Yatiyañatak yanaptʼanaka

Julio phajjsin nayrïr sábado urun Bibliat yatichañ qalltañataki

“Diosajj oracionanakas ¿kunjamsa uñjpacha? ¿Jupatak askïpachati, jan ukajj aleqakich istʼpacha?” Kamsanis uk istʼäta. Ukatjja, Yatiyañataki julio 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Ukat revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Julio 1

“Niyakejjay Diosajj Taqe Chʼamanïchejja, Oraqpachan jan walinak utjki ukanakat ¿Jupat juchanïpacha? [Kamsanis uk istʼäta ukat Santiago 1:13 liytʼäta.] Kunatsa jan walinakajj utji, jan walinakampi tʼaqhesiñanakampi chhaqtayañatakejj kunsa Diosajj lurani ukanakatwa aka revistajj qhanañchaski.”

¡Despertad! Julio

“Jila partejja, kuna jan walinsa uñjasipuntanwa, sañäni: Oraqen jan waltʼäwi utjipansa, usuntasinsa jan ukajj mä munat familiarasan jiwipansa. Ukhamanakan uñjaskasas, jan aynachtʼañajj ¿walïspati? [Kamsanis uk istʼäta.] Ukham jan waltʼäwinakar saykatañatakejj Bibliaw waljanirojj yanaptʼawayi [Romanos 15:4 liytʼäta]. Ukham jan waltʼäwinakanjja, kunjamsa Bibliajj yanaptʼistaspa ukwa aka revistajj qhanañchaski.”