Revistanakat kunjamsa parltʼasma

Yatiyañataki Enero-Marzo

“¿Kunjamatsa maynix suma awkïspa? [Kamsanis uk istʼäta.] Uka tuqit kamsis Bibliax uk uñjañäni [Colosenses 3:21 liytʼarapïta]. Aka yatichäwinxa kunjamsa awkinakax wawanakapar sum uñjapxaspa ukanakwa suxta tuqit qhanañchtʼaski.” 18 janankkis uka yatichäwi uñxattʼayäta.

¡Despertad! Febrero

“¿Kamsasmasa? ¿Kunjamsa jakañäni ukax qillqatäxpachati? [Kamsanis uk istʼäta.] Kunjamtï Bibliax akan siskixa, mayniw jakäwip ajllispa [Deuteronomio 30:19 liytʼarapïta]. Bibliat apstʼat aka yatichäwix wali askïniw jumatakixa, ukansti jakäwisax qillqatäxit janich uka tuqit qhanañchtʼaski.” 12 janankkis uka yatichäwi uñxattʼayäta.

Yatiyañataki Enero-Marzo

“¿Kunatsa qʼum sarnaqasiñax wali askïpacha? [Kamsanis uk istʼäta.] Diosan Arupax uka tuqit kamsisa uk uñxattʼañäni [Deuteronomio 23:12, 13 liytʼarapïta]. Kunatsa qʼum sarnaqañax wali wakiskirixa ukat Diosax kamsisa qʼuma sarnaqasiñ tuqitxa ukwa aka yatichäwix Bibliampi qhanañchi.” 9 janankkis uka yatichäwi uñxattʼayäta.

¡Despertad! Marzo

“Jichha tiempon qullqi tuqit pistʼañanakaw utji, ¿waljanixay qullqit llakthapisipxixa? [Kamsanis uk istʼäta.] Bibliat apstʼat aka suma iwxtʼäwi uñxatañäni [1 Timoteo 6:8, 10 liytʼarapïta]. Wali amuyump qullqi apnaqañatakisa jan llakini jakasiñatakisa Biblianwa suma iwxtʼanakax jikxatasi, uka tuqitwa aka revistax qhanañchtʼaski.”