¿Kunjamsa qullayasïta uk yattati?
Uraqpachanxa walja hospitalanakanwa jan wilamp uchasa operasipki. ¿Jan wilamp uchayasisaki qullayasiñatakix kuna yanaptʼanakas utji uk jumax yattati? Wakisiw yatiñamaxa, ukhamata kunjamsa operayasïta ukat qullayasïta uka tuqit mä suma amtar puriñamataki. Ukatakixa nayraqat La negativa a la sangre. La medicina acepta el reto sat video uñjañama. Ukatxa Diosat mayisisaw kunjams qullayasïta ukxa aka jisktʼanakampi yanaptʼayasisax mä amtar puriñama. Qhanañchäwi: Uka video uñjkasaxa awk taykanakax jiskʼa wawanakanïpxchi ukhax amuyasipxañapawa, kunattix yaqhip chiqanx jaqir operasipkirwa uñjasi.
1) ¿Kunatsa Jehová Diosan Qhanañchirinakapax wila janipun uchayasiñ munapki? 2) ¿Qullayasiñ tuqitxa kunsa Jehová Diosan Qhanañchirinakapax munapxi? 3) ¿Qullayasirinakax kuna derechonïpxisa? 4) Kawkïr yanaptʼanakampis qullayasiñäni ukxa suma amuytʼasisaw ajlliñasa, ¿kunatsa? 5) Maynit wilax walj mistsuspa ukhaxa, ¿kunjamsa qullirinakax pä tuqit jankʼaki usutar yanaptʼapxaspa? 6) Wila jan uchayasiñataki tuqitxa pusi yanaptʼanakaw utji, ¿kawkïrinakasa? 7) ¿Kunjamsa qullirinakax 1) wila jan sinti mistuñapatakix yanaptʼapxaspa, 2) glóbulos rojos satäkis uk jan ina chʼusar chhaqañapatakix yanaptʼapxaspa, 3) wila utjañapatakix yanaptʼapxaspa ukat 4) wila jan ina chʼusar tukusiñapatakix yanaptʼapxaspa? 8) Kunjamsa akanakax lurasi uka tuqit arstʼapxam: 1) hemodilución ukat 2) wila jan ina chʼusar tukusiñapataki yanaptʼanakata. 9) Wila jan uchayasiñatak yaqha yanaptʼanakax utjki ukanakatxa, ¿kunatsa sum yatxatañamax wakisispa? 10) ¿Walja horanak operapxi ukanakansa ukat wali chʼamäki uka kasta operacionanakansa, jan wila uchasaki operapxaspati? 11) ¿Kuna askinaksa doctoranakax lurasipki?
Biblian yatichäwinakaparjam yatichat concienciasarjamaxa, sapa cristianow videon uñachtʼayaski uka kasta qullayasiñanakampix qullayasiniti janicha uk amtxañapa. Ukhamaxa, ¿kunjamsa jumasa jiskʼa wawanakamasa qullayasipxäta uk amtxtati? ¿Directriz Anticipada para la Atención de la Salud (DPA) jan ukax Consentimiento Informado para la Atención Médica (CIAM) uka tarjetar kunjamsa qullayasiñ munta uk qillqantxtati? Janïr uk lurkasaxa, La Atalaya del 15 de junio de 2004 ukat 15 de octubre de 2000 “Preguntas de los lectores” siski uka qillqatanakwa sum amuytʼas liytʼañama. Ukxaruxa, aka qillqatanak liytʼañamarakiwa “¿Qué opino de las fracciones sanguíneas y de los procedimientos médicos que impliquen el uso de mi sangre?”, ukaxa Nuestro Ministerio del Reino de noviembre de 2006 ukankiwa. Kunjamsa qullayasïta uk amtañatakixa, uka qillqatanakaw yanaptʼätam. Kunapachatï mä amtar purïta ukhaxa tarjeta DPA jan ukax CIAM ukaruw qillqantxañama. Arxatirinakamasa (representantes) ukat Diosar jan luqtapki uka familiaranakamasa wila tuqit amtanakamatxa yatipxañapawa.