Internetan utjkistu uka cheqajja: Bibliat sapaki jan ukajj familiamp yatjjatañatakejj wali askiwa
Qhep qhepa revistanak Internetan liytʼma. Yatiyañataki ukat ¡Despertad! sat revistanakjja, tamar puriniñapatak walja semananak faltkipanwa Internetan liytʼasma. Ukat grabatanak utjki uksa istʼarakismawa. (“Publicaciones/Revistas” siski uka cheqar mantam.)
Aka yatichäwinakjja, Internetanakwa liytʼasma. “El rincón del joven”, “Mis primeras lecciones de la Biblia”, “Actividades para la familia” ukat “Los jóvenes preguntan” sat yatichäwinakajja, Internetanakwa mistjje. Bibliat sapak yatjjatañatakisa ukat familpach Bibliat yatjjatañatakisa Internetanwa yatjjatasma. (“Enseñanzas bíblicas/Niños” jan ukajj “Enseñanzas bíblicas/Jóvenes” siski uka cheqar mantam.)
Qhep qhepa yatiyäwinak yatjjatam. Chuymachtʼkiri suma yatiyäwinaka, experiencianaka liytʼma ukat kunjamsa Diosan arunakapajj oraqpachan yatiyasiski uk mä qhawqha minutonakan uñjañatak video utjki uksa uñjarakismawa. Ukat kuna jan waltʼäwinakas pasaski, jan ukajj kawkhansa jilat kullakanakajj arknaqat uñjasipjje, taqe ukanakatwa yatjjatasma. Ukhamatwa jupanakar Jehová Diosajj yanaptʼañapatak mayisma (Sant. 5:16). (“Noticias” siski uka cheqar mantam.)
Biblioteca en línea siski ukar yatjjatañatak mantam. Uka yanaptʼatï arumat utj-jjchi ukhajja, apnaqañ jiskʼa aparatomatwa Diosan Arupat sapüru yatxatañataki sat qellqat liytʼasma, jan ukajj jichhak mistki uka qellqatanakatsa yatjjatarakismawa. (“Publicaciones/Biblioteca en línea” siski uka cheqar mantam, jan ukajj Internetaman mantañataki mä cheqajj utjki ukaru www.wol.jw.org sas qellqtʼma.)
[4 janan diagramapa]
(Sumpach amuytʼañatakejj qellqatan mistki uk uñjjatañamawa)
Akhamatwa mantasma
1 Fotoruw jan ukajj “Descárguela” siski ukaruw chʼetjjtayañama. Ukat fotojj PDF formatoruw uñstani, mä arunjja, kunjamäkitï mä revistajj ukhamaw uñstani. Ukat imprimisajj wawanakamampiw lurañama.
2 Video uñjañatakejja, “Play” siski ukar chʼetjjtayma.