“Jehová Diosaw Awatirijajja”

1. Diosajj Awatirijawa,

nayajj juparuw arkä.

Jupaw chuymajsa sum yatitojj,

yanaptʼapunitaniw.

Suma pastonakaruwa

jupajj irpasitani.

Munasiñampiw uñjasitanejj

ukajj kusisiyituw.

Jupajj munasiñampipuniw

awatirakitanejj.

2. Chʼamak ajjsarkañ thakinjja

Jupaw nayampïskanejj.

Varapampiw Awatirijajj

sum uñjarakitanejj.

Sutip jachʼañchapunïwa,

Jupaw yanaptʼitanejj.

Jan ajjsarasaw taqe chuym arkä,

jupajj munat Diosajaw.

Jan ajjsaras juparuw arkä,

jupajj munasir Diosaw.

3. Jehová, munasiñampiwa

jumajj awatisistajj.

Jan waltʼäwins chʼamañchtʼasistaw,

llakins chuymachtʼasistaw.

Jumajj jakkir Diosätawa,

jan jaytjasir Diosätaw.

Munasiñamajj wiñayatakiw,

sapüruw jachʼañchämajj.

Jumajj wali munasirïtaw,

ukat wal yuspäransmajj.