¿Kunsa jumajj Bibliat amuyta?

¿KUNSA BIBLIAJJ YATICHI?

“Taqpach Qellqatajj Diosan amuytʼayatawa” (2 Timoteo 3:16, Machaq Mundon Jakirinakataki).

¿KUNJAMSA UK YATIÑAJJ YANAPTʼÄTAM?

Jisktʼanakamajj suma qhanañchatäniwa (Proverbios 2:1-5).

Sum jakasiñatakiw yanaptʼätam (Salmo 119:105).

Jutir urunak suma chuymamp suytʼañamatakiw yanaptʼätam (Romanos 15:4).

¿KUNTÏ BIBLIAJJ YATICHKI UKAJJ CHEQAW SISSNATI?

Jïsa, uk kimsa toqet uñjañäni:

• Janiw may may parlir librökiti. Bibliajj 1.600 maranakanwa qellqasiwayi, mä 40 chachanakaw Biblia qellqawayapjjaraki. Jupanakat waljanejj janiw uñtʼasipkänti. Ukampis Bibliajj janiw may may parlkiti, qalltat tukuykamajj mä toqetakwa parli.

• Biblia qellqerinakajj jan kun imtʼasaw qellqapjjäna. Yaqha libronak qellqerinakajja, markapan pantjasitanakap imtʼapjjewa. Ukampis Biblia qellqerinakajja, juchanakapsa ukat markapan pantjasitanakapsa qellqapjjänwa (2 Crónicas 36:15, 16; Salmo 51:1-4).

• Profecianakapajj phoqasipuniwa. Jutaniw sat Mesiasajja, Belén markanwa nasini sasaw Bibliajj 700 jila maranak nayrajj qhanañchjjäna. Uka markajj Judá oraqenkir mä jiskʼa markänwa (Miqueas 5:2). ¿Kawkinsa Jesusajj naspachäna? ¡Belén sat jiskʼa markanwa nasïna! (Mateo 2:1-6).

  Yaqha profecianakajj ukhamarakiw sum phoqasiwayi. Cheqansa, Diosan Arupajj phoqasipuniwa (2 Pedro 1:21).