Yatiyañatak yanaptʼanaka

Mayo phajjsin nayrïr sábado urun Bibliat yatichañ qalltañataki

“¿Khitis aka Oraqe apnaqpacha? sasaw vecinonakamar jisktʼasipkayäta”. Kamsanis uk istʼäta. Ukatjja Yatiyañataki mayo 1 sat revistan qhep qhepa janan utjki uka yatichäwin nayrïr jisktʼapatwa yatjjattʼapjjäta, ukat Bibliat apstʼat mä jiskʼa tʼaqsa liytʼapjjarakïtawa. Ukat revistanak jaytasinjja, ukjjankki uka jisktʼar qhanañchañatakejj kunürus kuttʼasma ukwa amtawayapjjäta.

Yatiyañataki Mayo 1

“Kunanakas jutïrin pasani ukanakat waljaniw yatjjatañ munapjje. Jumajj uka toqet lupʼisajj ¿kusistati jan ukajj llakisjjaktacha? [Kamsanis uk istʼäta. Ukat “Diosajj jutïr urunakat kamsisa” siski uka recuadrot Biblian mä jiskʼa tʼaqap liytʼäta.] Jehová Diosajj kunanakaw pasani sispachänsa ukat kunatsa ukajj phoqasipuniniwa sasajj sissna ukwa aka revistan mä qawqhanak qhanañchaski.”

¡Despertad! Mayo

“Llakinakampi jan aynachtʼañatakejj ¿kun lurañas wakisispa? Uka toqetwa vecinonakamampi parltʼasipkayäta. ¿Nayra maranakat sipansa, jaqenakajj jukʼamp llakitakit sarnaqjjapjjpacha? ¿Jumajj kamsasmasa? [Kamsanis uk istʼäta.] Biblian utjki uka suma ewjjtʼanakaw walja jaqenakarojj llakimp jan aynachtʼañatakejj yanaptʼawayi. Ukanakak mayit uñachtʼayäma. [Mateo 6:34 liytʼäta.] Pusi toqenakat llakejj aynachtʼaykistu ukar atipjañatakejj kunjamsa Biblian ewjjtʼanakapajj yanaptʼistaspa ukwa aka revistajj qhanañchaski.”

Qhanañchäwi: Uka qellqatatjja, negocionïpki ukanakaw jukʼamp yatjjatañ munapjjaspa.