‘Llampʼu chuymaninakaw oraqe katoqapjjani’

Jiwasat waljaniw kunjamsa jan walinakajj lurasi, suma chuymani jaqenakas tʼaqesipjje uk uñjtanjja. Jan walinakasa tʼaqesiñanakasa, ¿utjaskakpachäniti?

Bibliaw uka jisktʼarojj qhanañchi, kunsa lurañasa uksa sarakistu. Salmo 37 qellqatajj kunjamsa aka jisktʼanakar qhanañchi uk amuytʼañäni:

¿Kunsa chuym ustʼayatajj lurañasa? (versículos 1, 2).
¿Kunas jan wali jaqenakar pasani? (versículo 10).
¿Llampʼu chuymani jaqenakajj kunjamsa jutïrin jakasipjjani? (versículos 11, 29).
¿Kunsa lurañasa? (versículo 34).

Salmo 37 qellqatarjamajja, Jehová Diosar ‘taqpach chuymamp suytʼirinakasa’, Jupar istʼirinakas wali sumaw jutïrin jakasipjjani. Jumasa familiamasa jutïrin sum jakasipjjañamatakejj kunsa lurapjjañama ukjja, Jehová Diosan Testigonakapaw Bibliamp yatichapjjeristam.

Jehová Diosajj jutïritak kuna amtanisa uk jukʼamp yatjjatañatakejja, ¡Wiñayatakiw kusisit jakasisma! sat folletompiw Bibliat yatichayasisma, ukajj Jehová Diosan Testigonakapan luratawa. Internetan jw.org cheqanwa utjaraki.