Yatiyañatak yanaptʼanaka

Febrero phajjsin nayrïr sábado urun Bibliat yatichañ qalltañataki

“Waljaniw Bibliarojj Diosan Aruparjam uñjapjje, ukampis yaqhepatakejj aleq librokïkaspas ukhamawa. ¿Jumajj kamsasmasa?” Kamsanis uk istʼäta. Ukatjja, Yatiyañataki febrero 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Ukat revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Febrero 1

“Guerranak jan utjañap taqeniw muntanjja. Ukampis ¿guerranakajj jan mayampitak chhaqtjjaspati? [Kamsanis uk istʼäta.] Bibliajj uka toqet akham siwa [Salmo 46:9 liytʼäta]. Janis cheqaw sañjamäkchejja, kuntï Nayrïr Jachʼa Chʼajjwäwin pasawaykäna ukat uka qhepats pasawayki ukaw Jehová Diosajj kuntï arsuwayki uk phoqapuniniw sasin atinisiñatak yanaptʼistu. Aka revistaw uka toqet qhanañchaski.”

¡Despertad! Febrero

“Kunatï walja jaqenakar llakisiyki uka toqetwa jumamp parltʼir jutta. Waljaniw ‘janiw kunatakis tiempojj utjkituti’ sasin sapjje, ¿kunatsa ukhamäpacha? ¿Walja lurañanakapunit utjpacha? ¿Jan ukajj ina chʼusarukich tiempo aptʼasipkpacha? [Kamsanis uk istʼäta.] Tiempos jan ina chʼusar aptʼasiñatakejj Biblian aski ewjjtʼanakaw utji, ukampis waljaniw uk jan yatipkiti. Uka ewjjtʼanakat maynïrejj akawa [Filipenses 1:10 liytʼäta]. Ukat tiempos jan ina chʼusar aptʼasiñatakejj kuns lursna ukwa aka revistan pusi toqet qhanañchi.”