Revistanakat kunjamsa parltʼasma

Yatiyañataki Julio-septiembre

“Kʼari yupaychäwinkirinakax machjayir umañanak tuqit may may parlapxi. Ukampis ¿Diosax uka tuqit kamspachasa? [Kamsanis uk istʼäta.] Mä kutixa, Jesusax um vinoruw tukuyäna sasaw Bibliax qhanañchi, ukampis Bibliax akham iwxtʼarakistu, [Proverbios 23:20 liytʼarapïta]. Ukhamax machjasiñax janiw walïkiti, uka tuqitwa aka revistax sum amuytʼayaski.”

¡Despertad! Julio

“¿Diosar yupaychañ utanakanxa, warminakax chachanakjamarakit nayraqatar mistsusin Bibliat yatichapxaspa? [Kamsanis uk istʼäta.] Bibliax akham sasaw mä cristiana warmit parli, [Romanos 16:1 liytʼarapïta]. Ukat yaqha jiskʼa tʼaqanxa, tama taypin janiw nayraqatat warmix parlañapäkiti sarakiwa. Ukhamax ¿Bibliarjamax kunjamäñapasa? Uka tuqitwa aka yatichäwix sum qhanañchtʼaski.” 28 janankki uka yatichäwi uñxattʼayäta.

Yatiyañataki Julio-septiembre

“Walja jaqinakaw mä yupaychäwi ajlliwayapxi, ukampis ¿kawkïr yupaychäw ajlliñassa Diosax munpacha? [Kamsanis uk istʼäta ukat Mateo 15:9 liytʼarapïta.] Aka yatichäwinxa, pusi tuqitwa kunjamas chiqpach yupaychäwix uk qhanañchtʼi, ukasti Jesusan yatichäwiparjamawa.” 30 ukat 31 jananakankki uka yatichäwi uñxattʼayäta.

¡Despertad! Agosto

“¿Jehová Diosan Qhanañchirinakapampix parltʼirïtati? Jupanakampix parltʼpachätawa. Waljanis jan istʼañ munapkchixa, kunatsa utat uta yatiyir sarasipkaktan uk yaqhipax janiw sum amuyapkiti. ¿Kunatsa yatiyasipkaktxa uk jumax yattati? [Kamsanis uk istʼäta. Ukat Mateo 24:14 liytʼarapïta.] Jehová Diosan Qhanañchirinakapat waljaniw jan sum amuyapkiti, ukampis aka revistaw khitinakäpxtsa uk qhanañchtʼaski.”