• Eimi hueniyeafuimi ta Chau Jehová
    ¡Rumel ayüucüleaimi! Quimfinge chem pilen Biblia

    • 3. Jehová tañi pu hueni, ¿chumqueingün?

      Jehová com pu che piuqueyequefi, huelu “cüme hueniyeniefi tati pu norngelu” (Proverbios 3:32). Fei nor chengelmi, ¿chumaimi? Femaimi Jehová tañi ayüqueel ca famentuaimi tañi ayüquenoel. Quiñeque che feipiqueingün: “Turpu femlayafun com tañi feipieteu Chau Dios, pepilfal-lai”. Huelu loncontucunge: Jehová cutranduamyechequei. Feimu cümeque dungu femülmi ca ayühulfilmi ta Jehová, llohuaimu hueni reque (Salmo 147:11; Hechos 10:34, 35).

  • Nor chengeaiñ itrocom dungu meu
    ¡Rumel ayüucüleaimi! Quimfinge chem pilen Biblia

    • Nor chengeaiñ itrocom dungu meu

      Com iñchiñ ayüqueiñ taiñ pu hueni ñi nor chengeal engün. Ca femngechi Jehová ayüquei ñi nor chengeal tañi pu hueni. Huelu fentren che eluucüleingün ñi ngünencacheal, feimu cüdautuafui chi taiñ inanienoafiel engün. Fei nor chengeliyiñ, ¿rüf cümelcayafeiñmu? Peafiyiñ.

      1. ¿Chumngelu (chemu) nor chengeaiñ?

      Nor chengeliyiñ itrocom dungu meu pengelelafiyiñ ta Jehová taiñ piuqueyeniefiel ca yamniefiel. Loncontucunge tüfa: Jehová quimniei com taiñ femqueel ca taiñ raquiduamqueel. Feimu nor chengeliyiñ, rume ayühulafiyiñ ta Jehová (Hebreos 4:13). Biblia feipi: “Jehová üdeniefilu am tati ngünencaquelu, huelu cüme hueniyeniefi tati pu nor chengelu” (Proverbios 3:32).

      2. ¿Chem dungu meu pengelaiñ taiñ nor chengen?

      Jehová ayüquei taiñ ‘rüf dunguafiel taiñ chaf che’ (Efesios 4:25). Feimu coilatulayafiyiñ inei no rume: taiñ familia, taiñ pu compañ cüdau, taiñ pu peñi ca pu lamngen ca pu autoridad coilatulayafiyiñ. Pu nor chengelu hueñequelaingün ca ngünencachequelaingün (papeltuaimi Proverbios 24:28 ca Efesios 4:28). Ca culliqueingün tañi impuesto (Romanos 13:5-7). Felei llemai, “ayünieiñ taiñ nor chengeal com dungu mu” (Hebreos 13:18).

      3. ¿Chumngelu fente cümei taiñ nor chengeal?

      Tati pu che ngüneduamle taiñ nor chengen, doi maneluhuaingün iñchiñ mu. Ca quelluaiñ ñi quiñeucüleal ti trahunche ca ñi cüme duamcüleal engün quiñe familia reque. Cafei tüngcüleai taiñ raquiduam. Taiñ nor chengen meu doi “püramyengeai ti quimeltun Chau Dios mu cüpalu”, fei tati pu che eluhuafuingün tañi fülmanieafiel ta Jehová (Tito 2:10).

      DOI QUIMAIMI

      Nor chengeliyiñ, ¿chumngechi cümelcayafeiñmu? ¿Chum duamcüleafui Jehová? Ca ¿chem dungu meu pengelafuiñ taiñ nor chengen? Feula inaduamafiyiñ.

      4. Nor chengeliyiñ ayühulafiyiñ ta Jehová

      Papeltuaiñ Salmo 44:21 ca Malaquías 3:16, fei ngüneduamaiñ tüfachi epu ramtun:

      • ¿Chumngelu raquiduamlayaiñ Jehová taiñ lelinienoeteu?

      • Eluuliyiñ taiñ rüf dungual, cüdaungefule rume ¿chum duamcüleai Jehová? ¿Chem pimi cai?

      Quiñe pichi malen hutrui jugo cheu ñi cüdauquen tañi chau, fei nütramcamequefi tañi chau ca quisu lucutunagi tañi allcütuaeteu.

      Rüf dungule pu pichiqueche, ayühulmapiuqueafi tañi chau ca ñi ñuque. Rüf dunguliyiñ iñchiñ, ayühulmapiuqueafiyiñ ta Jehová.

