Yatiyañatak yanaptʼanaka

Abril phajjsin nayrïr sábado urun Bibliat yatichañ qalltañataki

“Biblia liytʼapjjañapatakiw chʼamañchtʼasipkta, ukampis ‘janiw amuyañjamäkiti’ sasaw waljanejj sapjje. ¿Jumajj ukhamarakit amuyta? [Kamsanis uk istʼäta.] Uka toqetjja, akawjanwa qhanañchi.” Yatiyañataki abril sat revistan qhep qhepa janan utjki uka yatichäwin nayrïr jisktʼapa ukat Bibliat apstʼat jiskʼa tʼaqapatwa uñakiptʼapjjäta. Ukat revistanak jaytasinjja, payïr jisktʼar qhanañchañatakejj kunürus kuttʼasma uk amtapjjäta.

Yatiyañataki Abril 1

“Jichhürunakanjja, kunayman jan waltʼäwinakaruw jaqenakajj saykatapjje, ukatwa waljanejj akham jisktʼasipjje: ‘¿Mä amtampi ukat kusisit jakasiñajj utjaspati?’ sasa. Ukhamajj sum jakasiñatakejja, ¿kunas jarkʼpachistu? [Kamsanis uk istʼäta.] Taqe jan waltʼäwinakaswa Diosajj chhaqtayjjani sasaw Bibliajj qhanañchi [Apocalipsis 21:4 liytʼäta]. Jutïr urunakatakejj kuna suytʼäwinïtansa ukat kunjamsa jichhürunakanjj mä suma amtampi jakassna uka toqetwa aka revistajj qhanañchaski.”

¡Despertad! Abril

“Jichhürunakanjja, walja familianakaw nuwasisa, jan ukajj toqesisa jakapjje, ¿kunatsa ukhamäpacha? Waljaniw jan walinakan jilsuwayapjje ukat kʼuchirtʼäwinakapajj kunayman nuwasiñanakanïtap laykuw ukhamäpjje, sasaw waljanejj sapjje. ¿Jumajj ukhamarakit amuyta? [Kamsanis uk istʼäta.] Bibliarjamajja, kunjamsa chacha warminakajj apasipjjañapa ukwa liytʼañäni [Efesios 5:33 liytʼäta]. Kunjamsa Biblian yatichäwinakapajj walja chacha warminakarojj jan walinakat mistuñatak yanaptʼawayi, ukwa aka revistajj qhanañchaski.”