeel Proverbios mu? Nienolmi, ¿chumafuimi tami nieal femngechi hueni?

Papeltuaiñ Filipenses 2:4, ca ngüneduamaiñ tüfachi ramtun:

• Cüpa nielmi cümeque hueni, eimi ca mülei tami cüme hueningeal, fei ¿chumafuimi tami cüme hueningeal?

TAMI QUIMEL

Cüme dulliliyiñ taiñ pu hueni cümelcangeaiñ ca ayühulafiyiñ ta Jehová.

¿Chem piafuimi?

• ¿Chumngelu Jehová ngülamtuqueiñmu taiñ cüme dullial taiñ pu hueni?

• ¿Chem che hueniyelayafiyiñ?

• ¿Chumafuimi tami cüme dullial tami pu hueni ca tami cüme hueniyeafiel engün?

CA PEAFUIMI

Pefinge chumngechi pu cümeque hueni quelluafeimu rupan mu huesaque dungu meu.

“Kümeke weniwen nieaiñ fantepu mew” (Ti Huerquen, noviembre 2019)

Ngüneduamnge quiñeque ngülam tami cüme dullial tami pu hueni.

“¿Chumquei pu cümeque hueni?” (Falinque ngülam pu huechequeche ñi ramtuqueel (1), quimeltun 8)

Hueniyefilmi ta che internet meu, ¿chem dungu loncontucunieafimi?

Adümfilmi redes sociales kuñiwtukuwküleaymi (4:12)

Pefinge ti nütram feipilu “Ayüfun nieal quiñe chau”. Fei quimaimi chumngechi quiñe huentru eluhui ñi elcünual tañi huesaque hueni.

“Ti Biblia cüme elcünutueyu ñi mongen” (Ti Huerquen 1 abril, 2012)

1. Taiñ cüme rupaleal, ¿chem quelluafeiñmu?

Eimi, ¿chumqueimi chi tami cüme rupayal? Quiñeque che tañi cansatual papeltuquei lifru, allcütuquei musica, pequeingün pelicula cam conqueingün internet meu. Caquelu che ñi ürcütual cañpüle amuqueingün, pelotatuqueingün, paliqueingün ca challhuaqueingün. Chem dulliliyiñ rume taiñ cüme rupayal, raquiduamtucunieafiyiñ “chem ñi ayünieel ta Ñidol” (Efesios 5:10). Famülque meu fentren che dulliquei huesaque dungu tañi cüme rupayal. Pequeingün cam allcütuqueingün fillque dungu nüucülelu pu huesaque püllü meu, pod cudumuhun dungu mu cam quehuatun dungu meu. Feimu cuñiutucuhuaiñ taiñ ayühulafiel ta Jehová cüme rupan mu iñchiñ (papeltuaimi Salmo 11:5). ¿Chem quelluafeiñmu taiñ cüme dullial?

Taiñ pu hueni piuqueyefile ta Jehová, quelluaiñmu taiñ doi fülmanieafiel ta Ngünechen ca taiñ cüme dullial chem dungu mu taiñ cüme rupaquen. Chumngechi quimürpuiñ ti quimeltun 48 mu, tati quimche engu miyauquelu ca quimchengeai. Huelu pu miyauquelu feiti pu che poyequenofilu ta Jehová, huesa triparpuai (Proverbios 13:20).