Ñi pengelquen fillque foto
Ti numero fei tati pagina cheu ñi mülen ti foto
Hunen tapa mu pengei ta Pablo, Tabita, Galión, Lucas ca quiñe saduceo. Cafei, quiñe soltau presuyefi pu apostol ca fentren soltau yefingün ta Pablo Cesarea mu. Afchi tapa mu, pengei chumngechi amuldunguquefui pu testigo cuifi mu.
Pagina 1 Pablo traricünungei cadena mu, petu nütramcafi Lucas quiñe farcu meu amulu ta Roma.
Pagina 2, 3 Taiñ peñi John Barr ca Theodore Jaracz coneltulefuingu tati Troquiñ Adniechequelu mu. Cafei, mülei quiñe mapa pengelquelu com ti mapu.
Pagina 11 Galilea huincul mu, Jesús feipifi pu 11 apostol ca caquelu discipulo ñi amuldungual.
Pagina 14 Pu discipulo petu leliniefingün Jesús ñi huiño püraletun ta huenu.
Pagina 20 Pentecostés mu, pu discipulo amuldungufingün tati pu che quisuque tañi quehun dungun mu.
Pagina 36 Caifás illculei, tañi adquiñ mu mülei pu apostol. Pu soltau pepicaucüleingün, fei feipile müten ti Sanedrín, presuntucuafingün inei rume.
Pagina 44 Nag mu: Aflu ti Segunda Guerra Mundial, quiñe tribunal Alemania mu condenafi quiñeque testigo coila dalluntucungelu ñi lloftuyaupan Estados Unidos mu (revista Neue Berliner Illustrierte, tripalu 3 conchi octubre 1950).
Pagina 46 Ti Sanedrín petu juiciantucufi Esteban, mülei pu ülmenque saduceo ca pu fariseo trencül piuquengelu.
Pagina 54 Pedro fampuhulelfi ñi cuhu quiñe hue discipulo. Furitu mülei Simón, carpa mu miyahuli plata.
Pagina 75 Pedro tañi pu compañ engün petu coni Cornelio tañi ruca mu. Cornelio yeniei quiñe tacun pengelquelu fente ñi falin soltaungen.
Pagina 83 Pedro carcelconcülefui, ¿Fortaleza Antonia mu peno? Huelu quiñe cüme püllü quellueyu ñi tripayal.
Pagina 84 Nag mu: Quiñeque testigo lefcontueyu quiñe troquiñche illculelu Quebec mapu mu, 1945 mu, pülleleingün Montreal huaria mu (revista Weekend Magazine, julio 1956).
Pagina 91 Quiñe troquiñche huemünentufi ta Pablo engu Bernabé Antioquía mu, Pisidia mapu meu. Furitu pengelngei quiñe acueducto deumangelu hue conlu peno tati hunen siglo.
Pagina 94 Pablo engu Bernabé ayülaingu ñi püramyeaeteu pu Listra che. Cuifi, femngequefui chalintucun com pu che tañi adquiñ meu, fiestaquefuingün, fill püle pengequefui fillque color ca allcüngequefui musica.
Pagina 100 Hunen adentun: Silas engu Judas yafültucumequefi Antioquía trahunche, Siria mu (Hech. 15:30-32). Nag mu: Quiñe huitran-ngepaquechi loncolelu petu hueupimequei Uganda trahunche mu.
Pagina 107 Tati Jerusalén trahunche quiñentrür müleingün quiñe ruca mu.
Pagina 124 Pablo engu Timoteo Roma farcu meu amuleingu. Camapu pefingu quiñe faro.
Pagina 139 Pablo engu Silas lefmaumequeingu ñi huesalcanoaeteu quiñe illculechi troquiñche.
Pagina 155 Galión nehuen dungufi pu che coila dalluntucufilu ta Pablo. Galión tucutuucülei falinque ropa: quiñe fülangngechi tacun nielu quiñe coñolngechi linea ca tucutuuquei ocota reque, calcei pingequelu.
Pagina 158 Demetrio petu dungufi pu deumaquelu pichique adentun plata mu. Adentucünuingün Ártemis ñi ngillatuhue ruca pichique adentun, fei ñi fendelelafiel tati pu che.
Pagina 171 Pablo tañi pu compañ engün püraingün farcu mu. Furi püle pengei quiñe fütra adentun Mileto ñi puerto mu mülelu, deumangei hunen siglo mu petu ñi mülepanon Jesús.
Pagina 180 Nag mu: Mülei quiñe foto adentulelu chem ñi rupan 1940 tripantu püle Canadá mu. Feichi mu catrütungequefui taiñ publicacion, fei quiñe hueche huentru ellca yeniei quiñeque tüfa.
Pagina 182 Pablo eluhui ñi femal ñi feipieteu pu loncolelu. Lucas engu Timoteo anüleingu furi püle, hulpaingu ti quellu ñi huercüel pu trahunche.
Pagina 190 Pablo tañi chocüm petu dungufi ta Claudio Lisias tati Fortaleza Antonia mu. Üye mu presuntucungepelai Pablo. Ventana mu, pengei ti templo deumangelu Herodes ñi antü mu.
Pagina 206 Pablo ca caquelu che petu amuleingün farcu mu, cansaleingün, fei Pablo llellipumequei fei engün mu.
Pagina 222 Cadena mu traricünungei Pablo quiñe soltau engu, ca petu adquintumequei Roma huaria.
INEINGEINGÜN
Pu concülelu pu judio ñi huimtun mu