BIBLIA TOQET JISKTʼANAKA
¿Kunsa Jesusajj jutïrin lurani?
Khä 33 jichha pacha maranwa, Jesusajj jiwäna ukat jaktjjasinjja, alajjpacharuw sarjjäna. Walja maranak qhepatsti Reyjam uttʼayatäjjarakïnwa (Daniel 7:13, 14). Jutïrinjja aka Oraqerojj sumankañwa apanini ukat pisin jakasiñsa chhaqtayjjarakiniwa. (Salmo 72:7, 8, 13 liytʼäta.)
Jesusajj apnaqjjani ukhajja, ina chʼusat tʼaqhesiñanakajj janiw aka Oraqen utj-jjaniti
Jesusajj aka Oraqjjaru apnaqjjani ukhajja, walja askinakwa lurani. Jehová Diosan chʼamapampiw jaqenakan juchanakap qʼomachjjani. Taqeniw aka Oraqen kusisita ukat jan chuymankipstas wiñayatak jakasjjapjjarakini. (Juan 5:26-29 ukat 1 Corintios 15:25, 26 liytʼäta.)
¿Kunsa Jesusajj jichhürunakan luraskpacha?
Arkirinakapajj Oraqpachan Diosan arunakap yatiyasipki ukwa pʼeqtʼaski. Jupanakajja, kuntï Bibliajj Diosan Reinopat qhanañchki ukwa jaqenakar visittʼas yatichapjje. Ukat Diosan Reinopajj taqe gobiernonakar tukjkani ukhakamaw yanaptʼasipkäma sasaw Jesusajj arkirinakapar säna. (Mateo 24:14 ukat 28:19, 20 liytʼäta.)
Jesusajj cristian tama toqew jaqenakarojj sum jakasipjjañapatak yanaptʼi. Ukat akapacha tukjaskani ukhasa ukat Paraisonsa servirinakaparojj yanaptʼaskakiniwa. (2 Pedro 3:7, 13 ukat Apocalipsis 7:17 liytʼäta.)