Revistanakat kunjamsa parltʼasma

Yatiyañataki Abril-junio

“Jesusax Diosat jaqir tukutänwa sasaw waljanix sapxi. ¿Ukham sir istʼirïtati? [Kamsanis uk istʼäta.] Jesusat kunatï chiqäki uk yatiñax wali wakiskiriwa [Juan 17:3 liytʼarapïta]. Bibliax kuntï Jesusxat siski ukax chiqäskapunitap aka yatichäwix qhanañchi.” 12 janankki uka yatichäwi uñxattʼayäta.

¡Despertad! Junio

“Iglesianakax bautisañatakis jaqichañatakis jiwat imxañatakis qullq mayiñ yatipxi. ¿Jumatakix ukham lurapxatapax walikiti? [Kamsanis uk istʼäta.] Jesusax arkirinakaparux kuns iwxtʼpachäna uk uñxattʼañäni [Mateo 10:7, 8 liytʼarapïta]. ¿Bibliarjamax ukham luräwinakat qullqi mayiñax walikïpachati? Aka revistaw uka tuqit qhanañchtʼaski.” 22 janankki uka yatichäwi uñxattʼayäta.

Yatiyañataki Julio-septiembre

“Machjayir umañanak sapak umasax janiw khitirus jan waltʼaykäti sasaw yaqhipanakax amuyapxi. ¿Uka tuqit jumax kamstasa? [Kamsanis uk istʼäta.] Sint umañax jan amuyunwa jaqirux tukuyi, ukat jan parlañanak parlayi sasaw Bibliax qhanañchi [Proverbios 23:33 liytʼarapïta]. Sint umañax kuna jan waltʼäwinakarus puriyaraki, ukaw aka revistan qhanañchtʼasiski.” 4 janankki uka yatichäwi uñxattʼayäta.

¡Despertad! Julio

“Qullqi tuqit jan waltʼañanakaxa taqiniruw llakin uñjasiyi. Jan irnaqäwin uñjasipki ukanakax llakitaw jikxatasipxi, ukat irnaqäwinipki ukanakax jan irnaqäwinich uñjaskä sasaw llakisipxaraki. ¿Aka suma iwxtʼax yanaptʼistaspati? [Mateo 6:34 liytʼarapïta. Ukat kamsanis uk istʼäta.] Kunjamsa qullqis apnaqsna ukat kunjamatsa jan sint llakiskaraksna uka tuqit suma iwxtʼanakaw aka revistan utji.”