Ester warmejj mayninakan askip thaqhasaw Diosan markapar arjjatäna

Esterajj markapar arjjatasajj mayninakan askip thaqherïtapa jan ajjsartʼirïtap uñachtʼayäna

8:3-5, 9

• Esterampi Mardoqueompejj jarkʼaqatasipkänwa, ukampis Amán chachajj judionakar jiwayasiñapawa sasin ley apskäna ukajj niyaw taqe cheqar puriñampïskäna.

• Esterajj jakäwip aptʼasirjamäkasas reyin nayraqatapar uñstiriw saräna. Walpun markapat jachaqtʼasïna, uka ley chhaqtayañapatakis reyir achiktʼasirakïnwa.

• Niyakejjay leyinakajj jan mayjtʼayasiñapäkchitejja, reyejj Esterampiru Mardoqueompiruw yaqha ley apsuñapataki mayïna.

Jehová Diosaw markapar yanaptʼäna

8:10-14, 17

• Machaq leyirjamajja, judionakajj enemigonakapat jarkʼaqasipjjaspänwa.

• Carta apirinakajj taqe judionakar yatiyiriw sarapjjäna, jupanakajj nuwasiñatakiw wakichtʼasipjjarakïna.

• Jehová Diosajj kunjamsa markapar jarkʼaqäna uk uñjasajja, waljaniw judionakan religionapar tukjjapjjäna.