Sección 11 ukan qalltapa

Aka seccionanjja Griego Arut Qellqatanakatwa yatjjataskañäni. Jesusajja mä jiskʼa markan jakasir pobre familianwa nasïna. Carpintero tatapampiw trabajirakïna. Jesusajj jaqenakar salvañatakiw jutäna. Jehová Diosajj alajjpachankir Reinon Reyipäñapatakiw jupar ajllïna. Jumatï wawanakanïstajja, akanak amuyapjjañapatakiw yanaptʼañama: Jesusan sum jilsuñapatakejja Diosajj wali amuyumpiw jupar servir mä suma familia ajllïna. Herodesajj jiwayañ munkäna ukhasa Diosaw jarkʼaqäna, Diosan amtanakapajj phoqasipuniwa, janiw khitis jarktʼkaspati sasaw qhanañchtʼäta. Jehová Diosajja Jesusan thakip wakichañapatakejj Juan chacharuw ajllïna. Jesusajj jiskʼatpachwa Jehová Diosan yatichäwinakapar munasïna, Diosampipuniw irpayasirakïna sasaw sum yaticharakïta.