Yatiyañatak yanaptʼanaka

Marzo phajjsin nayrïr sábado urun Bibliat yatichañ qalltañataki

“Jesusan jiwäwipaw abril 14 urun amtasiskani, ukatakiw mä invitación apanirapsma. Walja jaqenakajja Jesusan jiwäwip wali askitwa uñjapjje, ukatwa jiwäwip amtañatak tantachasipjje, ukampis yaqhepanakajja, uk amtañajj askïpachati janicha uk janiw sum amuyapkiti. ¿Jumajj kamsasmasa, Jesusan jiwäwipajj sapa maynitak askïpachati?” Kamsanis uk istʼäta. Ukat Yatiyañataki marzo 1 sat revistan qhep qhepa yatichäwipwa uñachtʼayäta ukat nayrïr jisktʼapa ukat Bibliat apstʼat jiskʼa tʼaqapatwa uñakiptʼapjjäta. Ukat revistanak jaytasinjja, payïr jisktʼar qhanañchañatakejj kunürus kuttʼasma uk amtapjjäta.

Yatiyañataki Marzo 1

“¿Diosajj kunatsa ina chʼusat tʼaqhesiñanaka ukat jan walinak jan jankʼak tukjpacha? sasaw waljanejj jisktʼasipjje. ¿Jumajj uka toqet kamsasmasa, Diosajj janit ukanakat llakiskpacha, jan ukajj tʼaqhesktan ukajj jiwasatak askïkaspas ukhamcha amuypacha? [Kamsanis uk istʼäta. Ukat Juan 3:16 liytʼäta.] Diosajj jiwasanakat llakisiwa sañatakejja, waljaniw uka jiskʼa tʼaqa aytapjje, ukampis Jesusan jiwatapajj kunjamsa yanaptʼistu uk janiw sum amuyapkiti. Kunjamsa Jesusan jiwäwipajj ina chʼusat tʼaqhesiñanaka ukat jan walinak chhaqtayjjani ukwa aka revistajj qhanañchi.”

¡Despertad! Marzo

“Bibliankir mä qellqatatjja, waljaniw mayja amuyapjje ukampis uka qellqatajj kamsañs muni uk qhanañchtʼiriw jutta [Génesis 1:1 liytʼäta]. Alajjpachasa ukat aka Oraqesa maynin lurtʼatawa sasaw waljanejj sapjje, ukampis yaqhepajj janiw ukhamäkiti sapjjarakiwa. ¿Jumajj kamsasmasa? [Kamsanis uk istʼäta.] Waljanejja, Iglesia pʼeqtʼirinakan Bibliat jan sum yatichapjjatap laykuw alajjpachasa ukat aka Oraqes ina chʼusatakwa uñsti sasin amuyapjje. Ukampis Bibliajj uka toqet kamsisa ukwa aka revistan qhanañchi.”