      5. Itrocom dungu meu nor chengeaiñ

      Fentren che raquiduamquei quiñeque mu ngelai taiñ nor chengeal. Huelu ngüneduamnge chumngelu fente falin-ngei taiñ nor chengeal itrocom dungu meu. Peaiñ ti VIDEO.

      VIDEO: ¿Chem quelluaiñmu taiñ ayüucüleal?: Cüme raquiduam nieal (2:32)

      Quiñe adentun tripalu ti video ‘¿Chem quelluaiñmu taiñ ayüucüleal?: Cüme raquiduam nieal’. José feipifi tañi ngen cüdau tañi fütra huelulcahun. José ca tañi ngen cüdau trafcuhumequeingu.

      Papeltuaiñ Hebreos 13:18, ca ngüneduamaiñ tüfachi cüla ramtun:

      • ¿Chumngechi nor chengeaiñ taiñ familia meu?

      • ¿Chumngechi nor chengeaiñ taiñ cüdau cam colegio meu?

      • ¿Ca chem dungu meu nor chengeafuiñ?

      6. Nor chengelmi cüme feleaimi

      Nor chengeliyiñ, quiñeque mu huesa rupayafuiñ chi. Huelu femngechi chengeliyiñ, doi cümelcaleaiñ taiñ mongen meu. Papeltuaiñ 1 Pedro 3:10-12, ca ngüneduamaiñ tüfachi ramtun:

      • Nor chengeliyiñ, ¿chumngechi cümelcayafeiñmu?

      A. Quiñe curehuen petu cafetumequelu nütramcamequeingu. B. Quiñe huentru cüdauquelu quiñe taller meu, saquieyu tañi ngen cüdau. C. Quiñe huentru pengelelfi tañi documento ta quiñe soltau.

      1. Curehuen nor chengele engu, doi cüme amuleaingu tañi curehuen-ngen meu.

      2. Nor chengelmi tami cüdau meu, tami ngen cüdau doi manelnieaimu.

      3. Nor chengele tati pu che, doi yamnieaeyu pu autoridad.

      QUIÑEQUE CHE FEIPIAFEIMU: “Pichi coilatuliyiñ, huesalcalayaiñ”.

      • Jehová ayüquelai taiñ feipial chem coila dungu no rume, ¿chumngelu femngechi feipiafuimi?

      TAMI QUIMEL

      Jehová ayüquei tañi pu hueni ñi nor chengeal itrocom dungu meu.

      ¿Chem piafuimi?

      • ¿Chem dungu meu nor chengeaiñ?

      • ¿Chumngelu raquiduamlayaiñ Jehová quimlayai taiñ femquen?

      • ¿Chumngelu eluucüleaimi tami nor chengeal?

      Tami femafel

      CA PEAFUIMI

      Pu chau, pu ñuque, ¿chumngechi quimelelafuingün tañi pu pichiqueche ñi nor chengeal?

      Turpu koylatukilnge (1:44)

      ¿Chumngelu fente cümei femal taiñ feipicünuel?

      Femürpulmi tami feipicünuel, cümelcangeaimi (9:09)

      Huesa pünengefule rume taiñ impuesto, ¿ca cullipeafuiñ mai?

      “¿Mülepei mai ñi cullial impuesto?” (Ti Huerquen 1 septiembre, 2011)

      ¿Chem quellueyu quiñe ngünencachequelu ñi nor chengetual?

      “Quimürpun Jehová ñi cüme piuquengen ca perdonachequen” (Ti Huerquen 1 mayo, 2015)

  • Cüme dulliaimi tami pu hueni
    ¡Rumel ayüucüleaimi! Quimfinge chem pilen Biblia

    • 2. ¿Chumngechi duamelafuiñ Jehová taiñ pu hueni meu?

      Jehová cüme dulliquei tañi pu hueni. Quisu “cüme hueniyeniefi tati pu nor chengelu” (Proverbios 3:32). Feimu hueniyefiliyiñ tati pu che piuqueyenofilu ta Jehová, taiñ Huenu Chau huesa duamcüleai (papeltuaimi Santiago 4:4). Huelu, ¿chumafuiñ taiñ ayühulafiel ta Jehová? Quiñepülecünuafiyiñ pu huesaque compañ ca fülmanieafiyiñ Jehová ca tati pu che ñi poyenieteu. Femngechi femliyiñ, Jehová ayüucüleai ca eluucüleai taiñ hueniyeaeteu (Salmo 15:1-4).