Revistanakat kunjamsa parltʼasma

Yatiyañataki Abril-Junio

“Jesusan yatichäwinakapax wali askipuniw sasaw walja jaqinakax sapxi. ¿Aka qillqatan yatichäwipax aka tiemponakatakix askikïskpachati? [Mateo 7:12 liytʼarapïta. Ukat kamsanis uk istʼäta.] Ukampis Jesusax janiw suma iwxanakak churkänti. Jan ukasti, Diosat kunatï chiqäki ukat Diosan Apnaqäwipakiw tʼaqhisiñanaks chhaqtayani sasaw qhanañchtʼarakïna. Aka yatichäwiw kuntï jupax yatichkäna uk qhanañchtʼaski.” 6 janankki uka yatichäwi uñxattʼayäta.

¡Despertad! Abril

Salmo 37:9-11 liytʼasaxa akham jisktʼäta: “¿Aka arunakax phuqasini ukhax kunjamäxanis aka Uraqix uk amuytʼasmati? [Kamsanis uk istʼäta.] Aka yatichäwiw uka chuymachtʼkir profeciata ukat kunatsa akapachanx jan waltʼäwinakax wal utjpacha uk qhanañchtʼaski”. 20 janankki uka yatichäwi uñxattʼayäta.

Yatiyañataki Abril-Junio

“Jesusax janiw jiwkänti, jan ukax jaqichasisin wawanakanïxänwa sasaw yaqha qillqirinakax sapxi. ¿Ukham parlir istʼirïtati? [Kamsanis uk istʼäta.] Ukax chiqäpachäti janicha uk yatiñax wakiskiriwa [Juan 17:3 liytʼarapïta]. Kunatsa kuntï Bibliax Jesusxat siski ukax chiqäskapuniw sasax sissna, ukaw aka yatichäwin qhanañchtʼasiski.” 26 janankki uka yatichäwi uñxattʼayäta.

¡Despertad! Mayo

“Waljaniw cigarro pitañ jaytxañ munapxi, ukampis janiw puedepkiti. ¿Jumax cigarro pitañ jaytañ munirir inas uñtʼaraksta? [Kamsanis uk istʼäta.] Uk jaytxañatakix yaqhiparux familiapa ukat amigonakapaw yanaptʼawayi [Eclesiastés 4:12 liytʼarapïta]. Kunjamatsa cigarro pitañ jaytxañapatakix maynirux yanaptʼsna uka iwxtʼanakaw aka revistan jikxatasi.”