Fácil amuykañwa yatichañasa

Kunsa Jesusajj luräna

VIDEO: Kunjamsa Jehová Diosajj cuidistu uk Jesusajj mä uñachtʼäwimpiw yatichi

1. VIDEO uñtäta, jan ukajj Mateo 6:25-27 liytʼäta. Ukatsti, aka jisktʼanakaruw qhanañchtʼäta:

1. ¿Jehová Diosajj kunjamsa cuidistu uk kuna uñachtʼäwimpis Jesusajj yatichäna?

2. Jesusajj jamachʼinakat walsa yatkchïnjja, ¿kunatsa kuntï facilak amuyapkaspa ukampik yatichäna, ukat ukham yatichatapajj wali askïnwa sasajj kunatsa sissna?

¿Kunsa Jesusat yateqassna?

2. Jiwasatï fácil amuykañ parlañäni ukhajja, kuntï yatichkañäni uk janiw jaqenakajj armapkaniti, chuymaparuw purtʼarakini.

Jesusat yateqasim

3. Janiw sint parlañamäkiti. Kuna toqettï yatichaskta uka toqet janiw taqe kunpun qhanañchañamäkiti. Jan ukasti, yatichaskta uka qellqatan kunanakatï utjki ukakwa yatichañama. Mä jisktʼa lurasajja, pacienciampiw arstʼañapatak suytʼañama. Ukampis jan qhanañchañ puedkani, kunatï jan Bibliarjamäki uk sani ukhajj ¿kunsa lurasma? Sum qhanañchtʼañapatakejj yaqha jisktʼanakwa lurasma. Yateqeritï kuna toqetsa yatichaskta uk sum amuyjjani ukhajja, yaqha puntoruw pasjjañama.

4. Yateqerimajj kuntï yatjje ukampiw machaq yatichäwinak amuytʼayañama. Sañäni, jiwatanakajj jaktanipkani uka yatichäwit yatjjatañajj waktʼapjjstam ukhajja, maynejj jiwjje ukhajj kunas pasi uka toqet kunanaksa yateqerimajj yatjje ukwa mä rato repastʼapjjasma.

5. Kuna uñachtʼäwinakampis yatichäta uk sumwa ajlltʼañama. Janïr mä uñachtʼäwit parlkasajj akhamwa jisktʼasiñama:

1. “¿Fácil amuykañati?”.

2. “¿Yateqerijajj facilakti amuyani?”.

3. “¿Uka uñachtʼäwimpejj kuntï yatichañ munkta uk amtaniti, jan ukajj uñachtʼäwikcha amtani?”.