CANCIÓN 124
Diosatsa jilat kullakanakats jan jitheqtañäniti
Kunjamtï imprimitäki ukham uñjañataki
1. Janipuni Diosasata
jitheqtapjjañäniti.
Arupatsa taqeniwa
sum yatjjatapjjañasajj.
Suma ewjjanakaparu
istʼapjjañasapuniw.
Juparojja taqe chuyma
wal confiyapjjañasaw.
2. Taqenisa mä wawaki
sum sarnaqapjjañasaw.
Jan walinsa jankʼakiwa
yanaptʼasipjjañasajj.
Jilat kullakanakaru
wal munasipjjañasaw.
Ukhamatwa Diosarojja
kusisiyapjjañänejj.
3. Taqe chuyma istʼañäni
irpirinakasaru.
Ewjjtʼatasa kun satasa
jankʼakiw istʼañasajj.
Taqe jupanakarojja
respetomp uñjañasaw.
Ukhamatwa Diosasajja
bendición churistanejj.
(Uñjjattʼarakismawa Sal. 149:1; 1 Tim. 2:8; Heb. 13:17.)