Sección 12 ukan qalltapa

Jesusajj alajjpachankir Reinotwa parläna. Diosar orasiñsa akham yatichäna: ‘Diosan sutipajj jachʼañchatäpan, Reinopajj jutpan, munañamajj aka oraqen phoqaspan’ sasa. Jumatï wawanakanïstajja, uka oracionajj kamsañsa muni, kunatsa jakañ vidasan wali wakiskiri ukwa qhanañchäta. Jesusajj janiw Supayampejj Diosat apaqayaskänti. Jesusajj apostolonak ajllïna, jupanakaw Reinonkañatak nayrïr ajllitanakäpjjäna. Jesusajj yanaptʼañ laykojj usutanakaruw qolläna, manqʼat awtjatanakaruw manqʼayäna, yaqhep jiwatanakarus jaktayänwa. Uka milagronak lurasajja, kunjamsa Reinojj jaqenakar yanaptʼani ukwa uñachtʼayäna.