Revistanakat kunjamsa parltʼsna

Yatiyañataki Julio-Septiembre

“Yaqhip jaqinakaxa aka uraqix tukjatäniw sapxiwa, ¿uka tuqit kamsasmasa? [Kamsanis uk istʼäta.] Bibliax uka tuqit kamsisa uk uñjañäni [Mateo 24:6, 7 liytʼarapïta]. Jesusax kuna tuqitsa parlaskäna ukwa aka yatichäwix qhanañchi.” Ukat 16 janankki uka yatichäwi uñxattʼayäta.

¡Despertad! Julio

“Suma wawanakax kuntï awk taykapax yatichawayapki ukarux wali askit uñjapxi. Ukampis ¿kawkïr yupaychäwirutï awk taykasax jiskʼatpach irpapkistu uka yupaychäwix kunjamäpachas uk jukʼampi yatxatañax juchäspati? [Kamsanis uk istʼäta. Ukat 1 Juan 4:1 liytʼarapïta.] Yaqha yupaychäwir sarxañax juchäspati janicha ukwa aka yatichäwin qhanañchi.” Ukat 28 janankki uka yatichäwi uñxattʼayäta.

Yatiyañataki Julio-Septiembre

“Jichhürunakanxa, ¿kunjamsa awk taykanakax qʼaxu wayn tawaqunakar sum jakasipxañapatak wakichtʼapxaspa? [Kamsanis uk istʼäta.] Diosan Arupax akham siwa [Proverbios 22:6 liytʼarapïta]. Aka qillqatax awk taykanakatakix wali wakiskir iwxanakaniwa.” Ukat 10 janankki uka yatichäwi uñxattʼayäta.

¡Despertad! Agosto

“Yaqha kastätas laykux jiskʼachataw awisax uñjastanxa. ¿Ukham uñisita uñjastan ukhax Diosax kamspachasa? [Kamsanis uk istʼäta. Ukat Hechos 10:34, 35 liytʼarapïta.] Yaqha kastätas layku jiskʼachatas tʼaqhiskstanxa, kunjamsa nayrar sarantaskaksna ukwa Bibliax yatichistu. Ukat yaqhanakar jan jiskʼachirïñasatakis yanaptʼistuwa. Uka tuqitwa aka revistax qhanañchtʼaski.”