Eluwkülenge tami kelluafiel pu che ñi disipulungeal engün
1. ¿Chem duamniey ñi montual pu che?
1 Ti pengelün küdaw rupachi 2014 tripantu mu pengeli chumngechi iñchiñ, Jewba ñi pu che ngen, küdawküleiñ ka eluwküleiñ amuldungual tati kümeke dungu Chaw Ngünechen ñi Ngünenien mu (Mat. 24:14). Fill ruka püle amuldungukeiñ, doy koneltukeiñ fillke fütra amuldungun küdaw mu ñi wülngeal ti pichi papil ka ti mangelün, ka amuldungukeiñ chew ñi rupaken alünke che, femngechi kimeltumekefiyiñ fentren pu che Biblia tañi feypiel, tüfa tati doy fütra amuldungun küdaw femngekelu. Welu tañi montual engün, müleiñ kimeltulelafiel Biblia kiñe chillkatun mu, femngechi tañi kelluafiel Jesu ñi disipulungeal (1 Tim. 2:4).
2. ¿Chem müleiñ ramtuwal taiñ pepikawküleal ñi llitual kiñe chillkatun Biblia?
2 Pepikawkülenge tami chillkatual Biblia ti che engu: Ayüduamün mu kiñe che, ¿yafüluwimi tami kimüñmayafiel ñi üy ka ñi mülen, femngechi tami pürüm mütrümafiel, ka llitual kiñe chillkatun Biblia? ¿Pengelkeymi chumngechi chillkatungekey Biblia wüne witranmamefilu eymi? ¿‘Mür chillkatuayu Biblia’ feypikefimi tati che tami elelkefiel chillka fill küyen mu? ¿Pengelkeymi ti video ¿Chumngelu am müley tami chillkatual ta Biblia? ka Kiñe chillkatun Biblia mu, ¿chem dungu rupakey? tami kompañ küdaw mu, kompañ chillkatuwe ruka mu, tami karukatu, tami reñmache ka kimelchi che? Amuldungun mu chew ñi pengelngekem lifru, ka kiñe che entule kiñe chillka ñi chillkatual Biblia, ¿yafüluwkeymi tami feypiafiel ‘nieafuymi kiñe chillkatun Biblia, fey tami kullinon’?
3. ¿Chem duamnieiñ ñi küme kimeltumekefiel ti rüf dungu?
3 Jewba ka Jesu kellunieeiñmew: Werkülu Jesu taiñ kelluafiel pu che ñi “disipulungeael engün”, “amumün” pi, femngechi Jesu pengeli taiñ newentun mu femal tüfa, ka taiñ kintumeafiel pu che. Welu kidukünukelaeiñmew, welu may ‘rumel mülean ta eymün mew’ pi (Mat. 28:19, 20). Kafey Jewba elueiñmew ñi küme püllü, ka femngechi fillke kellun ka pepikawün taiñ duamnieel ñi kimeltuafiel pu che ti rüf dungu (Zac. 4:6; 2 Kor. 4:7). Llellipuafiyiñ ta Jewba taiñ eluaetew newen ka taiñ kelluaetew taiñ ayüwmafiel tüfachi amuldungun küdaw (Filip. 2:13).
4. ¿Chumngelu müleiñ eluwküleal ñi kelluafiel pu che ñi disipulungeal?
4 Amuldungun mu ti küme dungu rume ayüwmakeeiñmew. Welu doy ayüwkeiñ kimeltufiel pu che ti rüf dungu, ka kellufiel ñi kiñewküleal iñchiñ mu ñi inanieal “ti rüpü yeniefilu ta che rumel mongen mew” (Mat. 7:14; 1 Tes. 2:19, 20). Welu eluwkülelu iñchiñ ñi kelluafiel pu che ñi disipulungeal engün, fey rume tutekefiyiñ Jewba, tüfa doy falin-ngey may, kidu “ayülenolu am iney no rume ñi layael, welu kom che ñi wiñorakiduamtuael” (2 Ped. 3:9).