Yatiyañatak yanaptʼanaka
Julio phajjsin nayrïr sábado urun Bibliat yatichañ qalltañataki
“Taqeniw wiñay kusisit jakasiñ munapjje. ¿Ukham jakasiñ munasmati? Cheqas ¿ciencia toqet yatjjattʼatanakas ukat doctoranakas wiñay jakañ churapjjestaspati?” [Kamsanis uk istʼäta.] Ukjjarusti, Yatiyañataki julio sat revistan 16 janan utjki uka yatichäwin nayrïr tʼaqapata ukat Bibliat apstʼat jiskʼa tʼaqanak utjki ukanakat mays uñakiptʼapjjapunïtawa. Ukat revistanak jaytasinjja, ukjjankki uka jisktʼar qhanañchañatakiw kunürus kuttʼasma uk amtawayapjjäta.
Qhanañchäwi: Uka demostracionajj julio phajjsin 6 uru saraqataruw yatiyir mistuñatak tantachäwin lurasiñapa.
Yatiyañataki Julio 1
“Walja jaqenakaw ‘nayajj religionanïtwa’ sasin sapjje. Ukat yaqhanakasti ‘janiw religionanakar atiniskti’ sasaw sapjjaraki. Uka toqet ¿jumajj kamsasmasa? [Kamsanis uk istʼäta.] Kawkïr yupaychäwis walïspa uk sum amuyañasatakejj Jesusajj akham sänwa [Lucas 6:44 liytʼäta.] Aka revistanwa kuna jan walinaksa religionanakajj lurasipki uk mä qawqha qhanañchi, ukat aka jisktʼarus qhanañcharakiwa: ‘¿Mä atiniskay religionajj utjpachati?’.”
¡Despertad! Julio
“Jichhürunakan taqe kunas janiw cheqapar lurasjjeti, ukaw jaqenakarojj wal llakisiyi. Ukatwa uka jan walinak chhaqtayañ munasajj gobiernonak contra saytʼasipjje. ¿Jumajj uka toqet kamsasmasa?, ¿ukham saytʼasipjjatapajj llakinakap chhaqtayaspati? [Kamsanis uk istʼäta.] Cheqansa, kunakis uka jan walinak chhaqtayani uk Bibliaw sum qhanañchistu [Mateo 6:9, 10 liytʼäta]. Ukat aka revistanwa aka jisktʼan qhanañchäwip jikjjatarakïta ‘¿Solucionan algo las protestas?’.”
Diosan apayanit suma yatiyäwinaka
“Bibliat apstʼat mä suma yatiyäwi jumatak apaniwayapjjta. Niyakejjay Diosajj wali munasirïchejja, ¿kunatsa tʼaqhesiñanaka utjayaskakpacha?, sasaw waljanejj jisktʼasipjje. Ukhamajj ¿tʼaqhesiñasatakit Diosajj aka Oraqer jaytpachistu?” Kamsanis uk istʼäta ukat 5 yatichäwin jikjjataski uka pä nayrïri tʼaqanaka ukat Bibliat liytʼañataki altʼayat letranak utjki ukanak liytʼasinwa qhanañchtʼäta. Ukat folleto jaytawayasinsti ukjjankki uka chʼiyartʼayat jisktʼar qhanañchañatakejj kunürus kuttʼasma uk amtapjjarakïta.