¿Kunatsa Diosan arunakap yatiytanjja? uk 12 toqet uñjañäni

¿Kunatsa Diosan Arunakap utat uta yatiytan ukat Bibliats yaticharaktanjja? ¿Jakañar apir thak jikjjatapjjañapatakit yanapttʼanjja? (Mat. 7:14.) Cheqas ukaw aka aynachan utjki uka listanjj nayraqat uñsti, ukampis ukat sipansa jukʼamp wakiskiriw utji. Ukhamajj uka listat ¿kawkïripunis jukʼamp wakiskirejja?

1. Taqe jaqenakan qhespiyasipjjañapatakiwa (Juan 17:3).

2. Jan wali jaqenakan amuyasipjjañapatakiwa (Eze. 3:18, 19).

3. Biblian profecianakapwa phoqhe (Mat. 24:14).

4. Diosajj cheqapar taqe kuns uñjirïtapwa uñachtʼayi. Kunapachatï, Diosajj jan wali jaqenakar tukjkani ukhajja, janiw khitis nayajj janiw yatkayätti sasajj siskaniti (Hech. 17:30, 31; 1 Tim. 2:3, 4).

5. Yatiyasajja, jaqenakar ajay toqet yanaptʼañasäki uk phoqhañasatakiw yanaptʼistu, kunatejj jupanak laykuw Jesucristojj wilap wartasiwayi (Rom. 1:14, 15).

6. Jan wali jaqenakan jiwatapatjja, janiw juchañchatakañäniti (Hech. 20:26, 27).

7. Jiwasan qhespiyasiñasatakiw uk phoqaraktanjja (Eze. 3:19; Rom. 10:9, 10).

8. Qhawqsa jaqenakar munastan uk uñachtʼayañatakiw yanaptʼistu (Mat. 22:39).

9. Uk lurasajja, Jehová Diosaru ukat Jesusar istʼataswa qhan uñachtʼaytanjja (Mat. 28:19, 20).

10. Ukampejj Jehová Diosaruw yupaycharaktanjja (Heb. 13:15).

11. Qhawqsa Jehová Dios awkisar munastan uk uñachtʼayañatakiw yanaptʼarakistu (1 Juan 5:3).

12. Diosan qʼoma sutip jachʼañchasiñapatakiw yanaptʼaraki (Isa. 43:10-12; Mat. 6:9).

Cheqas janiw ukanak laykuk yatiyir sarktanti. Jan ukasti, yatiyasajj Jehová Diosar yanaptʼatas uñachtʼayaraktanjja ukat iyawsäwisas jukʼamp chʼamachtʼataw uñjasiraki (1 Cor. 3:9). Ukampisa, tunka payanïkis ukaw jukʼamp askejja. Ukat jaqenakajj janis istʼapkchinejja, yatiyasajj Diosan sutipwa jachʼañchtanjja. Ukham lurasinjja, qallasiripar saykatañapatakiw Jehová Diosarus yanaptʼaraktanjja (Pro. 27:11). Ukhamajja, Diosan suma yatiyäwinakapat ‘yatichañsa, parlañsa janipun amuktʼañäniti’ (Hech. 5:42).